ROMAN DE BMIN DE LA MONTAGNE

Ms. du Roi, n. 7989-^. Bal.

Foî. 3, verso, v. 20.

Seigneurs, ou moys d'avril que li bois sont fueilli,

Violetes partout espani sunt ausi,

Et auc point la verde herbe, et li pré sont foilli ;

A celui temps avint, tout droit, à .i. juedi,

Qu'il estoit .i. haus hom et d'estat seignori.

Sire de la Montagne, ainsi nomer l'oï;

Mult estoit gentis hom et de sanc roial ausi,

Et cent foys plus vaillans d'assez que je ne di.

Or avoit mult de temps le chevalier vesqui,

Si estoit ancians, mais il ot avec li

Une jone mouillier de qui .i. filz yssi ;

Sages et avissés et fu doctrines si

Que quanques cuers d'amant, oncques d'amour issi. \

Li jouvenciaus ot tout en son cuer, puis ce di.

La joune dame qui fu famé au chevalier.

Porta le bacheler dont vous m'orés noncier

Qui por amor ot puis maint divers enconbricr ;

La dame en délivra .i. jour à l'anuitier

Et quant délivre en fu n'i ot que esléescier.

Quant li sires le sot, Dieu prist à gracier

Quant il avoit .i. fil por s'amour essaucier.

Si pensa en son cuer, pour li plus avencier.

Que porter l'en fera, sans plus de l'atargier,

Delèz une fontaine, assez près du rochier ;

Car il avoit repaire de fées ou gravier

Qui aloient au lieu touz dis esbanoier.

Si ala tout errant huchier .i. messagier

Et li a dit : amis, il te faut chevauchier

Tost et viguerousement, ne veillez delaier.

Va querre mes barons, car ai d'eux grant meslier

Et di qu'il veîgnent tost, por mon cors conseillicr,.

Car j'ai .i. biau fil eu de ma mouillier.

Qu'as destinées veil tout errant envoier,

Si leur diront errant qu'il veignent sans targier.

Sire, dist li variés à vo comandement.

Adont prist .i. cheval tost et isnèlement, En la selle est montez, sans nul enconbrement ; Si chevauchoit plus fort qu'oissiaus ne vole avent Et plus tost c'uns bougons d'art manier ne descent, Et tant que le cheval fist escostez sanglant, Donc sanc de toutes pars à la terre en descent ; Plus tost va li chevaus que foudre avec vent. Tant chevaucha de jor et de nuit ensement Qu'il trouva des barons du seigneur jusqu'à cent, Et les assembla touz à .1. avesprement. Puis leur dit en oiant bel et courtoisement : Seigneur, entendez-moy, oiez le mandement Que Messhe vous mande à touz communaumeni.

â6â APPENDICES.

Que vous venez errant à son commandement, Car de vos conseil a afaire mult briefment. Or tost délivrez-vous, por Dieu, venez vous ent, Car li besoinz est granz, sachiez certainement, Por un enfant qu'il a né tout nouvellement Conques de char ne d'os ne vis nus hom plus gent, Si vous en venez touz avec moy vistement ; Car il convient l'enfant porter tout erramment Où les fées repairent, sachiez certainement, Por destinées avoir au Dieu commandement.

Quant li messages ot finée sa raison.

Ensemble sont aie tretout li cent baron

Et si ont dit entr'aus par foie entencion :

Est nos sires meus qui nous fait tel sermon

Qui se veult délivrer d'un si dous enfanson;

Il ne le pourroit miex mètre à occission,

Car se li enfès est ostez de sa maison

Il en aura au cuer en brief temps marison;

Car espoir trouvera ou serpant, ou lyon

Qui l'anfant ara tost mis à destrucion.

Là ot .i. chevalier c'om appeloit Grifon^

Qui lor a dit en haut : biax seigneur, compaignon,

Penson du chevauchier, alons ent au dongon ;

Nous avons bien oy le message à bandon

Qui nous dit de l'enfant la noble nassîon :

Pensons de l'esploitier, sans nule arestoison.

De ci qu'à la montaigne à Dieu bénison

Conseillon nos sire qui est anciens bon

Car il en a mestier, selonc m'entencion.

Si tost que li baron laissièrent le parler, Il firent leur harnois richement aprcster, Au mesagier ont dit : pense du rctorner

Et di à Monseigneur qu'il le faut aviser Par quoy plus sages soit de son enfant garder ; Car nous véons mult bien qu'il s'en veult délivrer ; Et li di que folie le fait à ce penser, Ou viellesse le point qui le fait radoter. Quant 11 mésage ot les barons si parler Il monta ou cheval, sans point de l'arester. Et quant il fu montez, si commance à crier : Seigneur, adieu vous di, plus ne veil demourer, Venés eut après moy, je le vous veil rouver. Li chevalier ont dit : pensez du cheminer Nous allons après toy, il ne t'en faut douler, Poui le gré 31onseigneur plainement acorder, Si le prions de nous à lui recommander.

