I. Résoudre

j. Le, se rapporte à entendement.

i6o L'Internelle

quièrent et veuUent apprendre des hommes plusieurs choses curieuses qui riens ne vallent, et sont de peu de proffit, et ne leur chault rien ou pou de sçavoir la manière ou chemin de servir à Dieu. Mais le temps viendra quant' le Maistre des maistres viendra, le Seigneur des angelz, qui escoutera les leçons d'ung chascun, c'est à dire qu'il examinera les consciences d'ung chascun ; et lors encerchera Hierusalem à lenternes% c'est à dire qu'il regardera tout ce qui est es cueurs , et lors seront manifestées les angles et mucettes' des ténèbres; car il n'y aura rien qui ne soit descouvert et publié, et ne vauldront riens répliques, ou deffenses, ou excusacions.

.le suis celluy qui esliève en ung mouvement* le cueur humble, et l'enseigne à ce qu'il compreigne et congnoisse plus des vérités et raisons de la foy et de la divinité que s'il avoit estudié dix ans aux escoles. Je enseigne sans grant son de paroUes, sans confusion de oppinions, sans orgueil de honneur, sans impugnacion ^ de argumentacions. Je suis celluy qui enseigne despriser choses terriennes, et abhominer les présentes , quérir et assavourer les pardurables, fuyr les honneurs du monde, souffrir paciemment esclandres, mettre toute son espérance