I. Eslire le moins mal. Edit. do

et douleur en ce monde '? Tu ne trouveras nulz, jaçoit ce qu'ilz soyent grans maislres ou riches. Mais pource qu'ilz ont plusieurs plaisirs en ce monde en ensuyvant leurs delectacions et concupiscences, ilz ne pensent pas ou sentent les maulx et peines qu'ilz y seuffrent.

Mais or prenons qu'il soit ainsi qu'ilz eussent tous leurs plaisirs, sans tribulacion et peine : combien leur durera cecy? Tantost comme ung peu de fumée esvanoyront leurs richesses, et eulx aussi, et ne sera aulcune mémoire ou recordacion de leurs joyes et plaisances; jaçoit ce que eulx mesmes, tant comme vivent, ne sont pas ou ne reposent pas en paix , mais ont plusieurs grans amertumes de cueur, ennuys et angoisses, et de celles mesmes choses dont ilz ont leurs joyes et plaisirs retournent plusieurs fois douleurs et tristesses. Et ce se fait par le juste jugement de Dieu. Car pource qu'ilz quièrent desordonnement leurs plaisirs et concupiscences, ilz ne les pevent acomplir sans grande confusion de peine et de douleur. Et jaçoit ce que leurs plaisirs et delectacions soyent briefves, faulses et deshonnestes, toutesfois par ebrieté et aveuglement de leur cueur ne le congnoissent-ilz point , mais, comme une beste brute et sans raison et entendement, pour ung petit de cette vie corruptible et transitoire font la dampnacion de leur ame. Et pource, beau filz, n'ensuys pas tes plaisirs et concupiscences charnelles, et te sépare de ta propre voulenté. Dilate-toy en Dieu, c'est à dire

86 L'Internelle

pren ton plaisir à servir Dieu, et garde ses commandemens, et il te donnera les peticions de ton cueur.

Et certainement, se tu veulx avoir delectacion en moy et reconfort, tu la trouveras en mesprisant toutes choses mondaines, et en estant de toy toutes delectacions terriennes, et tu en recepvras ma bénédiction et consolacion habondant. Et de tant plus que tu te sépareras et soustrairas de consolacion de quelque créature, de tant trouveras-tu en moy p'us grans doulceurs et plus grandes consolacions. Combien que tu dois sçavoir que au commencement tu y trouveras grant peyne et grande tristesse, et aussi grant labeur en cest assault et en ceste bataille , pour la maulvaise accoustumance qui estoit en toy jà tournée comme en nature. Pource il fault quelle soit surmontée et tournée en nouvelle et bonne coustume. La chair en charnalité murmurera, c'est à dire resoingnera ' à changer sa vie, mais par ferveur et amour de Dieu sera legièrement vaincue. L'Ennemy t'assauldra et temptera, mais par dévote oraison sera enchâssé, et par bonne exercitacion et occupacion en labeur proffitable luy sera empeschée l'entrée en toy et en ton cueur.

1. Ressoigner, prendre peine ou souci de quelqne chose; et par extension, s'effrayer de, résister à. L'Édit. de 1498 donne craindra.

De l'humble obéissance du subject à l'exemple de Jesuchrist.

XIIP Chapitre.

elluy qui s'esforce de soy soustraire et v)i oster de obéissance, se soustrait aussi de grâce ; et qui quiert et demande choses privées et parcialles à soy doit perdre les communes. Celluy qui ne se submect pas voulentiers et de son bon gré à son souverain, c'est signe que la chair ne hiy est pas encores parfaictement subjecte et obéissant, mais qu'il y a plusieurs rebellions et plusieurs mouvements desordonnez. Et pource, se tu veulx ta chair, c'est à dire tes charnelles concupiscences et désirs, parfaictement mortifier ou surmonter, aprens à toy submectrelegièrement à ton souverain. Car qui sera celluy qui pourra bien vaincre ses adversaires estranges , se premièrement il ne peult surmonter ceulx de dedans luy et privez? Tu n'as point de plus périlleux et maulvais ennemy que toy mesme, se tu n'es d'accord à ton esperit. Il convient doncques que de tous pointz tu te mesprises et contemnes, se tu veulx avoir force et puissance contre les hommes de chair et de sang. Mais pource que tu te aimes encore desordonnement, pour ce doubtes-tu et refuys à te soubmettre à la voulenté d'aultruy.

Et quelle merveille est-ce se toy, qui est pouldre, cendre et néant, pour l'amour de Dieu te soubmetz

88 L'Internelle

à aultre homme, quant je, Dieu Tout-Puissant et souverain Seigneur, qui ay créé toutes choses de néant, me suis soubmis humblement à ung homme pour l'amour de toy. Je me suis fait treshumble et le derrain * de tous, affin que tu aprennes à vaincre tout orgueil par mon humilité. Aprens doncques à obtempérer et obeyr, toy qui es cendre ; aprens à toy humilier, toy qui es terre et fians*, et toy getter soubz les piez de tous les aultres ; aprens à rompre tes propres voulentez, et te abandonne à toute subjection.

Prens cueur et force contre toy', et ne seuffre point que orgueil ait dominacion en toy. Mais submectz toy et fay si petit que chascun puisse sur toy marcher et fouler comme sur la boe des chemins et voyes. 0 homme vain et vuid de tout bien, de quoy te peuz-tu complaindre? Que peuz-tu contredire, ort et vilain pécheur, à ceulx qui te font ou te disent aulcun reproche, toy, dy-je, qui tant de fois as courroucé Dieu, et tant de fois desservy enfer? Mais je t'ay piteusement et paisiblement espargné, car j'ay eue ton ame chière et précieuse, affin que tu congneusses et apparceusses l'amour que j'ay en toy, et que ne fusses pas ingrat de mes bénéfices et mescongnoissant, et