TAUX DU PAIN SOUBLANC

Quand le boisseau de bled vauldroict xx s., le pain soublanc de saize onces

vauldra viii d.

Le pain soublanc de huict onces vauldra iiii d.

Au prix de xxv s. le boisseau, le pain de saize onces ix d.

Le pain de huict onces v d.

Au prix de xxx s. le boisseau, le pain [de] saize onces .... xi d.

de huict onces vi d.

Au prix de xxxv s. le boisseau, le pain de saize onces xii d.

de huict onces vi d.

Au prix de xl s. le boisseau, [le] pain de xvj onces xiiii d.

de huict onces vii d.

Au prix de xlv s. le boisseau, le pain de xvj onces xv d.

de huict onces viii d.

Au prix de 1 s. le boisseau, [le pain] de saize onces xvii d.

de huict onces ix d.

Au prix de Iv s. le boisseau, le pain [de] xvj onces xviii d.

de huict onces ix d.

Au prix de Ix s. le boisseau, [le pain] de saize onces xx d.

de huict onces x.d.

Au prix de soixante cinq solz le boisseau, [le pain] de xvj onces . xxi d.

de huict onces xi d.

Au prix de soixante et dix solz le boisseau, [le pain] de xvj onces . xxiii d.

de huict onces xi d.

A soixante xv s. le boisseau, [le pain] de xvj onces ij s.

de viij onces xii d.

A iiij" le boisseau, [le pain] de xvj onces xxvi d.

de huict onces xiij d.

Faisant arrest le vendredi viij" octobre mil v« ilii"" douze, jour et la

pollice.

Frontin (avec paraphe).

i65o A iiii'* v ■''. c'est ii ■'". iii ^.

A iiii** X ■''. c'est ii -''. v *.

A iiii" XV J". c'est ii ■^. vi *.

A c -'". c'est ii -'". viii ^.

PATICIERS ROTISSEURS

l3i Janvier i54j)

A tous ceulx qui ces présentes lettres verront, Adam de Houdon, escuier, seigneur de Chisseaii et de Varennes, conseiller du Roy et de ma Dame, leur bailjy et cappitaine de Gisors et des anceans ressortz d'icelluy bailliage, salut. Comme de tout temps et anceanneté, à nous et à noz prédécesseurs baillys du dit Gisors, à cause du dit office, compette et appartiene pourvoir et donner ordre aux mestiers et marchandises du dit bailliage, et es aultres choses urgentes et neccessaires pour la pollice des villes, entretenement du bien publicq, corection et punition des faultes et abbuz qui indifferamment se pevent faire et commettre es dictz mestiers et estatz de marchandise, et soit ainsy que le procureur du Roy, en ceste chastellenie, nous eust dict et remonstré que ea Testât de patichier et rotissier de ceste dite ville, à faulte d'ordonnance et de règlement, se commettoient et commettent de jour en jour plusieurs faultes et déceptions, au grand préjudice de la chose publicq, tant par Timperice de ceulx qui indiffcrentement se mettoient au dit mestier et estât, que pour les faultes, frauldes et malversations d'aulcungs, pour raison de quoy, auroit ledit procureur faict adjourner par devant nous: Thoussainctz de la Motte, Jehan DE LA Motte, Guillemin Prévost, Nicollas du Vivier, Jehan Roullier, GuiLLEAUME Lermerie, Estienne Pinel, Charles Dorival, Nicollas Ogier et ToussAiNCTZ Hertier, tous exercans ordinairement le dit mestier de patichier et rotissier en la dicte [ville] de Gisors, dès le vingt huitiesme jour de ce présent mois Cl an, à laquelle assignation comparans les ditz de Lamotte, Prévost, DU Vivier, Roullier, Lermerie, Pinel, Dorival, Ogier et Hertier, et que le dit procureur du Roy eust conclud qu'ilz eussent à monstrer et exhiber les ordonnances du dit mestier s'aulcunes en avoient, oncque à faulte de ce faire, deffences leur feussent faictes doresnavant de plus user du dit mestier, jusques ad ce qu'ilz eussent ordonnances ou règlement à justice et de nous pour les causes dessns dictes, et que les dictz paticiers et rotissiers nous eussent dict et remonstre que aultresfois, ilz avoient baillé à justice les articles sur lesquelz ilz requeroicnt avoir et leur estre baillé et délivré règlement et ordonnance sur le dit estât et mestier, pour éviter aulx frauldes et abuz qui y pevent estre commises par l'imperice de ceulx qui se mestent du dit estât, nous requerans, iceulx articles, veoir et coriger et leur estre délivré ordonnances en forme

