I. Désiré savoir

COiNSOLACiON. m. 285

Le Prophète David dit : Ayes espérance en Dieu, et faiz bonnes œuvres, et habite ou demoure en la terre, et tu seras repeu ou saoulé de ses richesses. Geste terre est la gloire de Paradis en laquelle nous devons habiter et demeurer par désir et affection. Et lors nous serons repeuz et saoulez de ses richesses, c'est assavoir des biens qui y sont. Une chose est qui empesche et retarde plusieurs de proffiter, et amender fervamraent leur vie, c'est assavoir quant ilz pensent à la peyne et au travail qu'il fauldra qu'ilz prennent à leur vie acoustumée changer et muer; et ceste difficulté leur fait paour. Mais ceulx qui ont grant voulenté de proffiter et d'acquérir vertus il n'est rien qu'ilz ne facent et surmontent, tant soit grief, par la grâce de Dieu. Car ceulx qui mettent peyne d'eulx mortiffier, refraindre , et vaincre leur passion, reçoyvent de Dieu plusgrans grâces selon leur bonne voulenté.

Mais tous n'ont pas ung mesmc désir à proffiter et surmonter leurs vices. Et pource advient-il aulcunesfois que aulcun bien plain de vices et de maulvaises passions, sera plustost mortiffié, et aura plus de grâce de Dieu, que celluy qui aura de meilleures condicions, et moins vicieux. Et c'est pour la grant voulenté et désir qu'il a de proffiter, et pour la peine qu'il y mect, pourquoy ' Dieu luy aide , et lui donne sa grâce selon sa bonne voulenté. Deux choses sont nécessaires à proffiter, et amender sa vie, c'est assavoir se subslraire et es-'

t. Que Dieu lui aide.

286 L'Intern'elle

loigner de soy ce à quoy sa condicion et nature est mal enclinée; l'autre est de mettre grant peine d'acquérir la vertu qu'on n'a pas et que on a besoing d'avoir.

Garde-toy aussi de faire aux aultres ce qui te desplaist aux aultres *, et mect peine et diligence de proffiter en toutes choses, c'est à dire faire ton proffit de tout ; c'est à dire se tu voys aulcuns bons exemples en une aultre personne, ou que tu oyes dire aulcun bien de luy, mectz peine de l'ensuyr. Et se tu voys aulcun mal en ung aultre, ou se tu oyes dire aulcun mal de luy qui te desplaise, garde que tu ne le faces. Et se tu l'as aultresfois fait, amende-toy, et pense que ainsi comme les aultres te desplaisent en ce, aussi desplairas-tu à aultruy. C'est doulce chose veoir fervens et devotz religieux et de bonnes meurs et discipline. C'est aussi griefve chose et desplaisant par le contraire veoir les aultres mal ordonnez et mal disciplinez qui ne excersent pas ou acomplissent les ouvres de leur religion ou vocacion. Et ceulx icy font tresgrant dommaige à eulx et à aultruy; car ilz ne font pas ce à quoy Dieu les a appeliez, et ne ensu\Tent pas le bon propos que Dieu leur avoit inspiré, et ne enclinent pas leur sens à ce qui leur est ordonné.

Mais au contraire remembre-toy ou te souviengne du bon propos que Dieu t'avoit donné, et propose devant toy l'ymage du Crucifix. Tu doys avoir grant honte en toy se tu regardes bien la vie