I. Quelque ton, etc., qu'il semble

i58 L'Internelle

et appartient', s'il se povoit faire, tu desires estre sans compaignie d'aultruy. Car de tant plus est la personne près ou prouchaine de Dieu , de tant qu'elle se esloigne ou sépare plus de la compaignie et consolacion des hommes. Et de tant est l'homme plus hault et grant envers Dieu, de tant qu'il est plus petit envers soy, et se repute plus vil et meschant.

Mais celluy qui se repute estre aulcune chose, et se attribue le bien qu'il voit en soy, chasse hors de soy la grâce de Dieu , et l'empesche qu'elle n'y viengne ; car le Sainct Esperit demande tousjours le cueur humble. Et se tu te sçavoys parfaictement anichiller, et vuider de toute amour et affection humaine et terrienne, lors lu apparcevrois la grâce de Dieu en grant habondance descendre en toy. Quant tu regardes aux créatures, tu pers le regard du Créateur. Apren doncques à toy vaincre et mortifier pour l'amour du Créateur, et lors tu pourras parvenir à la cognoissance de la divinité. Car se tant soit pou il advient que la créature soit aymée de toy desordonnement ou désirée , de tant est ceste congnicion de Dieu retardée ou viciée en toy.