Pendant que

28 L'Inter.nelle

lacion et congnoissance, laquelle elle n'avoit pas en temps d'adversité. Et pource lob veult dire que Notre Seigneur nous visite par sa grâce quant elle est en nous, mais soubdainement après il la nous soustrait quant nous ne sçavons, et par ceste soustraction il appreuve nostre pacience.

Sur quoy doncques puis-je avoir espérance , ou en quoy me confier, sinon en la seulle miséricorde de Dieu et sa seulle grâce? Car il n'y a quelque personne ou compaignie, ne de frères devotz, ne de bons et loyaulx amys ou parens, ne livres ou beaulx traictés , ne oraysons bien dictes ou rimées , ne beau chant, ou quelque instrument, qui me puisse guaires aider et reconforter par dedans, quant la grâce de Dieu me laisse, et en ma propre povreté me relinquist. Et à ceste tribulacion porter et soustenir n'a meilleur remède que d'avoir pacience , etse submettredu tout àla voulenté de Dieu, et luy prier qu'il face de nous ce qu'il lui plaira , tant seulement qu'il ne nous délaisse pas finablement.

A grant peine ou jamais ne trouveras quelque sainct tant dévot ou religieux qui n'ait en soy expérience de ceste substraction de grâce , et qui ne sente diminucion de ferveur de devocion. Nul oncques n'y eut tant hault ravy ou eslevé qui n'ayt eu temptacion, ou devant ou après, car il n'est pas digne de haulte contemplacion de Dieu qui n'a en ceste vie exercitation d'aversité et tribulacion. Caria temptation précèdent est signe de consolacion qui ^^endra. Pour ce la consolacion espirituelle et ce-

lestielle est promise et donnée à ceulx qui seront exercitez et esprouvez par temptacions. Car il est escript en l'Appocalipse : Je donrai, dist Dieu, à mengier du fruict de vie à celluy qui aura surmonté et vaincu. Or ne peut-on surmonter ou vaincre sans batailler.

Mais Nostre Seigneur donne ceste consolacion divine affm que une personne soit plusfort à soustenir et porter adversité, mais après ceste consolacion et reconfort vient la temptadon affin que la personne ne s'en orgueillisse de ceste consolacion. L'Ennemy • ne dort pas jamais , ne la chair n'est pas encores mortifiée; et pource tu dois tousjours estre certain de assaulx, car ilz te assauldront, «^t te appareille de y résister. Car tant comme tu es en ce monde tu as adversaires et ennemys de toutes pars, à dexti'e et à senestre, c'est assavoir en prospérité et adversité, lesquelz jamais ne reposent ou cessent.

D'estre bien recongnolssant de la grâce de Dieu, et l'en remercier soigneusement.

X* Chapitre.

ourquoy demandes -tu repos en ce monde icy, quant tu y es né et mys pour labourer? Appareille-toy plustost à pacience avoir que recevoir consolacion, et plus à porter et souffrir tribulacion qu'avoir joye et lyesse,