Tout ce que j'ai

CONSOLACION. II. 8l

ces grans et innumerables biens, fors vous servir tous les jours de ma vie? Mais je vouldroie bien que en toute ma vie ung jour vous puisse faire aucun service digne. Vrayement , Sire , vous estes mon Dieu et mon Seigneur, et je suys vostre povre serf, qui suys tenu de vous servir sans cesser de toute ma force et de tant que j'ay, ne jamais ne doy estre ennuyé de vostre louenge et service. Et ce vouldroye-je faire et le désire , et pour ce que de moy je n'y suis pas suffisant, plaise vous à supplier' mon imperfection.

C'est grant honneur et grant gloire de vous servir. Sire, et mespriser tout pour l'amour de vous; et ceulx qui le pevent faire auront gloire et grâce envers vous. Ceulx qui de leur bon gré se soubmettront à vostre saint service trouveront grande et doulce consolacion en leur esperit, se pour l'amour de vous délaissent toute delectacion et plaisance charnelle. Ceulx qui pour vostre nom et vostre amour prendront l'estroit chemin, et despriseront toute cure et sollicitude mondaine, seront en grant franchise et liberté.

0 honnorable et joyeuse servitude de Dieu, par laquelle l'homme est vrayement afranchi et sanctifié! 0 saint et sacré estât, la servitude de religion, en laquelle l'homme est restitué esgal et pareil es angelz, appaisé à Dieu , terrible aux Knnemys et honoré entre tous chrestiens ! 0 que on doibt aymer