Ainsi s'en départi li courtois messagiers

Et prist mult doucement congié ans chevaliers,

Et puis de cheminer ne fu mie laniers,

Car plus tost chevauchoit que ne vole espreviers.

Tant chevaucha li mes par bois et par sentiers,

Qu'il choisi du chastel les tours et les clochiers.

Fol. 13, verso, v. 23.

Quant Butor fu venus tout droit à la montaigne. Dedans la chambre antra où trouva sa compaigne Qui li fist biau semblant et non pas trop estrange ; Car mont estoit malade, est bien drois qu'il la plaigne. Et il le fist de cuer et non pas par engaigne. Et li dist : belle suer, n'est drois que je me faigne, D'acomplir vo vouloir est drois que je m'enpaigne, Et je le ferai bien, ainz que plus en remaigne.

264 x\PPENDICES.

11 a des lieux t'aës es marches de Champaigne,

Et ausi en a il en la roche grit'aigne,

Et si croy qu'il en a aussi en Alemaigne,

Et ou bois Bersillant, par desous la montaigne ;

Et non por quant ausi en a il en Espaigne,

Et tout cil lieu faë sont Artu de Bretaigne.

Sire, la dame a dit, pour Dieu or m'escoutez,

A quele fin ces mos ci recordés m'avez?

Roys Artu s de Bretaigne a mult de lieus faës,

3Iais je ne sai pourquoy de se ci me parlés.

Dame, ce dit Butor, assez tost le sarés :

Vous avez .i. enfant, je croy, qui fu hier nés,

Et si fu de ma char en la votre engenrés.

Qui sera, se Dieu plait, chevaliers esprouvés,

Et si tenra après no mort, nos hérités.

Si vous requier pour Dieu qu'un seul don me donés

Et se je vous demande autre que ne vourés,

Je vous en pri por Dieu qu'il soit avicillés.

Sire, respont la dame, or avant demandés ;

S'il n'est mult outrageus vraiement vous l'aurés.

Et je croy bien pour voir que ne demanderez

Que chose de raison, en toute honnestés.

Dame, je vous requier de voulenté certaine Que me donnez vos fil qui en vos char humaine A esté engenrés, dont vous n'estes pas saine ; Si le ferai porter tout droit à la fontaigne, Eus ou bois Bersillant, en ceste nuit seraine, Car il li puet chéoir honneur si très hautaine, Proesce et hardement, de ce soiez certaine ; Ceste demande n'est, je croy, pas trop vilaine, Car j'ameroie miex estre noies en Saine, Ou estre ars et pondu> par la loy souveraine.

APPENDICES. â65

Que mes anfès fust mors en sus de mon demaine. La dame respondi : vostre voulente vaine Fait qu'il n'a en mon cors nerf, os, ne char, ne vainc Qui ne se mue en moy, tant ai dolour grcvaine. Et si que je ne sai comment je me demaine, Car mon enfant aurai perdu, ceste semaine.

Dame, ce dit Butor, or ne vous courouciez mie.

Je vous empri, pour Dieuj com ma loyalle amie,

Si com amés de moy adès la seignorie,

Que vostre voulenté soit à ce apliquie.

Que Tenfant me donnés tant que de vo partie,

Et je veu et promet à la vierge Marie .

Que c'ert li plus biaus dons c'onques en vostre vie

Donnastes à mon cors dont vous estes chiérie.

Car amoureussement le vous requier et prie.

Dame, ceste proière or ne refusés mie.

Car elle vous sera, se je puis, bien mérie.

Et requeste d'ami ne doit estre oublie ;

Quant vous estes de moy honnorée et servie,

Refusser ne devez cesle première fie.

Sire, respont la dame, or entendes à mi :

Mon enfant vous otroi, puisqu'il vous plait ainsi,

Mes je vous pri, pour Dieu, que vous pensés de li.

Car on l'auroit errant estranglé ou murtri;

Et nous n'en avons plus, si que por ce le di,

Que vous en pensez bien, por Dieu je vous en pri.

Dame, ce dit Butor, n'en soiez en souci.

â66 APPENDICES.

Cornent Butor de la Montaigne bailla son filz à Bridant pour porter

aus aventures.

Or fu li enfès pris et de la chambre ostés,

De la nourice fu très bien envelopés

En draz d'or et de soie en Sarrazin ouvrés.

Hors de la cliambre fu richement emportés ;

Si atendi on tant que li jours fu aies,

Et que li soulaus fu plainement esconsés.

Adonques a Butor ces chevaliers mandés

Si lor a dit : seigneur, por Dieu or m'escoutés :

Il n'en i a si nul qui ne soit mes privés

Et qui ne m'ait promis hommage et loiautés,

Vesci véez .i. enfant qui est tous nouviaus nés.

