ROMAN DE GUILLAUME AU COURT NEZ

Ms. du Roy, n° 23. Laval , tome 11.

Fol. 1, C. 1, vers. 23.

Des or commence chançon enluminée De Renoart qui bien fiert de l'espée ; • Pour Maillefer a grant douleur menée.

Ne finera del' esrer à journée Jusque nouvele vraie l'en soit contée.

En Orenge est Guillaume le IMarchis, Li quens Bertran et Guichart aulressis.

Li quens Guillaume fu mournes et penssis^ Pleure souvent et gete granz souspirs.

Les lermes grosses l'en vont aval le vis. Mult fu li quens courociez et marris Pour Renoart dont fu espoovris ; A soi meismes se claime las, chcitis * Ahi, dist-il, Renoard, douz amis,

Par ton cors seul as mains estours tournis; Et par toi r'ai ge ma terre et mon païs Que te lessai, certes ce poise mi.

Mes Deix set bien que gel' fis à avis ; Aler y voill, ce le contredéisj Or ce conssant le père Ihesu Cris, Se je Savoie où tu fusses vertis Ge te suivroie à .x. m. fer vestis, Comme touz homes je te serai aidi>?

Fere le doi, quar tu le me féis; A tant se test, se s'est plourans assis. Seigneurs oiez bons moz et bien assis De Renoart qui tant par fu hardis :

Vérité est, certes moine l'escrit, Que le ber iert sus mer en un larris. Pour Maillefer son filz fu mult marris Tant a plouré et tant par iert penssis Sus mer se couche Renoart le gentis; De souz son chief a sa grant loque mis Tout maintenant s'est de duel endormis : Es vous .iij. fées blanches com fleur de lis, Venues erent volant comme perdris.

L'une tenoit une pourpre de pris Et la seconde escharboucle voultis Qui miex valoit que la cist de Paris.

Quar n'est vitaille, ne boire seigneuris Ne puist avoir cil qui en est saisis : Et en la pourpre sont arbre et flors de lis. Et vestéures fêtes par grant devis, Et eaue, et terre, et fontaine de pris; En la charboucle est li or esclarcis.

Quant ele voit il est tierce ou miedis, Mult seroit sire qui ce aroit conquis; Puis en fu sire Renoart .xxx. dis.

Le ber se dort ne s'ost mie espéris, Ainz qu'il s'esveille sera en tel lieu mis Que il n'est hom, ne cheval, ne roncins Qui tant alast en .x. mois acomplis.

Les fées viennent vers Reuoart errant, Renouart voient sus la rive dormant; Dist l'une à l'autre : or alons bêlement, Vez Renoart, trouvé l'avons dormant, Le plus hardi et le miex combatant Qui onques fu en cest siècle vivant; Quar l'emportons, trestout esbanoiant, A Avalon, nostre cité vaillant; .C. lieues est outre la mer qui fent Là soit 0 nous, s'il veut, tout son vivant, Avoec Artus et avoeques Rollant, Avoec Gavain et avoeques Yvant; La gent faëe est ilueques manant.

Là iert à joie, s'il veut, tout son vivant. Et se il veut portons l'encore avant En Odierne, la fort cité manant.

Ou se il veut , enquore plus avant Si qu'en la cit Loquiferne la grant.

Les fées voient Renoart endormi Et sa grant loque qu'il ot mise souz lui. Dist l'une à l'autre : ge le tien à ami, Rar ge ne sai si prcuz, ne si hardi.

L'autre l'entend, le cuer en ot marri, Quar miex l'amast à son oes que à li ; Mais ele n'ose de rien muer son dit.

Mais ele dist quoïment et séri Qu'ele fera Renoart mal bailli.

Renoart prenent, de terre l'ont ravi,

APPENDICES. â49

Le ber se dort, mie ne les senti.

Les fées prennent Renoart el sablon ; Dist l'une à l'autre : dites quel le feron. Ses garnemens autrement mueron.

Les autres dient à Dieu bénéïçon.

Sa mace font muer com un faucon Et son haubert en un esmerillon ; Et son vert yaume muer en un breton Qui doucement harpe le lay Gramon; Et de l'espée refirent un garçon, Si l'envoièront tout droit à Avalon.

Trestout aussi, com devisé avon, S'en vont les dames, devisant à bandon, Renoart portent par grant enchantoison, One n'arrestèrent tresques à Avalon.

Le Roi Artus trouvèrent el danjon, O lui Rolians, le niés au roy Challon, La gent faëe estoient environ.

Es vous les fées qui crient à haut ton : Oiez Artus, et vous, seigneurs baron, Fêtes grant joie en tout, et environ ; Nous aportons le meilleur champion Qui onques fust en fable, n'en chancon : C'est Renouart qui cuer a de Ijon; Morgue, ma dame, et sa suer Marri on, Le pristrent or où dormoit el sablon ; Artus l'entent, qui liez se lui non.