- i37pour, suivant icelles, exercer le dict mestier orres et pour le temps advenir, sçavoir faisons, que, ce jourd'huy, dernier jour de janvier, Pan de grâce mil cinq cens quarante sept, après avoir veu et délibéré en la présence des officiers des dictz seigneur et dame, des gouverneurs de la dite ville et aultres notables personnes, les dictz articles iceulx corigez en ce faisant à coriger pour l'intherest du dit seigneur et bien publicq, par Tadviz et oppinion des diciz officiers et du consentement de tous les dessus nommez, exerçant, de présent, le dit estât et mestier de paticier et rotissier au dict Gisors, ausquelz aurions faict lecture des dictz articles ainsy corigez, avons dit et ordonné et decretté, et par ces présentes, disons, ordonnons et decrettons sur le faict et pollice d'icelluy mestier, les articles qui ensuyvent.

C'est assavoir : que doresnavant, nul en la dicte ville et faulx bourgs ne poura estre maistre ny lever son mestier, que, premièrement, il n'aict esté apprentilz à la dicte ville ou aultre ville de loy, par Tespace de troys ans, et qu'il soit rapporté et tesmoingné ouvrier suffisant par le maistre ou maistres servy, sur peyne de vingt solz parisis d'amende [à] applicquer : les deux tiers qu'il aura au Roy et l'autre tiers aux maistrez et jurez du dit mestier, affin qu'ilz soient plus anclins à faire les dictes visitations et approchement en justice.

Item, que après le dit apprentissage, s'il veult lever son dit mestier et estre tenu et repputté maistre d'icelluy, sera tenu, premier et avant tout œuvre, faire chef d'œuvre en présence et selon l'édit et ordonnance des maistres jurez et gardez qui seront esleuz pour l'année du dict chef d'œuvre ; et icelluy faict, s'il est trouvé ydoyne et suffisant, sera passé maistre du dit mestier, et, par justice, reçeu au serment suivant l'ordonnance du roy Françoys.

Item, que les maistres jurez et gardes du dit mestier qui seront esleuz pour Tannée, seront tenus et subjectz aller es ouvroirs des aultres paticiers et rotissiers de la dite ville d'icelle, veoir et vesiter sy la viande qui appareilleront est bonne, loialle et digne d'entrer au corps humain ; et sy elle est trouvée aultre, l'amenderont de dix solz parisis pour chascune fois, à applicquer les deux tiers au Roy et ma dicte Dame, et l'autre tiers aus dictz gardes, comme devant est dict ; et mettront et feront mettre la dite viande en justice, pour en estre ordonné ainsy qu'il appartiendra.

Item, nul maistre du dict mestier ne poura prendre ny avoir avec luy, plus d'un apprentilz, pour éviter à la confussion et abbuz qui indiffercment en pouroit advenir.

Item, nul maistre du dict mestier ne poura prendre ny enlever ung apprentilz estant en l'hostel d'un des maistres du dit mestier, tant et jusques ad

— i38 — ce qu'il aict par faict ses œuvres, ou que ce soit du consentement de son dit maistre, sur peyne de vingt solz parisis d'amende à applicquer comme dessus, et de faire retourner le dit apprentilz à son premier maistre, à ses despens.

Item, s'il y [a] aulcun valet, ouvrier du dict mestier, venant de dehors qui veule demourer en la dite ville et soy louer à ung des maistres d'icelle, ung an entier, faire le poura.

