Fumier

3. Tout ce passage depuis " et puissance contre les hommes lie chair >i manque à l'édit. de i5oo. Il se trouve dans le manuscrit de 1468, peu différent du texte de 1498 que nous avons fidèlement suivi

que tu te habandonnasses à vraye humilité et subjection tousjours, et portasses paciemment se on te contempnoit ou mesprisoit.

Des ocultz et secret z jugemens de Dieu, lesquelz

on doibt considérer, à ce que on ne s'en

orgueillisse pas de ses bie7is et dons. Et

est en la personne de l'homme qui

parle à Dieu.

XIIIP Chapitre.

on Dieu , mon Seigneur, le tonnerre de vivyl [l ^oz secretz jugemens m'espovente , et mes os et tout quant qui est en moy se fremist et esmeut, et mon ame est tresesbahye. Je suis tout espoventé quant je considère que les cieulx ne sont pas nectz ou sans tache devant vostre face et regard. Se es angelz avez trouvé iniquité et péché , et vous ne les avez pas espargnez que ne les ayez tantost pugniz et sans miséricorde, quelle chose sera fait de moy? Les estoilles sont tombées du ciel , et je, qui suis cendre etpouldrCj comment me osé-je enorgueillir et présumer de moy. Aucuns qui estoient, ce sembloit, à loer, et faisoyent grans merveilles, sont cheuz et tombez en terre , c'est à dire sont retournez en péché ; et si mengeoyent le pain des angelz, depuis se sont delictez à la viande des pourceaulx.

Il n'y a doncques point de seureté en quelque saincteté de quelque créature estant en ceste pre-

sente vie , se vous, Sire, soustraiez vostre main , c'est à dire vostre grâce. Rien ne proufite sapience mondaine, se vous ne la gouvernez. Rien ne vault force humaine, se vous ne la soustenez. En chasteté n'a point de seurté, se vous ne la.,deffendez. Rien ne proffite garde ou industrie propre, se vostre saincte grâce et conseil n'est présent. Car se vous nous laissez à nous, tantost sommes comme surmontez, et périssons. Mais par vostre bénigne grâce et visitalion sommes relevez et vivifiez. Et n'est pas merveille : carde nous sommes inestables et foibles,mais par vous sommes confortez et fortifiez. Par nous, sommes tepides et reroys ^ mais, par vous enflammez et embrasez en bien.

0 comment je doy de moy sentir humblement, et comment je ne doy rien priser ce qu'il semble estre de bien en moy! 0 comment je me doy parfondement submettre à voz inestimables jugemens. Sire, quant je ne treuve en moy chose qui doye estre réputé que rien et moins que rien ! 0 grant charge , ô mer intransnatable , c'est à dire où nul ne se doit adventurer dey nager, de voz jugemens merveilieux, quant en moy je ne treuve rien qui ne soit moins que rien 1 Où sera doncques la presumplion de gloire? Où sera la confiance de toute vertu que personne ait ? Toute gloriacion vaine est ycy dechassée et anuUée en ceste parfonditéde voz jugemens sur moy.

i; Au point que.