Kei/uusacr

42 L'I.NTKRNELLE

t'a voulu demonstrer et appareiller, c'est le chemin de la croix.

Toute la vie de Ncstre Seigneur Jesuchrist a esté passion et martyre, et tu quiers et demandes joyeusetés, plaisances et repos. Tu erres se tu penses trouver aultre chose en ce monde que peine, adversité et tribulacion ; car toute ceste vie est pleine de misères, adversités et tribulacions, et toute environnée de croix. Et de tant que une personne a plus prouffité, et approuche plus de perfection, de tant apparçoit-il mieulx et congnoist les croix, adversitez et Iribulacicns qui y sont. Car de tant croist plus en son cueur la doulleur de son exil , c'est assavoir la eslongacion ' du pays où il tend et désire parvenir.

Mais toutesfois ung tel ainsi afilict " et désolé n'est pas sans relèvement de consolacion, par la grant espérance qu'il a du loyer et fruict qu'il attend de la pacience qu'il a et qu'il porte. Car par ce qu'il se submect voulentiers et de bon couraige, la grant fiance qu'il apparçoyt en luy luy fait grant confort et grande consolacion. Et de tant que la chair est plus mortifiée par ceste adversité et tribulacion, de tant l'esperit est plus sainctifié par la grâce de Dieu Nostre Seigneur ; et de sa consolacion interiore aucuncsfois est tellement reconforté, et de si grant cueur et voulenté porte et soustient ceste adversité et tribulacion, qu'il ne vouldroit pas estre sans