Et ne débats pas

148 L'InteriNELle

sent tu ayes tort, et soyes surmonté et vaincu , et par ce ayes confusion ou honte , et sans cause, et que ta conscience te dye que ne l'as pas desservy, et que n'ayes pas fait ce que on te impose, toutesfois ne t'en courrouce pas et ne soye pas indigné pource ; car tu pourroies parce minuer ou amendrir ton loyer et ta retribucion envers Dieu. Mais regarde à moy, c'est à dire ayes ta confiance en moy, et au ciel , car je suis puissant de te délivrer de toute injure et villennie, et rendre à ung chascun ce qu'il aura desservy.

De la pure et entière resignacion , ou renonciacion de soy mesmes pour avoir et obtenir parfaicte franchise et liberté de cueur.

XXXYIP Chapitre.

eau filz, delaisse-toy et tu me trouveras. Soyes sans ta propre voulenté et propriété ', et tu gaigneras tousjours; car tantost que tu auras vrayement renoncé à toy sans te reprendre , tantost te viendra plusgrant grâce, et tu te trouveras purgé et nectoyé. Et se tu demandes : Sire, quant esfois me delaisseray-je, et en quoy me renoncieray-je? Je respons que en toute heure et en toutes choses , aussi en la petite que en la grande; je ne excepte rien, mais en toutes choses je veuil que tu soyes desnué, es-

I. Dans ce même sens d'amour propre que nous avons signalé plus haut.

peciallement quant au cœur dedans. Aultrement comment pourras-tu estre mien et moy tien, se tu n'es premièrement despouillé de ta propre voulante et dedans et dehors? Et de tant que tu le feras plus tost, de tant te trouveras-tu mieulx, c'est à dire en meilleur estât ; et de tant que tu le feras plus plainement et nectement et de bon cueur, de tant me plairas-tu mieulx, et gaigneras plus.

Aulcuns voirement renoncent, mais ce n'est pas plainement ou nectement qu'ilz ne retiengnent aulcunes choses ou de leurs propres voulentés ou aultrement ; car ilz n'ont pas vraye confiance en Dieu, et pource ilz se veullent pourveoir en aulcune manière. Les aultres sont qui au commencement tresbien renoncent à tout de bon cœur, mais tantost que aulcune temptacion leur vient ilz sont surmontez et vaincus, et ne résistent pas fort, ou ne demandent pas conseil, ou ne le veullent pas croire, et pour ce ne profBtent pas en vertus. Et telz ne viennent pas à vraye liberté ou franchise de cueur, ne à celle doulceur de cueur de ma familiarité , se ilz ne renoncent entièrement et nectement, et mettent peyne d'eulx mortifier de jour en jour; car sans ce ne peut-on parvenir à celle union et joyeuse fruiction de moy qui est la joye et delectacion souveraine sur toutes les autres.

Je le t'ay dit plusieursfois, et encore de rechief je le t'afferme : delaisse-toy et renonce à toy vrayement, et tu sentiras en toy grant paix interiore. Donne tout pour tout, c'est assavoir donne toy pour

i5o L'Internelle

moy '.Ne requier aultre chose, ne demande aultre chose, et te tien trespurement et sans doubtance en moy et en ce propos , et tu me trouveras, et seras franc et délivre de cueur, et ténèbres ne te tiendront point. A ce tu dois efforcer de parvenir, et de ce dois-tu prier Dieu , et ce désirer, et que tu puisses estre despouillé de toute propriété, affin que tout nu puisses ensuyr Jesuchrist qui pour toy fut despouillé, et mourir à toy, et vivre en luy éternellement. Et lors fauldront en toy toutes fantasies superflues et maulvaises conturbacions et cures. Lors fauldra en toy trop grant crainte ou paour, et sera mortifiée amour desordonnée.

De avoir en soy bon gouvernement par dehors, et recourir à Dieu en tous perilz.

XXXVIIP Chapitre.

eau filz, tu dois diligemment tendre à ce que en tout lieu et occupacion ou operacion exteriore tu soyes franc par dedans, et puissant sur toy, c'est à dire que tu t'en puisses ester quant tu vouldras, et que les choses de ce monde soyent soubz toy, non pas toy soubz elles ; mais que soyes seigneur de tes euvres et gouverneur, non pas serf ou vendu , c'est à dire que tu t'en puisses ester ou retraire quant tu voul-