I. Confirmez, affermis. i

et congnois bien cecy, tu t'esjouyras seullement de moy et en moy, et en moy auras et mettras ton espérance : car nul n'est bon fors moy seul, que on doibt loer et beneyr sur toutes choses.

Que c'est doulce chose de mespriser le monde et servir seullement à Dieu.

X* Chapitre.

aintenant je parleray et ne me tairay f; pas . Je parleray devant mon Dieu et mon Seigneur et mon Roy qui est es cieulx : 0 Sire, comme grande est la multitude de la doulceur que vous avez mucé pour ceulx qui vous craignent et doublent ! mais que sera-ce à ceulx qui vous ayment, et à ceulx qui de tout leur cueur vous servent! Vrayement, on ne pourroitracompter ne penser la grande doulceur de vostre consolacion que vous donnez à ceulx qui vous ayment; et en ce, mesmement en moy, avez-vous démontré vostre grande bonté et doulceur, qui m'avez fait, quen'estoye riens; et après, quant j'ay erré et esté esloigné de vous, vous m'avez ramené et raprouclié, et voulu que je vous servisse, et m'avez commandé que je vous aynie.

0 fontaine de perpétuelle amour, que diray-je de vous? Comme vouspourray-je oublier, qui avez daigné avoir remembrance de moy , mesmement après ce que je vous ay laissé et me suys perdu

8o L'Internelle

par mon péché? Vous avez fait à vostre povre hors de toute espérance miséricorde, et contre toute desserte et mérite luy avez donné grâce et demonstré amitié. Et que vous puis-je, Sire, rendre pour ceste grâce ! Vous n'avez pas fait à tous ceste grâce qu'iiz renoncent à tout ce monde et qu'ilz prennent vie monasticque ou de religion. Quant* grande chose est-ce, Sire, se je vous sers, à qui tout créature sert ? Il ne me semble pas grant chose se je vous sers, mais se me semble grant merveille que vous avez daigné et vous a pieu une si povre et si meschante et indigne créature appeller et recepvoir à vostre service , et assembler avecques voz amez serviteurs. *

Hélas! Sire, tout quant que j'ay^ est vostre, car je n'ay rien que ne m'ayez donné ; et de quoy doncques vous puis servir? Et toutesfoiz encore, par le contraire, vous me servez plus et mieux que je ne vous sers. Veez-cy, le ciel et la terre, que vous avez créez pour le service de l'hom.me, sont prestz et tous appareillez, et font continuellement ce que vous leur avez ordonné; et encores est pou de chose, quant mesmes les benoistz angelz de Paradis avezvous ordonnez pour le service de l'homme. Mais encores y a qui passe tout , quant vous-mesmes l'avez daigné servir, et à la fin vous vous promettez donner à luy.

Et que vous puis-je doncques donner pour tous

r Quelle grande.