Encontre vont à grant procession, Fées y chantent hautement, à cler ton.

Si doucement que nés pot oïr hom.

Ne s'endormist ou il vousist ou non.

Avalon fu mwlt riche et assazée^

^r>0 APPENDICES.

Onques si riche cité ne lu fondée; Li mur en sont d'une grant pierre Ice, Il n'est nus lions, tant ait la char navrée. S'a celé pierre pooist fere adesée Qu'ele ne fust tout maintenant sanée ; Adès reluit com fournaise embrasée.

Chescune porte est d'yvoire planée La mestre tour estoit si compassée IS'i a voit pierre ne fust à or fondée. • V.c. fenesles y cloent la vesprée Conques de fust n'i ot une denrée.

Il n'i ot ays saillie, ne dorée Qui de verniz ne soit fête et ouvrée.

Et en chescune une pierre fondée Une esmeraude, .j. grant topace lée, Beric, jagonce, ou sadoine esmerée.

La couverture fu à or tregetée, Sus .j. pomnel fu l'aygle d'or fermée ^ En son bec tint une pierre esprouvée; Hom s'il la voit ou soir ou matinée, Quanqu'il demande ne li soit aprestéc.

Laiens converse la gent qui ert faëe : Quant il oïrent du baron la nommée.

Encontre vont, grant joie en ont menée, Porté l'en ont en la sale pavée.

Grant fu la joie de la gent faëric; Ilenoart portent en la sale voultie.

En escous furent les fées seigneuries Que ne les a véues, ne oïes; Puis ont desfet tantost l'enchanterie Et si li ont ses dras mis en baillie C'onc ni perd! la monte d'une alic.

Lors s'esveilla, quar la noise ot oie,

APPENDICES. 2:)l

Il saut en piez, s'a sa mace choisie

Tout esmarriz l'a contremont haucie.

Dist Renoart : Dame sainte Marie,

Où sui ge, dame, quar ne m'oubliez mio !

He Diex! oui est ceste grant cour antie?

Si riche sale ne fu mes establie

Où sont la gent qui ont tel manandie?

La gent faëe s'estoit esvanoïe

Qui prouver veulent sa fière baronie,

S'en Renouart a tel chevalerie

Si com il dient, bien sera essaie.

Renoart fu en la tour d'Avalon, L'auberc vcstu, lacié l'yaumc roonl.

Il tint sa mace haucie contremont, La gent faée estoient environ.

Mes Renouart qui cuer ot de lyon.

Ne pot véoir escuier, ne garçon.

A vois escrie hautement, à haut ton :

Qui est céenz, por le cors saint Symon ! Qui m'as ci mis en ceste fort meson ? Ne sai où sui, si en ai grant friçon; A Dieu me rent qui vint par noncion Ens en la virge prendre carnacion.

Artus entent la noise du baron.

Il en apelle devant lui Maragon :

Alez, dist-il, sanz nule arrestoison. L'en prise mult ce vassal champion, ïraiez me hors Kapalu le félon, Si l'envoiez à Renoart par non.

La gent faëe par le commanl Artu D'une cysterne gelèrent Kapalu ; Plest vous oïr quel déable ce fu :

Le cliiel" ot gros merveilleus et vélu, Les yex ot roux et el chiet' embatu, La gueule ot lée et les denz mult agu, Teste ot de chat, cors de cheval crinu. Si laide beste en cest siècle ne fu, Voit le le ber, tout en tu irascu, Merveilla soi dont il estoit issu.

Renouart voit Kapalu le sauvage

Qui monte à mont, enz el plus mestrc estage :

Los yex ot rouges com charbon en fournage ;

Le cors ot grant, comme destrier d'arcage

Le chief hideus et oscur le visage ;

Fiez de liépart, queue de lyonnage.

Le Ber le voit, si saigne son visage

N*ot tel paour en trestout son aage,

Comme il ot lors de cel home marage.

Renoart voit Kapalu qui s'esta Contre .j. pilier, forment le redouta.

Mes Renoart jure et s'en aficha.

S'il veut bataille qui assez en aura.

Sa mace estraint, contre mont la leva ; Quant Kapalu le voit, si saïra.

Par grant aïr suz ses piez se leva, Si forment brait, et un tel cri geta Que le paies trestout en ressonna.

Ce fu avis Renoart qui fu là Que le palais et la tour en hocha.

Vers Renoart Kapalu se laupa, Mes Renoart tout premier l'assena Desus le dos, si grant cop le frapa, Ce fu avis à ceuls qui ierent là Jusqu'en abysmc l'oïc en dévala

Mais onc pour ce Rapalu ne croulla

Par tel vertu des .ij. piez li rua

Que (le son chief l'yaume li esraça.

