Le Diable

3o LInternelle

Qui est celluy, tant soit séculier ou mondain, qui ne receust voulentiers lyesse et consolacion espirituelle, s'il la povoit tousjours avoir à son plaisir? Car consolacion espirituelle passe et surmonte toutes joyes mondaines et voluptez ou délices charnelles, dist à Dieu le Psalmiste David : Les maulvais, dist-il, nous racomptent ou rapportent fabulacions; mais elles ne sont pas, Sire, comme vostre loy, c'est à dire elles ne me assaveurent pas au goust de mon âme comme vostre loi espirituelle. Car toutes les délices du monde sont ou vaynes ou ordes et deshonnestes ; mais les délices espirituelles sont joyeuses et honnestes, et viennent de vertus inspirées de Dieu aux cueurs nectz et purs. Et icelles n'a pas chascun à son plaisir et vouloir, pource que l'on n'est pas longuement sans temptation.

Et est assavoir que à la visitacion de Dieu et celestielle consolacion est moult contraire faulse liberté et grant confiance et asseurance de soy. Dieu, qui est bon, de sa bonté fait ce bien de donner cestc consolacion ; mais en ce l'homme fait son dommaige quant il ne l'attribue pas tout à Dieu, et ne l'en remercye pas deuement. Et pource ne povent pas les dons de grâce tousjours descendre en nous, car nous sommes ingratz, et ne les attribuons pas ne ramenons en leur fontale et première naissance dont ilz partent et viennent en nous, c'est à Dieu. Car tousjours la grâce de Dieu est donnée à celluy qui en rend grâces et mercis ; mais elle est ostée à

CONSOLACION. I. 3i

celluy qui s'en orgueillist, et est donnée à celUiy qui se humilie plus.

Je ne vueil point la consolacion laquelle oste de moy componction, ne je ne désire pas contemplacion de laquelle vient elacion '. Car toute haultesse n'est pas sainte, ne toute doulceur bonne, ne tout désir n'est pas pur et nect, ne toute chiere chose n'est pas agréable ou plaisante à Dieu.Tresvoulentiers recoys la grâce par laquelle je dois estre plus humble et plus paoureux envers Dieu, et plus prest et appareillé à me denyer, c'est à dire à laisser mon propre sens et ma propre voulenté. Celluy qui est bien enseigné de la grâce de Dieu, et a bien aprins en soy et par soy ceste substractiondela visilacion de Dieu, ne se osera jamais attribuer à soy quelque bien que ce soit, mais se reputera et confessera estre povre et desnué ^ de tout bien. Donne à Dieu ce qui est à luy, et te attribue ce qui est tien, c'est à dire recongnoys que tous les biens qui sont en toy, se aulcuns en y a, viennent de Dieu, mais les maulx et péchez qui sont en toy viennent de toy, et que tu es digne d'en estre pugny et non aultre.

Mectz toy tousjours au plus bas, c'est assavoir en ton cueur et en ta reputacion, et Dieu te exaulcera et eslevera jusques au plus hault, car haultesse n'est point sans baisseur, comme on scet dire ',