I. Sous entendu, on puisse

1, De sorte qu'il ne peut.

0 mon Seigneur et Dieu , doulceur inestimable, tournez-moyen toute amertume et desplaisir toute charnelle consolacion qui me retraict de l'amour des choses pardurables, et sur une ymaginacion d'un plaisir ou bien délectable me attrait maulvaisement à soy. Ne souffrez pas, mon doulx Seigneur et mon Dieu , que chair et sang, c'est à dire que les affections charnelles, me surmontent et me vaincquent, ne que le monde, et la vanité de la gloire de luy, me deçoyve , et la malice de l'Ennemy me supplante ou surmonte. Donnez-moy, sire Dieu, force pour résister, pacience pour souffrir et porter, constance pour persévérer en bien. Donnezmoy pour toutes les doulceurs et plaisances de cestuy monde la doulce unction du Sainct Esperit, et pour toute charnelle amour et affection embrasezmoy de l'amour de vostre saint nom.

Ces nécessitez corporelles, comme menger, boire, vestir, chaulcer, dormir et autres que nous sçavons, sont à grant charge à personne fervent d'espcrit. Plaise-vous, Sire, me donner grâce et bonne voulenté d'en user par attrempance ' , non pas les prendre et consumer par superfluité et par désir desordonné. Car les débouter et les laisser de tous pointz n'est pas licite ; car par iceulx est nature soustenue et nourrye. D'aultre part vostre loy et voz commandemens nousdeffendent les prendre en superfluité et par grant délectation; car par ce la chair rebelle contre l'ame et l'esperit. Et pource, Sire,