Ma feme en eut hier soir très parfetes grietés,

Il m'a esté de lui ostroiés et donnés,

Par si que faire en puis toutes mes voulantes.

Or regardés par qui il sera bien gardés,

Car il faut qu'en nuit soit en Bersillanl portés

Par desous la fontaine où vous le garderés.

Bruiant d'Inde maiour si c'est en pies levés

Et dit : Sire, j'ai fait hommage et séurtés

A vous et si en tieng toutes mes hérités.

Mais je veus et proumet, et si est vérités,

Que pour avant mourir et estre décopés

Plus menus que li chairs dont on fait les pastés,

Que par moy ert céans vos enfès raportés

Et s'il plus de mal a que maintenant véés,

Je vous en pri, por Dieu, que tantost me pendes.

Par ma foy, dit Butor, chevalier vous l'amez

Onques tes mos n'issi de cuer sans amitiés.

Quant Biuians ot parle, .i. autre se leva

Et dit qu'entre ces bras l'enfant emportera.

Et si dit à Butor qu'il le raportera,

Mais desus la fontaine avant il le metra ;

Et si sera si près que bien ouir pourra

Tout canque destiné des fées li sera.

Quant Butor l'entendi, si très grant joie en a

Que li cuers de son ventre en son cors sautela.

Fol. 21 , recto , vers 1 .

Cornent le filz Butor de la Montaigne fa portés ou bois de Bersillanl

et mis desus une fontaine.

A l'arbre vindrent tost les dames gracieusses

Qui très parfaitement estoient amoureusses,

Qui de toute bonté estoient vertueusses,

En bien et en honnour et en sens plentureusscs,

Et de bien faire adés estoient desireusses,

Et des visces fuir estoient convoitéusses.

Et en déduis mener estoient généreusses,

Et de biaus dons donner estoient mult soigneusscs.

Et quant li chevalier les virent si joiueusses,

Et en toute honnesté parfciitement soigneusses,

Il dirent en lour cuer : elles sont gracieuses

Et s'apert vraiement qu'elles sont amoureuses.

Les dames dont je di si estoient faées

Qui si très noblement estoient asesmées.

Leur cors furent plus blanc que n'est noif sor gcléc^

Et si très chierement estoient atournées,

Car de couronnes d'or furent toutes dorées

Et de blans dras de soie estoient aournées ;

Îâ68 APPENDICES.

Enmi de la poilriiic esloienl escollées. Se uns hom en ciist erré .ij. .c. mile journées Ne fussent point par li trois pins belles trouvées, Et s'éust conversé en cent mile contrées. Et quant des chevaliers furent bien avissces, Leur courage mua et toute leur pensées, A celle fin que d'eus furent mult désirées Pour la biauté de quoy elles furent parées.

Quant les dames de cui ma chançon se demaine,

Choissirent l'enfançou par devers la fontaine,

Si ont dit elles troys : il est chose certaine

Que cilz enfès ci est nez en ceste semaine.

Si m'aist Diex, vous dites voir, ce dist la primeraine,

Qui des autres estoit en tout la plus hautaine.

Nés est nouvelement, j'en suis toute certaine.

La seconde si dit : dame, il a trop de paine

En vie venir or ne soies vilaine,

Faites li aucun bien, puis qu'il a vie humaine,

A ce qu'il ait biauté qui de tous biens soil plaine

Et ce se non, par Dieu, ma voulenté m'amaine

Afin qu'il ait de moy courtoisie si saine

Que s'onneur acroistra ainz que passe quinsaine,

Si c'om en parlera jusqu'à li ave de Saine.

Pour Dieu, délivrés vous, si n'en soies estaine,

Car il doit bien de vous avoir aucune vaine

Por ce, vous en supli, dame très souveraine.

La seconde, qu'en li ot bonnes voulentés,

Dit : Dame, de par moi il sera estrinés :

Je li otroy qu'il ait en lui toutes biautés,

El avec ce qui soyt en tout si dotrinés

C'on puisl dii e partout qu'à bonric éure lu nés ;

Et avec ce, qu'il soit en tous fais d'armes tés

Que de toute proesce il soit plus redoubtés En guerres, en tournois, en tous fais esprovés, Et de toutes g"ens soit plainemcnt honnorés ; Car je croy bien qu'il fu de bon sanc engenrés. Dame, faites li bien, grant ausmone l'erés, S'aucun bon don, pour Dieu, bonnement li donés , Se mes dons est petis, pour Dieu si l'amandés, Car plus de bien que moy bien faire li poés.

Dame, dist la mestresse, en vous a pou de sens,

Quant devant moy avez fait à l'enfant présans ;

Plus que je ne cuidoie est vos cuers néglisans.

Et en despit de vous, tes est li miens asans

Que cilz enfes qui ci est devant nous présans,

Soit mendiens d'amie, en ces jones jouvens.

