I. Que je, ne me herdisse. Ed. de

CONSOLACION. II. i53

mais quant elle y est venue , et quelle a obtenu son désir, elle luy ennuyé, et n'y a pas si grant affection qu'elle avoit ; pource que les affections envers ces choses terriennes ne sont pas durables , mais se changent et tournent d'ung estât en aultre legierement. Ce n'est pas doncques peu de chose se délaisser et renoncer à soy, mesmement en petites choses.

Toutesfois en ce est le vray prouffit et perfection de la personne, abnegacion de soymesmes ; et celluy qui est en ce point est tresfranc et seur. Mais l'Ennemy , adversaire de tous biens , ne cesse point de tempter, mais jour et nuyt se esforce d'envoyer fortes et aspres temptacions, alBn que en aulcune manière il puisse decepvoir et faire tomber en temptacions celluy qui n'est sur sa garde continuellement. Et pource nous admoneste Nostre Seigneur, et dit : Veillez et priez que vous ne cheez ou entrez en temptacion.

Que V homme lia de soy rien de bien, et ne se doit ou peut de rien glorifier.

XXXX" Chapitre.

ire, quelle chose est l'homme, que vous avez mémoire de luy et remembrance , ou le filz de l'homme, que vous le visitez? Que a homme desservy, que vous luy donnez grâce? Las! Sire, en quoy me puis

r54 L'Internelle

complaindre se vous me laissez, ou que vous puisje justement reproucher se vous ne me octroyez ce que je vous demande et prie ! Certainement je puis en vérité et sans mentir penser et dire : Sire, je ne suis rien , je ne puis rien , je n'ay pour moy rien de bien , mais en toutes choses je suis deffaillant, et tousjours tendz et viens à néant. Et se je ne suis par dedans aidé et enseigné, tantost seray tout desordonné.

Mais, Sire, vous estes tousjours tout ung , et en ung mesme estât persévérez pardurablement, tousjours bon , juste , saint , bien justement et sainctement faisant toutes choses, et disposant sagement et en grant sapience. Mais je, qui tendz et suis enclin plus à deffault que à prouffit , ne suis pas persévérant en ung mesme estât ; car sept temps se changent et muent sur moy. Toutesfois, Sire, tantost sera et se fera mieulx quant vous plaira et que me baillez l'aide de votre grâce ; car vous seul , sans aultre humain suffraige, me povez aider, et tellement confermer, que mes visaiges, c'est à dire mes affections ne soyent plus changées ou muées en diverses choses , et que mon cueur en vous et à vous tout seul soit converty, et là se repose.

Et si sçavoye bien chasser hors de moy et résister toute humaine consolacion, ou pour obtenir et avoir devocion, ou pour nécessité qui me contraint de vous quérir et prier, car il n'est aultre personne ou chose qui me puisse consoler, lors pourroye-je avoir à droit espérance en vostre grâce, et me es-

CONSOLACION. II. l55

jouyr, et reconforter du don de nouvelle consolacion.

Grâces soyent à vous, Sire, de qui viennent tous biens, quantesfoys je suis en bon estât ; mais je suis vanité et rien devant vous, homme inconstant et enferme; de quoy doncques me puis-je glorifier, et pourquoy veulx-je estre réputé ou loué? Sera-ce de rien? Et c'est tresvaine chose et vanité grant* Vrayement vaine gloire est une tresmauvaise pestilence et tresmauvaise vanité; car elle retrait, c'est à dire faire perdre , la vraye gloire, et soustrait la grâce des cieulx. Car quant ung homme se plaist ou prent aucune plaisance en soy, il vous desplaist ; et quant il désire avoir louenges humaines, il est privé des vertus.

Mais c'est vraye gloire et saincte exultacion se glorifier en vous et non pas en soymesmes , se esjouyr en vostre nom et non pas en sa propre vertu, et ne prendre point delectacion ou plaisir en quelque créature , sinon pour l'amour de vous. Vostre sainct nom, Sire, soit loé, non pas le mien; voz euvres soyent magnifiées, non pas les miennes; vostre sainct nom soit benoist, mais à moy ne soit attribué quelque chose des louenges des hommes. Vous estes ma gloire, vous estes la joye de mon cueur; en vous me glorifieray-je tousjours et me esjouiray, mais pour moy ou de moy, rien, sinon en mes enfermetez.

Quièrent ou demandent les Juifz ou quelque aultre gloire ou louenge l'ung de l'auUre ; quant à

i56 L'Internelle

moy, je ne vueil ou requier seullement que la gloire qui vient de Dieu ; car certainement toute gloire humaine , tout honneur temporel, toute haultesse mondaine comparée à la vostre n'est que vanité et folie. 0 vérité que je demande, ma miséricorde, mon Dieu, benoiste Trinité, à vous, Sire, seul soit louenge, honneur, vertus, gloire, par les siècles pardurables. Amen.

De mespriser tout honneur temporel.

XXXXP Chapitre.

eau filz, ne soyes pas courroucé se tu voys les aulcuns honnorez au monde et ■M iw;? K eslevez , et toy estre mesprisé et humiv-Srirmi^ lié. Esliève ton cueur et ton désir à moy au ciel, et tu ne tiendras compte du contempnement du monde.

Sire , nous sommes en ce monde cy aveuglez , et tantost surprins,etdeceuz par vanité, et toutesfois se je y regarde et considère bien, jamais ne me fut fait injure ou villenie de quelque créature, dont je puisse ou doye moy complaindre justement encontre vous. Car pource que j'ay souvent tresgriefvement péché encontre vostre majesté, à bon droit se doit eslever et armer contre moy toute vostre créature, et à moy doncques est deue toute confusion et honte; à vous, Sire, soit toute louenge, honneur et gloire. Et si je ne m'appareille à ce que je soye tout prest et vueille de bon cueur estre

CONSOLACION II. i57

mesprisé, délaissé, et contempné de toute créature, et estre réputé comme rien ou chose qui rien ne vault, je no puis estre rapaisé dedans moy et affermé, ne aussi estre enluminé espirituellement, ne plainement estre joinct et uny à vous.

Que on ne doit mettre l'espérance de sa paix

es hommes, c'est à dire qu'il ne doit

pas soxifjire de l'avoir.

XXXXIP Chapitre.

eau filz, se tu mectz ta paix en aulcune WMl personne pour ton plaisir ou consolacion y trouver et avoir, tu seras tousjours instable et empesché, pource que souvent les personnes se changent et faillent. Mais se tu as bonne veue, et que tu regardes bien à la permanente et vive vérité, jamais pour la mort ou le deffault de la créature tu ne seras troublé. En moy doncques doit estre l'amour de celluy que on ayme , et pour l'amour de moy le doit-on aymer, tant ' semble bon, et cher, ou proffitable en ceste vie. Car sans moy ne vault point, ne aussi ne dure pas longuement amour ou dilection à aultruy, ne aussi n'est pas vraye ne necte l'amour ou dilection qui n'est joincte ou acoupplée pour moy. Si dois estre ainsi mort et séparé de telles affections et dilections des hommes que, quant que en toy est