Cherche

6 L'Internelle

sideracion de ses précieuses playes. Car se tu te acoustumes à dévotement recourir aux playes et aux aultres signes de la Passion Nostre Saulveur et Rédempteur Jesuchrist , tu y trouveras grant reconfort et consolation en tes tribulations et adversitez, et ne te chauldra * guère d'estre mesprisé du monde, et porteras ^ legièrement se on detrait ou maldit * de toy.

Pense comment Nostre Seigneur Jesuchrist fut mesprisé du monde et, en la plus grant nécessité qu'il eust en ce monde fut délaissé de tous ses amys et prouchains. Celluy doncques voulut cecy souffrir pour toy ; pource tu ne te doys pas complaindre se on dit pareil de toy. Jesuchrist voulut en ce monde souffrir, avoir adversaires et detrayeurs, c'est à dire qui disoyent mal de luy, et sans cause et à tort , et tu veulx estre amé de tous et loué. Pour quoy sera ta pacience couronnée et rémunérée se tu ne seuffres quelque tribulation et adversité? Se tu ne peuz ou veulz souffrir quelque contrariété, comment pense-tu estre aymé de Jesuchrist? Seuffres doncques pour l'amour de luy comme il a fait pour toy, se tu veulx régner avec luy.

Se tu estoyes une fois parfaictement entré en luy, et que tu eusses ung peu savouré la doulceur de son amour, lors tu ne tiendroyes compte, ou peu ou rien, de ton prouffit ou dommaige, mais seroys