Et que de lui amer n'ait la dame talens ;

A cui fera premiers auscuns acoitemens,

Comment qu'il soit par vous noble, courtois et g^ens,

Il aura en amour et paines et tourmens

Meschies, douleurs trauvax, mais se tu le desfens

James ne soie je dame d'enchantemens,

Ne ne puisse véoir roi Artu ne ces gens ;

Et si li doing le nom, en mes bautissemens.

Du restor de Tristram, oient tous ses parens.

Dame, ce dit la tierce, or ne vous anoit mie, Se je fais à l'enfant aucunne courtoissie. Car je crois que ma paine iert bien emploie. Car il est bien estrais de si haute lignie Que plus nobles ne fu onques en vie : Or veuil à lui servir si mètre m'estudie. Qu'à tous ses grans besoins li serai en aïe , Si ert de moy sa char introduite et nourrie Tant qu'il sera en point de dessirer amie;

Car je met le mien corps du tout en sa baillie

Et si li aiderai tous adès sans folie.

Si n'ert jà pour amer sa valeur abaissie

Car voulenté d'ami ne doit estre changie.

Fors d'amer loyaument tout adès esforssie

Si qu'ainsi ne pourra sa paine estre périe ;

Et se vous li avés destinée otroïe

Dont il ait en avant aucune grant bachie,

Au mains aucune fois aura ma compagnie,

Si le conforterai en lieu de sa partie.

Par quoy sa doulour soit par oubli esbaudie.

Dame, dist la maistresse, or sai ge bien de voir

Que vous amez l'enfant, bien le puis parce voir,

Mais ausi grant éur péust de moi avoir

Se je voussise bien, mais il ne m'en puet chaloir;

Car, puis qu'entre vos .ij. le voulés poiirvéoir,

11 vivra en joie et sans son cors doloir,

Asés ert riches bons, plenté ara avoir.

Mais je ne veil mon don mètre pas en nonchaloir. [sic)

Dame, ce dist la tierce, or faites vo vouloir,

Car je de moy le puis richement asseoir

Si qu'il ne lui chaura de tout vostre pooir.

Comment, dame, dit-elle, avez vous un manoir

Là où vous le ferez estre adès por estouvoir?

En despit de vous deux et je le ferai hoir

De la plus fausse amour que je pourré savoir.

Dame, dit la seconde, or povés esmouvoir

Vo cuer, se vos voulez, où tant a de savoir.

Mais li enfès n'en doit jà por ce pis avoir.

La maîtresse leur dist : Vous m'avez tormentée,

Et pour ce li ai ge donné tel destinée,

Et si sai bien que je n'i doy estre blasmée,

Mais il me convenoit acomplir ma testée, Car j'avoie en mon cuer tristrece encorporée Si que par ce point là elle en fu hors getée, Et encor i a plus, s'amours ert si faussée Que, présent le varlet, sa dame ert mariée A un vilain boçu dont ele ert espoussée, Si li donra congié en mains d'une avesprée, Et ert plus sans raison que c'il l'avoient tuée. La tierce li dit : Dame, estes vous forsenée. Aies pitié de lui, vous estes radotée, Désormais en serés de nous deux mains amée Car votre niceté est bien ci aprouvée ; Et sachiez qu'ausi tost que s'amour ert donnée Je m'en trairai en sus, tant qu' elle ert définée. Mais quant s'amour première ert à sa fin alée Et que du tout en tout sera anicliillée, La voulente de moi sera renouvelée Pour son cors pourvéoir de la plus bêle née Que de char d'ome fust à nul temps engendrée, Or faites plaissir je ferai ma pensée.

Par desus la fontaine ainsi se démenoient

Les fées qui l'enfant ce destiné avoient,

Si que par mautalant l'une l'autre blasmoient

Ainsi qu'entor l'enfant mult noblement séoient,

Et de divers parlers l'une l'autre arguoient.

Il sembloit tout adès qu'entre elles trois tençoienl,

Mais amoureusement l'enfançon regardoient,

Etli en regardant, doucement gracioient,

Et tous dis en leurs cuers parfaitement pensoient

Comment si petis dons à li doner ossoient,

Mais ens ou regarder l'enfant se délitoient.

Et après les regars à la foys le baissoient

Ainsi avec l'enfant doucement se jouoient.

â7§ APPENDICES.

Quant là orenl esté miilt g^rant pièce séaiU,

La dame d'elles troys dist : Dames, il est tans

Que nous nous départons, or soit chascun en grans

De son don acomplir, pas ne sui commançans;

Mais après le premier il ert tost parcevans

Pourquoy ci est nommés li Restorés Tristans.

Plus il n'ert jà amés et si sera amans

Car de s'amour première il sera mendians.

Dame, ce dist la tierce, or n'i soies pensans,

Car c'il faut à .i., les ailleurs ert recovrans ;

Quant vous faites vos dons, vous les faites si grans

C'une mendre de vous n'i puet estre avenans.

