I. Vif

126 L'Internelle

passent avec le monde. Pou prouffite le lîeu, se n'y a en l'esperit ferveur de devocion , ne la paix de dehors ne demourra pas longuement, se le vray fondement de paix n'est au cueur par dedans; c'est à dire que se tu n'es fiché en Dieu, et fondé par amour et affection comme dit est, tu peulx changer lieu, et aller où tu vouldras , mais tu ne seras pas pource meilleur. Car se ung peu de occasion te survient de tribulacion ou de temptacion, tu retrouveras ce que tu cuydois fouyr, et par adventure plusfort que devant , pource que la racine est encores dedens, c'est assavoir l'affection desordonnée à toy ou à aultruy.

Oraison pour impetrer purgacion ou mondicité • de cueur, et sapience divine.

^ onfortez-moy, sire Dieu , par la grâce TO) du Sainct Esperit. Donnez-moy vertu

d'eslre fort en l'homme interiore, c'est assavoir en l'esperit , et que je puisse vuyder mon cueur de toute solicitude et occupacion inutile, et qu'il ne soit distrait par ddvers désirs de quelque chose mondaine, soit vile ou précieuse; mais que je puisse toutes les choses de ce monde passans et defaillans estimer ou reputer pour nulles, et moy aussi, comme elles et avec elles passant, mortel et défaillant. Car rien n'est parmanant ou perpétuel soubzle soleil, c'est à dire en ce monde,