Item, nul paticier ne rotissier ne poura vendre, ne exposer en vente patetz, ny viande rechauffée, ne aultre viande indigne d'entrer au corps humain, sur peyne de dix solz parisis d'amende pour la première fois, vingt solz parisis pour la seconde, et pour la tierce, d'amende arbitraire, à applicquer comme dessus ; touttesfois poura bien vendre la viande froidde cuitte du soir, à lendemain.

Item, que les dictz maistres fairont leurs pastez et appareilleront leurs viandes bien suffisanment et mettront, sur peyne de dix solz parisis d'amende pour chascunes fois qu'ilz y commettront faulte, à applicquer comme dessus ; et pouront faire leurs pastez de veau sans faire bouUis.

Item, nul ne poura faire rost, pastez, ny saulcisses pour exposer en vante, s'il n'est passé maistre du dit mestier et reçeu au serment, sur peyne de vingt solz parisis d'amande, à applicquer comme dessus ; saouf et reserver touttesfois, que les taverniers et hostelliers de la dite ville et faulx bourgs, pouront sy bon leur semble, faire boully et roty pour leurs hostes forains passans et rappassans.

Item, sy aulcun ouvrier du dit mestier forain ou aultre, se loue à aulcun maistre des dictz mestiers par terme ou à l'année, il ne sera loisible à aulcun des aultres maistres du dit mestier, mettre en besongne le dict valet, qui n'aict faict et parfaict son terme, et sy le dict maistre le voulloit contredire, qu'il soit condampné en dix solz parisis d'amende applicqué comme dessus, et à renvoyer le dict ouvrier à son premier maistre.

Item, que advant le trespas des dictz maistres, leurs vcufves pouront tenir leur dict mestier, exercer ou faire exercer soubz elles et en leur nom et proffit durant leur vuiduicté seullement.

Item, que de trois jours en trois jours ou aultre plus brief temps, les gardes et jurez du dit mestier qui seront esleuz d'an en an, ainsi qu'il est acoustumé es aultres mestiers de la dicte ville, fairont leurs visitations et recharchcz sur le dit mestier, et les faultes et abbuz qui y trouveront, les admeneront incontinent à justice sans en riens conceller, sur peyne de vingt solz parisis à applicquer au Roy et ma dite Dame, comme cy devant est dit.

— iSg — Le tout, à la charge de garder et observer les ordonnances roiaulx et sans aulcunement contrevenir à icelles.

Lesquelles ordonnances les dictz de la Motte, de la Motte, Prévost, DU Vivier, Roullieu, Lermerie, Pinel, d'Orival, Ogier et Hertier, dessus nommez, ont promys et juré sollempnellement observer et garder inveriablement, orres et pour le temps advenir, sans aulcunement les enffraindre, ny contrevenir, ains les faire observer et garder chascun en son endroit, à quoy faire les avons condampnez et condampnons par ces présentes, sur les peynes et amandes indites par les articles prédites, à la réservation touttesfois de ampliffier ou dyminuer les présentes ordonnances pour le bien de la chose publicque, s'il est trouvé par cy aprez que faire se doibve.

Pour tesmoing et approbation desquelles, avons sellé ces présentes du sel aux causes du dit bailliage et faict signer à nostre greffier les an et jour dessus dictz. Signé Adam de Houdon, le Pelletier, Morin, le Gras, troys semgs ou paraphes.

Collation faicte à l'original de la dicte ordonnance, rendu et mys es mains de Adam Cirot, Tung des gardes et jurez du mestier de rotissier et paticier, par nous, Pierre Berthault, conseiller du Roy nostre sire, lieutenant de monsieur le bailly de Gisors, le xviij" jour d'octobre mil vc soixante et dix.

Berthault (avec paraphe).

Et oullre du consentement de Nicollas Ogier, Nicollas du Vivier, Jehan FicHET, Denys Couppé, Pierre Ogier, Jehan Prévost, tous maistres du dit mestier de pâtissier, et ce requerans par eulx, meuz de dévotion et pour aider à faire dire et entretenir le service divin qui a l'honneur de Dieu et de monsieur sainct Laurens, et ordonné que chacun maistre du dit mestier de cuisinier, qui aura ung aprenty pour aprendre le dit mestier, à son entrée paiera vingt solz tournois dont le maistre respondra , et fera valloir la dite somme à la dite confrarie du dit sainct Laurens.