Se vous avés bien fait or les soies gardans,

Espoir en serés vous encore repentans.

Car s'il vit longuement il sera si vaillans

C'a vos dons ne sera nule riens acontans ;

Mais pour Dieu, s'il avient qu'ailleurs troviez enfans,

Soiez d'umilité en vostre cuer manbrans,

Car plus est dame haute et com plus est poissans

Plus doit estre ces cuers à tous humélians ;

Celle qui ce ne fait n'est mie sousfissans

Et cilz enfès ci est si dous et si rians

Qui n'est cuers tant soit fiers qui n'i soit enclinans.

Dame, dist la maistresse, arons nous mes hui pès. Est-il temps d'aler ent, serons nous ci hui mais ? Je vous ai en couvent, se mes dons n'estoit fais, Qu'encor auroit il pis, por l'amor de vos plais. Puis que vous le voulez, il est si très parfais Que c'est un secont Diex, ou il est contrefais ; Onques ne fu pour lui nus vilains mos retrais, Et il i a raison fors qu'en cris et en brais Puisque c'est vos plaissirs, du surplus je m'en tais ; Mais en dcspit de vous ne le verrai jamais.

APPENDICES. â7o

Dame, il n*en puet chaloir, bien portera son fais ; Je n'i acoute riens, vos dons H sont fortrais Quant il ert chevaliers, ains que passe li mais, Car se nus gentis hons fu onques amans vrais Cilx ci le sera tiex par amoureus atrais, Se vous en met au pis puisqu'il ert à moi trais, Laissons huimais ester, vos dons li p.*t mauves.

Quant les .iij. eurent dit toute leur voulenté, La tierce prit l'enfant, l'ala envelopé Dedens les dras de soie où on l'avoit bouté, Et puis si le baisa de bonne voulenté. Et puis dont .i. anel de fin or esméré Li a mult doucement dedens son doit bouté, Mais ausi proprement s'en l'éust mesuré Que pour le doit l'enfant l'éust-on martelé, Ausi à point fut-il, à droite vérité.

Et quant elle li ot celé enelet donné .liij. foys le baissa et par l'amoureus gré. Quant elle l'ot baissié, à Dieu l'a commandé Et après le congié, tendrement a pleuré : Dame, dist la mestresse, il vous a enchanté. Il a entre vous .ij. si très grande amitié Qu'encor en ferés vous, je croy, vostre privé. Dame ne vous en chaut, ce je l'ai en amé; Se povrement l'avez aujourdui estrivé.

Se Dieus plaist, miex aura que n'avez destiné. Allons nous en de ci, trop avons demouré. Il est près que li cqcs doivent avoir chanté. Mais celle qui avoit son cuer énamouré Por le petit enfant, l'a encore esgardé Tant que véoir le pot i a des yeus geté, Et tous jours en alant a du cuer soupiré.

Fol. 27, verso, vers 1.

Comment Bruiant et les Chevaliers qui estoient aies avecqaes lui ou bois de Bersillant y retournèrent ou chaslel de la Montaigne et raportèrent fenfant ou dit chastel de la Montaigne.

Quant dedens le chastel fu li enfés venus

Il fu mult noblement des chevaliers mis jus,

Et du prince Butor doucement recéus,

Car il avoit esté de sa char consens,

S'en devoit au chastel trop miex estre venus.

Butor vint à Bruiant les .ij. bras estandus

Et li a dit : Amis, quiex fais est avenus

Ou bois de Bersillant, ne le me celés plus?

Dites le moi si haut que soies entendus

Devant toutes mes gens les grans et les menus.

Car mes cors veut savoir se je sui decéus,

Ou se j'ai folement point esté fors meus;

Car j'aimeroie miex estre ou ars ou pendus

Que mes filz fust par moy jusqu'à la mort venus.

Sire, ce dist Bruians, par la vierge Marie, Soies ausi certain que vous estes en vie Que pour home qui soi*, je ne mentirai mie. Que voiant vos barons la vérité n'en die. Il est bien vérité qu'en ceste nuit série, Ou bois de Bersillant, en la forest antie Qui est et longue et large, et ramée et fueillie, Nous entrâmes en nuit, à belle compaignie, Au mains jusques à cent de vo chevalerie. Vostre filz enportai, que vous ne haés mie,

Gomnars de Besançon et Rufars d'Orcanie, Et Gondrés li barons qui fu nez en Luytie; Nous .iiij. tous montés es chevax de Surie, Avons porté vo fil en une praiérie, Desous uns chastiniex où li soulaus onbrie, Une fontaine i a qui est gente et jolie Plus clère c'uns argens, ne cors qui reflanbie ; Onques ne vi plus belle en nul jour de ma vie, Et crois que li lieus soit ouvrés par faierie, Car ce semble fins or, quant li sourions ondie. Donc chascuns cuers estoit en grant mélancolie, II en seroit ostés en mains d'eure et demie S'au regarder metoit plainement s'estudie. Bruiant, ce dit Butor, li miens cuers vous déprie Que vous me dites tost, sans penser à folie, L'aventure et si soit de mes barons ouie Par quoi se bien i a joie i soit esbaudie. Et s'autre chose i a mes cuers Diex en gracie.

