Remplissant

4. L'édit. de 1498 donne : Dieu pardurable et infini remplit, c'est-a-dire est suffisant a assouvir le diisir de l'àme, etc.

i6 L'Interxelle

ou en sa conscience n'a point remors de péché mortel qu'il saiche , et s'il le sçavoit le confesseroit et osteroit le plustost qu'il pourroit. Ayes bonne conscience et tu seras tousjours joyeulx, voire de bonne lyesse. Bonne conscience peult souffrir et avoir pacience, et est joyeuse en adversité. Mauvaise conscience est paoureuse, et n'a point de repos. Se tu n'as point de remors de conscience en ton cueur de nul péché, tu reposeras souefvement ' . Ne t'esjouis point fors que en bien pensant et bien faisant. Les mauvais jamais n'ont vraye joye et ne sentent paix de cueur, car ilz ne scevent que c'est; car Dieu dit qu'il n'est point paix aux mauvais et pécheurs. Et s'ilz le disent , c'est à dire qu'ilz cuident*, disant en leur cueur : Nous sommes en bonne paix, il ne nous viendra point de mal , nul ne nous peut nuyre — ne les croy pas, c'est à dire n'y ayes point de fiance , car soubdainement viendra l'ire , c'est assavoir la pugnicion, de Dieu sur eux , et toutes leurs œuvres seront myses à néant, et toutes leujs mauvaises cogitacions périront.

Se glorifier et esjouyr en tribulacion n'est pas forte chose à celuy qui ayrae Dieu ; car telle joye et glorificacion est en la Passion de Nostre Seigneur Jesuchrist. La joye et gloire que prennent ou donnent les hommes, c'est à dire le monde, estrifve ' et tousjours avec elle y a aulcune tristesse. La gloire