Item, quiconques fera bancquet qui excédera la somme de vingt livres, paiera la somme de cinq solz tournois ; qui excédera la somme de dix livres, paiera deux solz six deniers ; et au dessoubz de dix livres, paiera au prolata ; le tout à aplicquer à la dite confrarye, pour entretenir le service divin.

Item, ung estrangcr qui vouldra estre passé maistre du dit mestier de cuisinier dens la dite ville de Gisors, en faisant chef d'truvre, il paiera dix livres

tournois, lesquelz reviendront au proffit de la dite confrarie et pour entretenir le service divin.

Item, ung aprenty qui aura aprins son mestier en la dite ville, il paiera cent solz tournois à aplicquer à la dite confrarie.

Item, le filz de maistre du dit mestier, paiera soixante solz tournois, lesquelz reviendront au proffit de la dite confrarie, et le tout pour entretenir le divin service de la dite confrarie.

Fait et aresté, présence et du consentement des dictz Ogier, du Vivier, Prévost, Couppé et Fichet et de honorable homme maistre Nicolle Morin, substitud du procureur du Roy, au dit Gisors, pour le contenu cy dessus estre observé et inviolablement garder chacun en son endroyt, à quoy faire, nous, Pierre Berthault, licentié en chacun droit, consellier du Roy nostre sire et lieutenant de monsieur le bailly du dit Gisors, pour le Roy et monseigneur le duc de Ferare, conte du dit Gisors.

Fait au dit Gisors, le quatriesme jour de febvrier mil v^ soixante et saize.

Laquelle dicte ordonnance cy dessus, iceulx maistres du dit mestier ont promy garder, ce que leur avons enjoinct faire.

Berthault (avec paraphe!. de la Boissiere (avec paraphe).

CHERONS

( Jo Janvier i54y j

A tous ceulx qui ces présentes lettres verront, Adam [de] Houdon, escuier, seigneur de Chisseau et de Varennes, conseiller du Roy et de ma Dame, leur bailly et cappitaine de Gisors. Comme de tout temps et ancienneté, à nous et à noz prédécesseurs, baillys du dict Gisors, compette et appartient pourvoir et donner ordre aux mestiers et marchandises et aultres choses concernans la pollicc des villes du dit bailliage, entretenement du bien publicq et correction des faultes et abbuz qui indifferanment se peuvent commettre es dictz mestiers et marchandises, et soict ainsy que M" Nicollf. Morin, substitud du seigneur et dame au dict Gisors, nous onlt dict et remonstré que en ceste dicte ville de Gisors, se pouvoient faire et commettre plusieurs faultes et abbuz au mestier de cheron, au préjudice du commun, à cause qu'ilz n'avoient et n'ont aulcunes ordonnances sur le faict du dict mestier pour obvier, ausquelz nous eust, le dict procureur, requis luy octroier mandement et commission pour fair convenir les maistres et ouvriers du dict mestier, en vertu duquel mandement, iceulx maistres eussent esté adjournez à comparoir par devant nous es assises du dict Gisors, par nous tenus, le saiziesme jour de ces dictz moys et an, auquel jour les dictz maistres se feussent comparus, par la grande partie d'iceulx, nous requérant que, pour le bien de la chose publicque et utillité du bien commun, il nous pleust leur bailler ordonnances sur le dict mestier, aussy que pour le prouffict des gens usans et qui useront et eulx intrometteront à Fadvenir, d'icelluy mestier, sur laquelle requeste leur eussions enjoinct et commandé bailler articles concernans le faict d'icelluy mestier, pour leur pourveoir sur leurs dite requeste comme il appartiendra, et le vingt huictiesme des dictz moys, de rechef, se fussent comparuz les maistres et ouvriers d'icelluy mestier assçavoir : Robert d'Orival et Nicollas Permentier, gardes et jurez du dict mestier en ceste présente année, Henry Noël, Jehan le Cousturier, Jehan d'Avignon, Ouldinet Dorgebrav, Tassin le Cousturier, Pierre le Cousturier, Nicollas d'Avignon, Jehan d'Avignon le jeune, tous maistres ordinaires exerçans le dict mestier de cheron, en la dicte ville de Gisors, lesquelz ont présenté aulcuns articles concernans le dict mestier de cheron , altestans iceulx articles estre bonnes et raisonnables, nous requerantz veoir les dictz articles et leur bailler et délivrer ordonnances en forme, pour, suivant icelles, exercer le

