I. Et comme si tu n'avois pas

122 L'Internelle

monde, on puisse estre sans distraction , sans négligence et paresse ou tepidité de cueur, et que par une grant grâce et prérogative on esliève franchement son cueur à Dieu , et * non estre fiché à quelque créature ou chose terrienne par affection desordonnée.

Et pource, sire Dieu tout puissant, piteusement vous supplie et requier qu'il vous plaise moy garder de ces cures mondaines, que je ne m'y applicque ou empesche trop fort; des nécessités ou délices corporelles, que ne me prengnent par volupté plus que besoing ne sera ; et de tous obstacles et empeschemens de l'ame, que par impatience et foibleténe soye surmonté et vaincu. Et je n'entens pas, Sire, ou désire estre seuUement deslivré de l'amour ou désir de ces choses ou vanitez terriennes, lesquelles les terriens et mondains désirent et convoitent de tout leur cueur, et auxquelles avoir et acquérir ilz mettent leur peine et travail , mais aussi des misères et enfermetez du corps, lesquelles nous tous souffrons et soustenons par la commune malédiction et pugnicion donnée à l'homme et à tout son lignage pour le premier péché, lesquelles agravent et retardent l'ame. Sire, de vostre serviteur, par la pénalité de ceste mortalité , qu'il ^ ne puisse se eslever franchement en esperit, et entrer en doulceur et paix de cueur ainsi et toutesfoiz qu'il vouldroyt.