Le ber guenchi, à un piler hurta,

Et Kapalu durement l'apressa.

Puis a pris l'yannie, assez dèz le hapa,

Et à ses denz plus menu l'estuia

Que n'est avaine que moulin moulue a.

Dist Renoart : quel deable ci a

Maleoit soit qui céenz m'amena !

Artus s'en rit, quant l'entent et gaba

Les fées disrent : Sire, quant vous plcra,

Et vous voudrez, Kapalu s'en ira

El Renouart si se reposera.

Et dist le roy : encor se combatra

Vers Rapalu l'ostel decesnera.

Renouart fu en la cour d Avalon, Devant lui voit Rapalu le félon.

Teste ot de chat et queue de lyon.

Cors de cheval et ongles de griphon.

Les dens agus assez plus d'un gaignon.

Renoart voit, si fonce le grenon ; Plest vous oïr quel fu, de quel renon. Cil Quapalu, quant vint à nascion ?

Engendré fu en l'ysle d'Orion, Par tel merveille onc tel n'oy hom, Rar une fée qui Bruhan ot à non Si se baignoit en la fontaine Albon ; Dedenz li vint Rigalez .j. muton, Uueques prist la fée en traïson, .Si engendra Rapalu, ce lison.

Quant il fu nez si ot bel eniimçon.

Si bel enfant trouver ne péust on ;

La mère en lu dolente à tlesresoii.

Destina li par grant aïiison Que li sien cors éust tele façon :

Teste de chat, s'éust piez de gryphon.

Cors de cheval et keue de lyon, Et tant vesquit en icèle façon Et que n'issit du chastel d'Avalon, Jusqu'il éust du sanc et du talon De Renoart le meilleur champion, Conques portast ne escu ne baston:

Adont réust sa première façon.

Le roy Artus, pour icèle achoison, Lessoit combatre kapalu au Baron, Quapalu ot sens et discrcpcion :

Mult volentiers mueroit sa façon Pour ce se met si forment à bandon, Vers Renoart revint de grant randon; Celé part bée où set sa guérison.

Cil le douta, si liève le baston One ne vis nus si forte chaploison.

Tout le paies en tentist environ.

Grant fu l'estour sus el paies listé Renouart a sa grant mace levé, Fiert Quapalu, grant cop desmesuré, El haterel l'a mult bien avisé ; Fort fu le cuir del' luiton destaë Grant fu le cop que il li a frappé.

Ains que le ber se puist estre tourné, Son braz retrait, ne son cop relevé, A Kapalu sa maçue engoulée, Vousist ou non, li a des poinz osté, Uerrier son dos l'a el paies geté ; Oi?t Renoart : or y soient mauflé.

Par fois, fet-il, or sai de vérité

Que li déable ne m'ont pas oublié.

Quant céenz m'ont en dormant aporté A ce déable tant qu'il m'ait afolé.

Sainte Marie, ayez de moi pité !

Artus l'entent s'en a .i. ris geté :

Uenoart est, dist le Roy, effréé.

Sire, dist Morgue, par rostre volenté Dès or déust Quapalu estre osté Se il y muert, à mort iert réprouvé, Par traïson i seroit encombré.

Voir, dist le roi, ains iert le champ fine Celui eust jà Renouait frappé Souz lo genoull où il set sa santé ; Mes Renouart li a les braz geté Desous la gueule, l'a très bien assené Par droite force l'a à terre geté.

Mes Kapalu a mult bien agrappé Si qu'il li ront la chance et le sOuller Et du talon a le cuir reverssé.

Le sanc en est tout contreval coulé Cil s'abessa qui mult l'ot désiré Si en a but et léchié et lappé.

Es vous son cors changié et remué, En fourme d'ome est le chat retourné, Le poil ot blont, menu recercelé Et les yex vers comme faucon mué, Et fu plus blanc que nule fleur de prè. Renoart a doucement apelé Et franchement par amour acolé.

Sire, dist-il, buer fuissiez oncques né, Atendu t'ai dès l'eure que fui né Servirai toi, tout à ta volenté.

Si te menrai, se il te vient à gré.

En Odîerne où ton filz est porté,

Où PequoU't Ta longuement gardé.

Le roi Tiébaut Teust tout desmembré, Mes Pequolet em prist mult grant pi té. Renoart l'oit, s'en a un ris gcté, Pour son filz Ta doucement acolé :

Amis, dist-il, or as dist à mon gré, Se tu me tienz et foi et loiauté Tant que ge aie le mien entant trouvé, Se vif le truis, bien t'iert guerredonné. Lors vinrent fées et chevaliers faë, Renoart ont hautement salué, Les fées l'ont doucement désarmé Et puis si l'ont el haut paies mené.

