Ne es choses divines. Édit. de iSvl
3. Les édit. 40 goth. S. D. et i5oo donnent : Grant austérité est de cueur instabilité. Aucune de nos versions n'a traduit fidèlement la phrase de saint Bernard, d'oii est tiré ce passage de Vlnternetle Consolacion : Ingens auctoritas et infirma stabilitas.
292 L'Intep.nelle
tu desires et veulx avoir les pompes et orgueil du siècle, et aymes les délices de la chair, advise-toy et considère bien comme toutes ces choses sont fresles et de pou de profïit ; car toutes ces vanitez sont comme ung songe. Que a proffité orgueil à tous ceulx qui l'aymoyent en ce monde , ou aussi la vantance et confiance des richesses? Toutes ces choses sont passées comme ung umbre et comme une nef qui passe par une eaue courant et flottant, de laquelle nef on ne peut tantost monstrer l'enseigne du chemin par lequel elle est passée. Certainement ilz sont consommez et failliz en leur maulvaistié , et la plusgrant partie d'eulx ont relinqué et délaissé le sentier ou enseignement de vérité.
Oîi sont maintenant les princes et grans seigneurs qui ont esté au temps passé, qui avoyent dominacion et seigneurie sur la terre et sur les bestes du monde, qui ont fait et assemblé grans trésors d'or et d'argent, qui ont ediffiez et construitz citez, villes et grans chasteaulx, qui par force d'armes ont combatu, vaincu et surmonté roys et royaulmes? Où sont les sages et clercz du temps passé qui ont descript et mesuré le monde? Où est le bel Absalon? Où est Alixandre le trespuissant? Où est Sanson le fort? Que sont les puissans empereurs? Où sont les nobles roys et princes ? Où leur a proffité leur vaillance, vanité et briefve lyesse mondaine, grant puissance, grant famille, voluptez et plaisances chamelles , habondance de leurs faulses richesses.
Consolation. III. 293
la delectacion de leurs concupiscences? Où sont leurs joyes, esbatemens et richesses? Où est leur vantance ou arrogance dont ilz estoyent plains? Où est la noblesse de leur lignage et la beaulté de leurs corps ?
Helas! tout est failly et passé, adnichillé et esvanoy : car on n'en peult rien trouver, ni les reliques d'iceulx parmi les aultres discerner, pource que les corps d'eulx sont en terre pourris et des vers devourez ! Et leurs âmes reçoyvent la joye ou la peine qu'elles ont mérité.
Cij finîst le Livre de Internelle Consolacion.