Sire, ce dist Bruiant, je dirai en oiant Ce qui est destinés au gracieus enfant. Si tost que l'eusmes mis sur le lieu déduissant, Chascuns de nous monta desus son auferrans Si entrasmes ou bois, fièrement chevauchant, Et pardesous .i. pin grant, gros et reverdant Descendismes tous .iiij. et fusmes en estant. Là fumes longuement, tout dis, en atendant. Pour ouir la nouvelle à nous .iiij. plaissant. J'oui dedens le bois une dame chantant Qui gaiement chantoit .i. très amoureus chant; Quant elle avoit fine, un autre tout errant, • L chant plus amoureus aloit recomançant. Et puis la tierce après leur aloit respondant. Si vindrent elles trois main à main enl(r)ant.

â7() APPENDlCf:S.

De si au chastinier n'alèrent arestant.

Et si avoit chascune en son chief, d'or laissant .1. cercle gracieux, mervelleus et pessant. Je ne sai nule dame en cest monde vivant Si belle comme la plus lede est à mon semblant. Quant l'enfant on véu, si s'en vont mervcillant Pour ce qu'il estoit là sur le gravier courant, Et s'alèrent seoir par de lès vostre enfant. Dont il aura honneur et porfit'si très grant Conques nus bons n'oï parler de si poisant Et qu'il leur sera miex, en tretout son vivant. Quant Butor l'entendi, si ala soupirant, De la joie qu'il ot s'en ala jus pasmant, Mais .iiij. chevaliers l'alèrent relevant. Et quant il fu à point, si redit à Bruiant : Frauc cuer de gentil home, or le me di errant. Car en l'ame de moy, tu vas trop demourant.

Sire, ce dit Bruiant, mais que vous l'escoutez L'onneur de vostre enfant assés briement orés Onques plus enurés ne fu d'omme engenrés. La moienne des trois dit qu'il auroit biautés Et que de toutes gens seroit bien honorés. Et qu'en tous fais de guerre il ser.oit redoutés Et c'onques plus poissans ne fu de lui armés ; En joustes, en tournoys sera si esprouvés C'onques mes bons ne fu de lui plus aloses; Tous fais achievera tout à ces voulentés, Et de bien et d'onneur sera si dotrinés C'onques bons, tant n'en eut, qui fust de mère nds. Dont respondi Butor : Diex en soit aourés, Est-ce li premiers dons qui fu à lui donnés?

Ouil sire, pour voir, ce respondi Bruians>

APPENDICES. â77

Mais .i. en eut après qui est trop plus pésans. Et quiex est il, pour Dieu, or le soies contans? Ce repondi Butor, ne le soies célans, Car du bien et du mal savoir sui désirans Et par le bien poura li maus estre perdans, Mais toute voie du bien suis assés plus joians ; Or dites le surplus je vous en sui prians. Sire, ce dit Bruiant, d'eles li plus poissans Si li donna un don qui est mult pou vaillans, Mais je sai tous certains qu'il n'est gaires durans Car elle li donna qu'il seroit bien amans, Mais en amant seroit d'amie mendians Et si n'aroit que paine en amant et ahans. Douleurs, travax, grietes, meschies seroit sentaus Pour la première dame à cui seroit pensans Et que sene merci ne seroit jà partans, Et la plus fausse amour qu'elle seroit trou vans Bailleroit à l'enfant, qui qui en fust doians. Et respondi Butor : est ce meschies si grans? J'ai amé par amour, quant je fui en mon tans. Mais onques, Dieu merci! je sui possessans. Mais je l'estoie bien à mon sens désirans Si n'estoient pas toutes les miex dormans. Tant estoit ou délit amoureus délitans.

Si que tiex dons ne puet pas estre trop grévans; Or dites le surplus, je vous en sui prians.

Sire, respont Bruiant, la tierce li donna Tel don de quoy cil si anichillés sera. Car, pensant de la dame, elle li otroia Qu'en tous fais perilleus elle li aidera, Et avecques tout ce elle le nourrira Tant qui sera en point que désirer pourra Amie, et cilz point ci mult nous réconfoKa.

