Le rappeler, le redire

i42 L'Internelle

mais quant vous n'y estes pas tout y est à ennuy. Vous faictes la paix au cueur, et la grant paix, et joye , et feste. Vous faictes toutes choses bien ou bon sentir, et qu'on vous loe en toutes choses, et sans vous ne peult rien longuement plaire; mais à ce qu'il ' soyt aggreable et plaisant, il convient que vostre grâce soit présente, et de la saveur de vostre sapience soit assavourée.

Quelle chose peult mal sentir à celluy qui vous sent , et quelle joye ou saveur peult avoir celluy à qui vous ne sentez ne odorifFerez bon ? Mais les sages de ce monde , et ceulx à qui la chair, c'est à dire les plaisances charnelles sentent et odorifèrent bon et semblent bonnes, faillent en leur sapience et saveur, car en ce y a tresgrant vanité, et en ce est trouvée la mort, voyre de l'ame. Mais ceulx. Sire, qui vous ensuyvent par le mesprisement du monde et des choses d'icelluy, et ensuyvent la mortificacion de leur chair, sont congneuz et reputez vrayment sages ; car ilz sont trespassez de vanité à vérité, de la chair et charnalité à l'esperit. Et à ceulx-cy et semblables est Dieu piteux et aussi savoureux. Et pource ilz retournent et rap-

1. //, se rapporte à rien : afin que cette chose soit agréable, etc. C'est à cet il que le manuscrit applique le mot savouré : Mais à che qu'il soit agréable, et qu'il assavoure bien il lij fault vostre grasce, et que de la savoiir de vostre sapience il soit fait savourable. Les édit. de M98, i5oo et de i5î.o sont d'accord pour attribuer cet adjectif au mot grâce : et de la saveur de vostre sapience soit assavourée. 'L'éâit. de 7533 enlève toute obscurité: l' et que de la saveur de vostre sapience la chose soit assavourée.»

portent à la louenge du Créateur tout le bien qu'ilz trouvent es créatures. Toutesfoyz dessemblable et moult différent est la saveur et doulceur du créateur à celle de la créature , de la trinité à la temporalité, c'est à dire de la mutabilité de la créature à la perpétuité du Créateur , de la lumière non faicte ou créé à celle qui a esté faicte et enluminée '.

0 lumière perpétuelle, trespassant toutes lumières, corruscacions et aultres resplendisseurs , purifiez , esjouyssez, clarifiez et vivifiez mon esperit avec toutes ses puissances, à ce qu'il puisse estre conjoinct à vous en jubilacions excessives, ou par joyeuses eslevacions de cueur ! 0 quant viendra celle benoiste et désirée heure que vostre présence me rassazie et que me soyés tout en tous, c'est à dire que en vous possédant j'aye toutes aultres choses: car jusques àce que ceste chose me sera ottroyée, il n'y aura en moy parfaicte joye. Las, moy doulent! encore vit en moy la vieille chair, c'est à dire la vieille acoustumance, et n'est pas encores toute crucifiée ne toute amortie, mais encore se combat fort , et convoite contre l'esperit , et esmeut assault et guerre par dedens, et ne souffre le royaulme de mon ame estre en paix.

Mais vous. Sire, qui estes seigneur de la mer, qui appaisez les commocions de ses fleuves et tem-

I. Le manuscrit, les édit. de i5oo et de iSao, ne donnent pas cette phrase aussi complète ni aussi clairement traduite. Dans redit, de i533 le mot Irinité est remplacé par le mot éternUé,

i44 L'Internelle

pestes , secourez-moy et aydez ; dissipez les gens , c'est à dire les vices , qui me veuUent mener guerre, et par vostre vertu et puissance les surmontez, c'est à dire donnez-moy grâce de les surmonter. Demonstrez , Sire , vostre magnificence , et soit vostre vertu magnifiée en moy . Car en moy n'a aultre espérance ne aussi nul refuge que en vous , Sire , qui estes mon Dieu , mon maistre, et aussi mon seigneur.

Que en ceste présente vie n'est point de seureté

de temptacion. Et est en la personne

de Dieu comme dessus.

XXXV Chapitre.

eau filz , tu ne doibs jamais estre seur en ceste vie , mais tant comme tu y vivras tu as besoing et nécessité d'avoir armes espirituelles. Tu converses entre tes ennemys, tu es assailly et impugné de tous costez, à dextre et à senestre. Pource, se tu ne te sçays bien ayder et deffendre de l'escu de pacience, tu ne seras pas longuement sans playe ne sans blesseure. En oultre se tu ne fiches de tous pointz ton cueur en moy, et ayes bonne voulenté de tout souffrir et soustenir pour l'amour de moy, tu ne pourras porter la force et ardeur de temptacion, ne attaindre à la couronne des Saintz. Il te fault doncques fort et puissamment corabatre, et de grant

force résister contre tes adversaires : car à celluy qui vainct et surmonte est donné la doulceur , et à celluy qui est négligent demeure la misère.

