Promptement, facilement

fresle et mortel, supposé mesme qu'il semble estre proffitable et amy, ne aussi avoir trop grantpaour et tristesse s'il est ennemy ou adversaire. Ceulx qui au jourd'uy sont tes amys, demain seront tes adversaires et ennemys; et aussi, par le contraire, ceulx qui au jourd'uy sont tes adversaires, demain seront tes amys, pourceque tantostse muent et changent, et tournent comme le vent. Et pource tu doys mettre toute ton espérance et fiance en Dieu tantseullement, et ne aymer ou doubter * aultre que luy. Tu n'as point ycy de demourance permanent; quelque part que tu soyes en ce monde tu es estrangier et pèlerin, et ne auras repos en quelque lieu que ce soit , sinon en cueur quant tu seras vrayement joinct à Dieu.

A quoy regarde-tu ne çà ne là pour trouver repos? Soit ton habitation et demourance es cieulx par amour et affection, et point ne regarde les choses de ce monde, fors que en passant; car elles passent et deviennent toutes à néant , et tu aussy comme elles. Et pource ne te tiens pas ou adj ouste "^ si fort à elles que tu soyes prins et périsses avec elles. Ta pensée soit tousjours en Dieu, et^ ta prière soit sans cesser adressée à Jesuchrist. Se tu ne sçays contempler haultes choses et celestiennes, quier^ repos on la Passion de Nostre Seigneur Jesuchrist, et te tiens voulentiers en la cou-