Tourmente. L'édit. de 1490 donne: est grefve

des bons est en leurs cueurs et consciences, et non pas en la bouche des hommes. La lyesse et exultacion des justes est de Dieu, et en Dieu : car elle est de vérité. Qui vrayement désire la gloire vraye et pardurable ne tient compte de la temporelle ; qui ne la mesprise en son cueur, il se monstre vrayement qu'il n'ayme pas la celestielle.

Coluy a grant paix et tranquilité de cueur qui ne tient compte de la louenge et blasme du monde, laquelle chose fera legiercment et promptement celuy de qui la conscience est necte. Tu ne seras pas pour ce plus sainct ou meilleur se on te loue, ne aussi pyre et plus meschant se on te blasme ; tu es ce et tel comme tu es ; tu ne seras pas aullre, pour les parolles du monde, que tu es devant Dieu. Se tu congnoys et regardes quel tu es au cueur, tu ne tiendras compte de ce que les hommes diront de toy. Les hommes voyent par dehors , mais Dieu voyt par dedans ; les hommes voyent les œuvres, mais Dieu voyt l'entencion. Faire tousjours bien et ne sentir rien de soy, c'est signe de humble cueur. Ne vouloir point estre consolé ou reconforté de quelque créature est signe de grant purité interiore et de grant fiance en Dieu.

Qui ne demande point ou désire quelque tesmoignaige de dehors, c'est assavoir du monde, il appert qu'il c'est ' commis à Dieu et s'i fye tant seulle-

I. S"est. La distinction du c et de Vs dans les mots ce et se n'est pas fréquemment faite à cette époque. Nous ne nous astreindrons pas a noter chacune de ces confusions lorsque le sens général de la phrase y apportera une clarté sufSsante.

i8 L'Internelle

ment. Car non pas celuy qui se loue, mais celuy que Dieu approuve et recommande, est à louer. Avoir son cueur fiché en Dieu, et ne avoir point (l'aultre affection terrienne, est ce qui appartient à la personne espirituelle ou qui veult vivre selon Dieu.

De la timeur et crainte de Dieu sur toutes autres choses.

VIP Chapitre.

eluy est bien benoist qui congnoist et ^|) apperçoit en soy que c'est' que aymer Jesuchrist et contemner et mespriser soy mesmes pour l'amour de luy. 11 fault et convient délaisser ung amy pour l'aultre , c'est * le monde pour Dieu ; car Jesuchrist veult estre aymé tout seul et sur toutes choses. L'amour des créatures est faulce et instable, mais l'amour de Jesuchrist est vraye et persévérant. Qui se adjouste ou appuyé à la créature, il fault qu'il tombe quant elle luy fauldra ; mais qui embrasse Jesuchrist, il sera tousjours ferme et estable, pource que sa fiance jamais ne fauldra. Et pource ayme le, et le retien pour ton amy, car supposé que tout le monde te laissast, si ^ ne te laissera-il pas périr. 11 fault que une foys tu soyes séparé de toutes choses de ce monde, vueilles ou non.