Se tu quiers et demandes en ceste vie repos, comment cuydes-tu parvenir à la gloire pardurable ! Ne cuides pas avoir ycy grant repos, mais te appareille à grant patience. Ne quiers pas ou demande paix en terre, mais es cieulx, non pas es hommes ou es aultres créatures, mais seullement en Dieu tout seul. Pour l'amour de Dieu tu doibs voulentiers porter et souffrir labeur et douleur, temptacions, travailz, angoysses, nécessitez, enfermetez, injures, detractions, repreliencions, humiliacions, confusions ou mesprisemens. Car cestes choses devant dictes, et plusieurs aultres semblables, aydent à acquérir vertus, et espreuvent les bons et les vrays champions de Jesuchrist, et forgent la couronne des cieulx. Je rendray loyers pardurables pour brief labeur, et infinie gloire pour honte ou confusion transitoire.

Pense-tu avoir tousjours en ce monde à ton plaisir et voulenté les consolacions espirituelles? Mes saintz et parfaitz amys ne les ont pas eues tousjours , mais ont eu et soustenues plusieurs temptacions, et diverses et griefves et grandes desolacions, et les ont portées paciemment ; et en toutes ces choses ilz ont eu plus confiance en moy que en eulx mesmes, car ilz sçavoyent que les tribulacions et passions de ce monde ne sont pas condignes à desservir la gloire pardurable. Veulx-tu tantost donc-

i46 L'Internelle

ques avoir présentement ce que plusieurs à grant peyne ont peu obtenir à grans labeurs et par grans larmes et gémissements? Attens ton seigneur, laboure fort et te reconforte en luy; et ne t'en defiBe pas, ou t'en fuys et deppars , mais expose et habandonne constamment ton corps et ton ame pour l'amour de la gloire de Dieu.

Contre les divers jugemens des hommes.

XXXVI' Chapitre.

eau filz, jecte et met fermement ton cueur en Dieu , et ne double point le jugement des hommes en ce en quoy ta i@rrrr=^ conscience te rend pur et innocent. Telles choses souffrir et porter est ung tresbon signe de béatitude ; et ce ne sera pas grief ou fort à celluy qui est humble de cueur , qui se confie plus en Dieu que en soy. Plusieurs gens dient plusieurs paroUes, et pour ce on n'y doit pas adjouster grant foy ou créance de legier ; et aussi n'est pas possible de satisfaire ou plaire à chascun. Et supposé que saint Pol se estudiast et efforcast de plaire à chascun, et se fust fait commun à tous, c'est à dire se conformast à ung chascun, toutesfoyz ne tenoit-il pas compte des jugemens ou estimacions diverses que plusieurs avoyent et disoyent de luy. Il labouroit et faisoit tant comme il povoit pour l'edificacion et saulvement des aultres en tant que en soy en estoyt. Mais toutesfoyz que aulcuns ne

le jugeassent et mesprisassent ne povoit-il éviter, ou les refraindre ; et pource il se commettoit et attendoyt du tout à Dieu qui congnoyssoit et sçavoit son cueur, et se armoyt et deffendoit de pacience et de humilité contre les faulses et maulvaises langues de ceulx qui mesdisoyent de luy, et aussi contre les vaines et mensongières pensées et jugemens que aulcuns faisoyent, en soy vantant pour leur plaisir et voulenté. Toutesfois aulcunesfois il leur respondoit, non par impacience et pour se loer, mais affm que les simples , lesquelz n'estoyent pas encores bien fermes , ne fussent pas escandalizés par sa taciturnité, c'est à dire qu'ilz eussent pensez ' qu'il se fust doublé ou senti coupable des vices que on luy imposoit et mettoit sus.

Qui es-tu doncques qui te doubles et as paour d'ung homme mortel? 4ujourd'huy il est, et demain il n'apparoistra pas, c'est à dire que on le ne sçaura où trouver. Double bien Dieu, et tu ne doubleras pas les hommes. Que te peut faire ung homme ou nuyre par ses parolles ou injures et villennies qu'il te dit? Il se fait plus de mal qu'il ne fait à toy, car supposé que en ce monde il n'en soit pas pugny, toutesfois ne peut-il pas éviter le jugement de Dieu, quelconque qu'il soit. Ayes toujours Dieu devant te yeulx, et ne estrive * pas de parolles comme en te deffendant. Et supposé qu'il semble que pour le pre-

1. Qu'ils eussent pensé en eux-mêmes qu'il craignoit ou sentolt être coupable.