Lutte

CONSOLACION. II. i6i

en moy , ne désirer rien hors de moy , et moy aymer sur toute chose ardamment.

Car aulcuns qui en me aymant du parfond du cueur, ont aprins choses divines et merveilleuses, ont presché plus ou proffité, en délaissant toutes choses vaines et transitoires pour l'amour de moy, qu'ilz n'eussent sçeu faire ou comprendre à fréquenter avecques clercs ou maistres aux escoles où on apprent grandes et subtilles sciences. Mais je revelle à aulcuns choses communes, aux autres choses espirituelles ; à aulcuns par signes et figures doulcement je me manifeste, aux autres en grant lumière je révèle les mistères. Une mesme voix est es livres, c'est à dire une mesme sentence est enclose en l'Escripture, mais non pas tous l'entendent pareillement. Car je suys celluy qui par dedens enseigne la vérité, qui congnoys le cueur, apperçoys les pensées, achève les operacions, et distribue à ung chascun comme je sçay qu'il est digne.

De ne s'attribuer point ou approprier les choses de ce monde.

XXXXIIIP Chapitre

eau filz, il fault que tu soyes en plusieurs choses ignorant et non saichant ; et te repute comme mort sur terre , et comme celluy à qui tout le monde est crucifié, c'est à dire mort. Il convient que tu

i62 L'I.NTERNELLE

faces en plusieurs choses la sourde oreille, et que tu penses à ce qui sera plus à ta paix. C'est plus proflBtable chose de ne regarder pas choses qui pevent venir à desplaisir, et s'en destourner et laisser, ou se rapporter à ung chascun de son fait, que se mesler en parolles noiseuses et contemcieuses. Se tu te tiens bien avec Dieu, et considère bien ses jugemens, tu porteras plus legierement toy estre vaincu.

Helas! Sire, à quel estât sommes-nous mainte, nant devenus ! Yeez-cy que on se courrouce trop bien d'un petit dommaige temporel , on court et l'on laboure fort pour ung petit de gaing terrien ; mais le dommaige espirituel, c'est à dire de l'ame, tantost est oublyé, et à grant peyne et bien pou il en souvient. On regarde et considère bien chose qui rien ne vault ou bien pou, et on est tresnegligent à penser à ce qui est tresnecessaire. Et c'est pource que chascun se laisse couler aux choses exteriores; et voulentiers on s'i tient couché, se on ne met peyne de s'en oster ou relever.

Que on ne doit pas estre legier à croire parolles, pource qu'on parle bien legierement.

XXXXV' Chapitre onnez-moy, Sire, aide de la tribulacion, car le salut ou aide des hommes est vain. Comme souventesfoyz je n'ay point trouvé de foy ou de vérité où je la cuidoye

CONBOLACION. II. l63

avoir, et pensoye qu'elle y fust ! Et doncques vaine est l'espérance que on met es hommes ; mais le salut des justes est en vous seuUement. Benoist soyezvous, mon Seigneur et mon Dieu, en tout ce qu'il nous vient. Nous sommes enfermes et instables, et sommes tantost deceuz et changez, voyre de bonne voulenté ou de bon propos.

Qui est la personne qui se puisse si saigement et si cautement * garder en toutes choses, qu'il ne se treuve aulcunesfoyz deceue, ou en perplexité, ou doubte de escrupule ! Mais celluy qui a confiance en vous, Sire, et vous quiert de simple cueur, n'est pas si legierement deceu; et s'il advient qu'il tombe en quelque tribulacion, en quelque manière qu'il soitempesché, tantost par vous sera délivré ou aulcunement reconforté, car jamais vous ne laisserez à tousjours ceulx qui ont espérance en vous. Les vrays amys sont bien cler semez qui en toutes les tribulacions de leur amy persévèrent loyaulment : vous, Sire, estes tout seul le loyal et vray ami en toutes adversitez, et hors vous n'en a point de tel.

0! comme bien l'assavoura et apperceut celle sainte ame qui disoit en son cueur : ma pensée, mon cueur, mon ame est affermée et fondée en Jesuchrist ! Si ceste chose fust ainsi en moy, crainte ou paour humaine ne me soliciteroit pas si legierement, ne aussi les parolies ne me esmouveroient. Qui est celluy qui pourroit preveoir et

I. Prudemment. Nous trouverons aussi ce mot avec le sens de ruse.

iC4 L'Internelle

eschever' les maulx qui luy sont à advenir! Se mesrae ceulx qu'on prévoit, c'est à dire ceulx qu'on attent de certain et scet bien qu ilz adviendront, blecent et font mal, que pevent faire ceulx qui soubdainement adviennent, et que on ne cuydoit ou attendoit pas , fors que griefvement blecer et troubler ! Mais pourquoy ne me suys-je pourveu mieulx, moy raeschant ! Pourquoi ay-je si tost creu es paroUes des aultres? Mais nous sommes, et riens aultre chose ne sommes, que hommes fresles et enfermes, supposé que on nous repute ou estime anges ou sainctz. A qui croiray-je. Sire, à qui adjouteray-je foy, fors à vous, qui ne povez decepvoir ne estre deceu? Et d'autre part tout homme est menteur, enferme, instable et fragile*, c'est à dire prest et enclin à cheoyr et faillir, mesmement en parolles, et tellement que à peyne doit-on de legier croyre ou reputer vérité ce qui semble que on dit de bouche '*.

Quant saigement nous admonnestez-vous par vostre Escripture à nous garder des hommes , car les domesticques, c'est à dire la famille ou maisgnie d'ung homme, sont aulcunesfoyz ses adversaires ; et ne croyre point se aucun disoit : veez cy, Jesuchrist est icy ou il est de 1" aultre part. Je Tay apperceu à mon dommaige; puisse estre à ma plus grant garde et cautelle doresenavant et non pas à