L'édit. de i.jgS donne après la mort

4o L'Internelle

une auitre fois ton prochain te excercitera par persecucion ou dommage qu'il tevouldra faire. Autrefoiz tu te sentiras en une telle tristesse et melencolie de cueur que à peine te pourras porter toymesmes, et ne trouveras quelque consolacion ou remède que tu y saches ou puysse mettre pour toy aleger ou délivrer. Mais il fault que tu seuffres et ayes pacience jusques au bon plaisir de Dieu; car Dieu veult que tu apprengnes à souffrir et porter tribulacion sans consolacion, et que tu te submectes et attenfles de tous pointz à luy, en te tenant en humilité et pacience soubz sa main. Nul ne peult si cordiallement sentir la Passion de Nostre Seigneur et Rédempteur Jesuchrist en son cueur comme celluy qui a pareillement souffert et soustenu. La croix doncques t'est appareillée par tout, et par tout te attend en tous estas. Tu ne la peuz doncques eschapper, quelque part que tu voises * ; car en quelque lieu que tu soyes, tu te portes tousjours et treuves toymesmes. Tourne-toy hault ou bas, dehors ou dedens, à dextre ou à seuestre, partout treuves-tu tribulacion et adversité, et est force et nécessité que ayes pacience se tu veulx avoir et acquérir la vraye paix de ton cueur, et desservir la couronne perpétuelle.

Mais se tu veulx ung peu aprendre à porter ceste croix, elle te portera, c'est à dire que par bonne acoustumance , et bonne voulenté que Dieu t'y

ï. Que tu ailles.

CONSOLACION. I. 4l

serra avoir, il la fera plus legiereet moins griefve; cl te amènera le droyt chemin au lieu où il ne te taiildra plus rien porter ou soustenir ; mais ce ne sera pas en ce monde ou en ceste vie. Se tu la portes envys ', tu le fays charge, etfayz que elle est |)ius griefve à porter. Et toutesfois il convient et est ioice que tu la portes, vueilles ou non. Et pource faiz de nécessité vertu, c'est à dire que ce qu'il te fault porter de nécessité te soit méritoire et proffitable au saulvement de ton ame par pacience. Se tu en cuydes débouter '^ une tribulacion, par adventure tu en trouveras une aultre plus grande et plus griefve.

Penses-tu eschapper ou éviter ce que nul homme mortel ne peut oncques faire? Lequel de tous les sainctz de Paradis a passé de ce monde sans adversité ou tribulacion, et sans ceste croix? Nostre Seigneur mesme Jesucbrist , tant comme il fut en ce monde, ne fut pas sans peine et douleur une seule heure. L'Apostre dit qu'il convint à Jésus souffrir en ce monde, et ainsi entrer en sa gloire. Il fault toutesfoys entendre que ce qu'il convenoit n'estoit point de nécessité à Nostre Saulveur Jesuchrist, mais de sa grant bonté, pitié et miséricorde voulut ainsi souffrir pour nous. Se luy doncques en sa propre gloire n'a pas voulu entrer aultrement, comment veulx-tu quérir et demander aultre voye et aultre chemin que celluy que ton ryy et seigneur