Dont nulc des grietcs reniant ne grèvera, Si lost qu'avec lui ert il ne l'en souvenru. Ce respondi Butor : la besogne bien va, Oicx en soit aourés, qui le monde créa. Or me di, chiers amis, errant ce plus i a? Ouil. sire, par Dieu, .i. annel li donna Qui est tout de fin or, ne sai qui le forja, Mais si tost que Tannel dedens son doi boula ; Au départir de lui .iiij. foys le baissa Et après tous ces fais à Dieu le commanda. Mais la maistresse dist, qui mult le despita, C'uus viex vilains bocus sa mie espoussera Et que sans achoison de lui congiet ara ; Ainsi de ses amours très malement gorra.

Et quant Brûlant ot dit à Butor sa pensée, Devant tous ses barons en la sale pavée Et qu'il li ot conté toute la destinée Qu'en la forest li fu en celle nuit donnée, A Butor et à tous parfaitement agrée.

Et tant fu ou palais la chose murmurée Que jusques à la dame est la nouvelle alée Qui en sa chambre estoit estroitemcnt fremée ; Mais des dames estoit hautement honnorée : Mais si tost qu'à lui fu la nouvelle contée Devant les dames est de grant joie paimée, Si qu'à grant painc fu en son lit relevée ; Mais elle ne le pot croire en cuer, n'en pensée, Pour ce que de Bnlor ne li fu pas contée.

Fol. ÛO, verso, vers 1.

Cornent la fée qui avoit promis à nourir l* enfant vint ou chastel et cornent Butor II fist baillier son filz pour nourir.

Ainsi que Butor fu entre lui et sa gent, Par dedens son chastel bel et courtoisement ; Et que chascuns faissoit joie joieusement Pour l'enfant qui estoit nez tout nouvelement. Adont parla la dame à Butor doucement, Et dist : sire, pour Dieu, je ne sai vraiement Coment vos enfès puist estre nourris briement, Car je n'ai point de lait, sachiez certainement, Dont yivre se péust sans autre longuement. Si que je vous requier très amoureusement, C'une nourice aions pour nourir le cors gent De Brun de la Montagne, or faites vistement, Car grant besong en a, selonc mon ensient.

Einsi que parlement tenoient ou chastel De Brun de la Montaigne .i. courtois damoisel A la porte s'en vint sur .i. cheval mult bel, Une dame plaisans qui chevauchoit isnel; Avecques li venoit .i. courtois jouvencel Qui bien estoit montés sus un cheval grisel. Quant à la porte fu dessendu du poutrel, A la porte a féru grant cop d'un grant martel Tant que Butor l'oy qui fu en .j. prael, Qui tenoit en sa main une verge d'aubel. Si apela celui qui trenchoit du coutel Et li a dit : amis, aies tost et isnel

A la porte savoir qu'il i a de nouvel.

Li variés, qui tenoit un hanap à clavel,

Dist : sire voulentiers, puisqu'il vous vient à bel.

Si tost que li variés est venus à la porte

Qui fu toute de cliaisne et de fer grande et forte.

Il li bouta la clef et puis si l'a ens torte,

Et quant l'ui ot ouvert, la clef en sus reporte;

Et la dame entra ens qui mult bel se déporte.

Sur son cheval emblant qui mult souef la porte.

Et a dit au verlet : n'aies pensée torte,

Que ne voise à ma dame et n'en soie destorte

Dame, dist li variés, encois soit m'ame morte

Se de là où il vous plaist aler pas vous désortc.

Car il senble que vous soies de bone sorte.

La dame dont je di estoit gaie et jolie, Jonne, belle et gentilz, et de cors bien taillic. Li jouvenciax, de qui elle estoit bien servie, La mist jùs du cheval et si li fist aïe. Et jusques au palais il li tint compaignic. Et là, trouva Butor et sa gent baronie Et mainte dame ausi courtoisse et cschevie. Elle dist à Butor : sire mes cuers vous prie Que vous me retenés avecqucs vos mesnie, (lar je sui gentilz famé et de haute lignie. Si sui de mon pais, n'a pas trois jors, partie; Or a mors Monseigneur du cors oslé la vie Et s'avoie .i. enfant ausi qui ne vit mie, Le quel je nourrissoie et avoie en baillie. Si sui venu à vous, car on me certcfie Que vo rnouillier aiul hiei', en la nuit série.

Dame, ce dit Buloi, nous soies bien vcnup>

APPENDICES. i^8l

J'ai .i. petit entant dont elle est agéuc,

Si que pour le garder vous serés retenue

Et si serés des dras à ma famé vestue.

Et après son relief, vous portcrés sembue.

Car plus belle de vous ne puet estre véue.

Et quant des chevaliers fu la dame entendue

Il n'i ot si sénés qui li sans ne remue,

Car ce c'om pot véoir de sa char toute nue

Estoit plus blans que nège en .i. pré estenduc .

Adès de plus en plus a sa biauté créue

Et quant des chevaliers estoit bien parcéue

Chascun d'eux désiroit qu'elle fut à li drue.

Quant Butor ot assés à la dame parlé, Chascuns des chevaliers fu pris pour sa biaute, Bacheler, jouvencel, et tout li marié.

