Fatigué, lâche

j. Ressoigner, avoir cure, dans son doulile sens d'avoir soin ou souci de quelque chose.

i4 L'Internelle

sons pas nostre ignorance ou cécité. Nous faisons aulcunesfoiz mal, et, encores pys, nous excusons nostre faulceté faulce. Nous sommes aulcunesfoiz esmeuz contre aultruy par passion ou affection desordonée, et nous cuidons ' que ce soit zèle ou ardant amour. Nous reprenons es aultres petites faultes , et ne voyons pas ou congnoissons les nostres qui sont plus grandes. Nous sentons et pensons tantost ce que les aultres nous font contre nostre voulenté ou plaisir , mais nous ne regardons pas ce que aultresfoiz nous leur avons fait de mal. Qui bien et droit penseroit ses faultes , il ne verroyt quelque grant chose à reprendre sur aultruy.

Qui a parfaictement cure et soing de son ame, il mect toutes aultres choses arrière pour y penser et vacquer ; et qui diligemment pense et entend a soymesmes, de legier se taist des aultres. Jamais tu ne prendras proprement garde à toy, et ne seras jà parfaictement dévot, se tu parles voulentiers des aultres, car c'est signe que tu ne te cognois pas encores bien. Se tu ne penses que à Dieu et à toy, il ne te chauldra guères que on face aultre part *. A qui et à quoy penses tu se tu ne penses à toy ; et que te proffileroit se tu gouvernoys toutes les choses de ce monde et de toy n'auroys point de cure. Se tu veulx avoir vraie cure de toy, paix et union en ton cueur, il convient que tu oublies toutes les choses de ce monde, et que tu soyes tousjours devant les yeulx