De ce que

64 L'Inteunelle

cueur de toutes affections désordonnées , afin que quant je seray bien guary et purgé dedans, que je puisse estre habille à vous aymer, fort en pacience, ferme, estable en persévérance.

C'est grant chose que amour ; c'est ung grant bien qui seul fait toute charge legière, et choses dessemblables pareilles. Elle fait porter grant charge sans aulcune grevance', et adoulcit choses amcres et les fait tressavoureuses. La parfaicte amour de Jesuchiist fait entreprendre grans œuvres, et excite à désirer tousjours plus grant perfection. Amour tend toujours en hault, et ne veult point estre retenue en petites et basses choses. Amour veult estre franche et hors de toute affection m.ondainc , à ce que son regard interiore ne soit pas emposché , et qu'elle ne soustiengne quelque impîicacion terrienne ^, et que pour quelque proffit temporel ou pour dommaige ne soit vaincue. Il n'y a en ciel ne en terre riens plus doulx que amour, riens plus fort, riens plus large, riens plus joyeulx, riens meilleur. Car amour est né de Dieu, et ne peult reposer en quelque chose créé fors en Dieu.

Ung vray amaul vole, court, il est joyeulx, franc, de nulle chose n'est empesché; il donne tout et peult tout, il a toutes choses en toutes choses, car il n'a repos fors en ung seul bien souverain duquel tout bien vient et descend. Il ne regarde point