Le Roy Artus est contre lui aie.

Mult le conjoient et puis si l'ont lavé, Les serjans ont le mengier apresté ; Bien sont servis et a droit conrrée.

Quant ont mengié et béu à plenté.

Les napes ostent, des tables sont levé, Et Renoart a Artus apelé De celé gent li a il demandé.

Et dist Artus : or vous sera conté.

Je suis Artus dont l'on a tant parlé, Renoart frère, ce sont la gent faë Qui sont du siècle venus et trespassé Vez la RoUant ce vermeil coulouré.

Et c'est Gauvain à ce poile roë, Et puis Ivain un sien compaing privé ; Et celé bêle au vis enluminé Icele est Morgue ou tant a de biauté.

Dist Renoart. quant bien l'ot escoulé : Je voudroie ore, par sainte Trinité, Que ge l'eusse s'emprès à mon costé.

Artus l'entent, puis li a acolé :

APPENDICES. â57

Uenouart frère, saurez vous m'en bon i;ré? Renoart dist : cil, foy qu'à Dieu dr.

Et dist Artus à vostre voulenté.

Fol. 52, verso , col. 2 , vers 22.

A ce termine que H enfès tu nez Filz Maillefer, dont vous oy avez, Coustume a voient les gens, par véritez, Et en Provence et en autres régnez, Tables métoient et sièges ordenez Et sus la table .iij. blans pains buletez .lij. poz de vin et .iij. hénas de lès. Et par encoste iert li enfès posez.

En .i. mailluel y estoit aportez, Devant les dames estoit desvelopez Et de chascune véuz et esgardez S'iert filz ou fille, ne a droit figurez. Et en après baptisiez et levez.

Or fu la dame, Dieu merci, délivrée, Itel usage avoit en la contrée.

De lez la table, qui estoit haut levée, On mis l'enfant par bone destinée.

La dame couchent qui mult fu agrevée, Puis s'endormi tanlost sanz demorée.

Si font les autres par la chambre parée, Car tele y ot qui bien fu abuvrée Et tele ausi qui mult estoit lassée.

Dame Guibours s'en estoit jà alée, Mais or oies con faite destinée Avint l'enfant, avant la matinée.

î^.')8 APPENDICES.

Iiiau> lu li temps, la lune luisoit cler

Li eure erl boue et mult fist à loer :

Or nous devons de l'enfant raconter,

Quelle aventure Dieu i volt demonslrer;

.lij. fées vinrent por l'enfant revider.

I/unc le prist tantost, sanz demorer,

Et l'autre fée vait le feu alumer

L'enfent y font .i. petitet chaufer.

La tierce fée là Ta renmailloter,

Et puis le vont couchier pour reposer ;

Puis sont assises à la table, au souper,

Assez trovèrent pain et char et vin cler.

Quant ont maingié, si prisrent à parler;

Dist l'une à l'autre : il nous convient doner

A cest enfant et bel don présenter.

Dist la mestresse : premiers vueil deviser

Quel ségnorie ^e li vueil destiner

S'il vient en aigc, qu'il puist armes porter,

Biaus iert et fors et hardis por jouster;

Constantinoble qui mult fait à douter,

Tenra ois enfès, ains que doie finer,

Rois iert et sires de Gresce sus la mer,

Ceuz de Vénisce fera crestiener

Jà pour assaut ne le convient armer!

Car jà n'iert homs qui le puist affoler,

Ne beste nule qtii le puist mal mener,

Ours, ne lyons, ne serpens, ne sengler.

N'auront pooir de lui envenimer.

Encore veil de moi soit enmieudrez, S'il avient chose qu'il soit en mer entrez Jà ses vaissiaus ne sera afondrez.

Ne par tourmente empiriez ne grevez; Dist sa compaingne : or avez dit assez.

Or me lessiez dire mes volentez.

Je veil qu'il soit de dames bien amez Et de pucèles joïs et honorez; Et se voldrai qu'il soit bons clers létrez, D'art d'yngremance apris et doctrinez, Par quoi s'avient qu'il soit emprisonez En fort chastel, ne en tour enfermez, Que il s'en isse ançois .iij. jours passez. Et dist la tierce : Dame, bien dit avez, Or li donrai, se vous le comandez.

Dient les autres : faites vos volentez. Mais gardez bien qu'il ne soit empirez.

La tierce fée fu mult de grant valour, A l'enfant donc et prouece et baudour, Cortois et sages, si est bel parléour, Chiens et oisiaus ne hace à nul jour.

Et soit archiers c'on ne sache mellour. De .X. royaumes tendra encor l'ounour.

A tant se lié vent toutes .iij. sanz demour; Li jours apert, si voient la luour.

Alors s'en vont, plus n'i ont fait séjour, L'enfant commandent à Dieu le créatour.