Emi)Ochement, lien

aux dons, mais au donneur se convertist', car il luy est sur toutes choses doulx. Amour n'a point souventesfois manière , mais oultre mesure est enflammée. Amour ne sent point charge et ne refuse quelque labeur. Amour entreprent plus qu'elle ne peult , et ne se excuse point de impossibilité, car elle cuyde toutes choses luy estre licites et possibles. Or doncques elle vault à toutes choses, et accomplist plusieurs choses, et mect à effect plus que ung qui n'ayme pas ne pourroit faire, mais y fauldroit*.

Amour tousjours veille , et en dormant ne sommeille point, travaillé n'est pas las , restraint n'est pas hé, espoventé ne se trouble point ; mais comme une vive flamme et lumière ardant, se esliève en hault et passe partout seurement et franchement. Celluy qui ayme congnoist ceste paroUe : grant cry es oreilles Nostre Seigneur est l'affection de celluy qui peult vrayement dire : Mon Dieu, mon amour, vous estes tout à moy, je suys tout vostre.

Dilatez-moy, Sire, en ceste amour, que j'aprengne à goûter au parfond du cueur quant doulce chose c'est aymer et fondre tout en amour, et y vacquer ou y entendre. Faictes-moy, Sire, attacher à vous par les doux d'amour, et eslever dessus moy par grant ferveur et admiracion de vostre amour, et que puisse chanter, c'est à dire sentir et acomplir en moy, la chançon d'amours : J'ensuyvray mon