Et Butor en la chambre à la dame mené Qui gissoit de l'entant dedans .i. lit paré, Quant Butor vit sa famé, errant l'a salué Et si li a dit : Dame, or oies mon pensé Dieu vous a pourvéu par sa douce pitié De tretout ce que vous m'aviés hui parlé : Sachiés nous avons bien saint père a l'uis trouvé Se cent ans eussions à no povoir vissé. Nous n'eussions, je croy, point si bien encontre. Car nous avons nourrice à notre voulenté Pour nourir l'enfançon que vous avés porté. La dame respondit : dites vous vérité ? Oyl, ce dit Butor, et par ma loiauté, Onques ne vi plus belle en tretout mon aé, Vo chanbre resplandit toute de sa biauté. Digne est bien de tenir une grant roiauté.

Dame, ce bit Butor, dip;nc est d'e?lre roïne

Sans plus de sa biauté vostrc chambre enlumine.

Mais or le regardés, comme a couleur sanguine !

Comme elle a bel viaire, est de biauté roïne ;

Je suis tretous certains que la vertu divine

A tout mis son povoir à li faire entérine.

Mais regardés quel cors, du chief jusqu'à l'eschine!

Et regardés aussi son col et sa poitrine,

Il est plus blans cent foys que florie aubespine.

Sire, ce dit la dame, elle et belle et gente,

Je croy c'onques de lui n'en vi plus à m'entente.

Sire, or li demandés, par amour, sans atente,

S'a garder nostre enfant guairc li atalante ;

Puisqu'elle est devant vous et devant moy présente,

Si li plait à garder qu'elle en die s'entente,

Car j'ai fiance en lui pour ce qu'elle est si gente,

Chiers sire, et s'il avient que la dame s'asante

A garder nostre enfant, si li achetés rante,

Bours, villes, ou chastiax, se vous en trouvés d'ente,

Donnés li plus que n'ait li prince de Tarante.

Quant la dame ot parlé. Butor ot joie grant; Et puis si demanda à la dame Euriant : Dame, vous plairoit-il à garder nostre enfant, Car c'est quanques nous .ij. poons avoir vaillant. Et se bien le gardés, vous aurés du mien tant Qu'il vous en sera miex, en tretout vo vivant, Onques ne vi nourrice à mon gré plus plaissant Si dites vo vouloir, ou non du tout poissant. Car nous le désirons vraiement bien autant Qu'aler en paradis sans penance faissant.

La dame respondit, qui estoit belle et gaie : Sire du bien gjnder sachié:? point ne m'es maie,

APPENDICES. âS?)

Vostrc petit enfant, mes que devers moy l'aie, Car il n'en faura point, por certain, com recroie. Chose qu'il ait en moy dont il ait sanc ne plaie ; Mais je le nourrirai de bonne amour et vraie, Sire, que c'il avient qu'en aage se traie Et franche voulente à dame amer Patraie, Soit abesse, ou nonnain, ou une dame laie, Je ne m'en doute pas que bien ne l'en fortraie.

Dame, ce dit Butor, plus de .v. .c. mercis

S'il vous plaist que mes filz soit de vo cors norris,

Chevaus et palefrois et dras fourrés de gris

Vous donrai à plenté, du tout à vo devis.

La dame prist l'enfant, qui mult estoit petis.

En une chambre avote où il avoit .ij. lis

Ala à tout l'enfant, et là fu bien servis,

Si gracieussement qu'il n'i ot nul mespris.

Et quant la dame fn desous la voutéis.

Les huis a bien fermés à bons verrous masis.

Si que nus bons vivans n'i pot estre vertis,

L'enfant desvelopa qui li fist maint dous ris ;

Quant desvelopé l'ot. Panel vit d'or massis

Que ses cors proprement li ot en son doi mis,

Et quant choisi Panel, ses cuers fu esjouis

Et li dit doucement : mes amoureus chiers fdz,

Encore te sera cis aniax bons amis.

Si tost que la dame ot desvelopé l'enfant.

Elle s'ala seoir delès .i. feu ardant

Et de ses belles mains Paloit souef portant.

Et derrière et devant mult doucement chaufant;

Quant elle Pot chaufé du tout à son commant,

Si le rcnvelopa en un plisson mult grant,

Et puis dont en drap de bon fin or luissant

î^8d APPENDICES.

Quant l'ol cnvelopé si le laissa à tant, .liij. l'ois le baissa et toudis en chantant, Et mult courtoissement si Tala endormant. Et (juant l'ot endormi, si s'en ala errant Tout droit en la forest c'on dist de Bersillant, Qu'on ne l'aparçut onques ne tant ne quant ; Bien à point revenra pour conforter l'enfant.

Quant la dame s'en fu en Bersillant aléc,

A l'enfant s'en revint en icelle journée,

En ce point le garda noblement, mainte année