I. Par le milieu, entre les deux côtés

ce que tu ne peuz licitement avoir ne posséder. Tu ne dois pas aussi vouloir avoir ce qui te peult empescher d'avoir ton cueur franc et délivre • envers Dieu. C'est merveille que la personne ne se commect et donne du parfond du cueur à Dieu avecques tout ce qu'il peult avoir et désirer,

Pourquoy te consumes-tu et gastes par vaine tristesse et melencolie, et te travailles en cures superflues? Lye-toy et te rapporte au plaisir de Dieu et sa voulenté, et tu n'auras point de peyne ou de dommaige. Se tu quiers et demandes maintenant une chose, maintenant une aultre, et estre et demeurer maintenant en ung lieu , maintenant en ung aultre , pour ton proffit ou plaisir avoir et acomplir, jamais tu ne seras et aussi ne demourras en paix, ne en repos, ne sans seing et tristesse. Car quelque part ou lieu que tu soyes, ou quelque chose que tu ayes, tousjours y trouverastu aucune chose qui te desplaira, et en chascun lieu trouveras-tu aulcun adversaire.

Ne pense doncques pas que multiplicacion de biens, ou chascune chose que tu auras, te aide à avoir paix et bon repos, mais plustost le conlemnement ou le mesprisement desdictes choses, et les affections d'icelles ostées et arrachées de tout point de ton cueur : laquelle chose n'est pas seuUement à entendre des richesses et biens terriens et mondains, mais aussi des honneurs et ambicion, et de vaine louenge mondaine , toutes lesquelles choses