dict mesticr orres et pour le temps advenir: sçavoir faisons, que, ce jourd'huy, pcnultime jour de janvier, Tan de grâce mil cinq cens quarante-sept, par devant nous, bailly dessur nommé et comparans les dessus dictz maistres et ouvriers, après avoir veu et delisberé avecques maistres Pierre le Pelletier, escuier, nostre lieutenant en la ville et chastellenie du dict Gisors, le dict Morin procureur et aultres conseulx bourgeois et habitans du dict lieu, les dictz articles et iceulx corrigez en ce qui faisoict à coriger, pour Pintherestz du dict sieur et du bien publicq, nous, par leur advis et desliberation et du consentement de tous les maistres et ouvriers du dict mestier dessus nommés, ausquelz à ceste fin, auroict esté faict lecture des dictz articles ainsy corrigez, avons dict et ordonné et decretté, disons, ordonnons et décrétions sur le faict et pollice d'icclluy maistier, les articles qui cnssuivent, à la charge sur le tout de observer les ordonnances roiaulx.

Premièrement, les maistres ouvrans du mestier en la dite ville sont tenus en la façon d'unes roes à charette à chariot, faire les retz et jantes de boys secq assçavoir : les retz de chesne ou fresne et les jantes d'orme ou hestre et le moyieu du boys vert.

Item, en la façon d'une cherue, convient que les rouelles de la cherue soient de boys secq de chesne ou d'ormctteau, la haie de boys secq de fresne ou hestre, l'espée et estanchon de boys secq.

Item, convient que ung appreniilz, avant que de estre receu à maistre du dict mestier en la dite ville, aie faict son apprentissaige par trois ans, au service de l'un des maistres du dict mestier, et qu'il face loial chef d'œuvre sera rapporté suffisant par les maistres, avant que de estre reçeu à maistre au dict mestier, lequel apprentilz sera devant la huictaine présenté en justice pour faire serment, et paiera pour la sire du saings, deux livres de sire et xxx solz tournois pour

Item, le filz d'un maistre du dict mestier, ne sera tenu faire chef d'œuvre comme ung aultre qui ne seroict filz de maistre, et paiera apprentil. . . la moittié moings que l'autre.

Item, ouvriers du mestier forains, ne pouront besongncr en la dicte ville mcsmcs, n'y apporter et exposser en vente la besongne, avant qu'elle soict rcvisiié deloiaulté par les maistres et jurez du dict mestier en la dicte ville sur peyne de confiscation au Roy et aux jurez ; aussy les diciz ouvriers du dict mesticr, ne pourrom vendre ouvraige de cheron en la dicte ville, synon les jours de foires encoires ayant revisité comme dessus.

De laquelle ordonnance garder pour le temps advenir, les dictz maistres et

ouvriers du dict mestier de cheron dessus nommez, tant pour eulx que leurs successeurs, fisrent le serment en tel cas acoustumé promettant icelle ordonnance tenir et garder sans en fraulder, sur les peynes et amendes déclarez es articles dessus dictes ; lesquelles peynes et amendes, nous, dès maintenant, orres et pour le temps advenir, avons dict et déclaré estre cueilles et levés sur les transgresseurs de ces présentes ordonnances et iceulx transgresseurs estre pugnis et corrigez selon la teneur des dictz articles et pour chacunes fois qui escheront es dictes peines et amendes, saouf à icelles ordonnances augmenter ou dyminuer cy après ce faire se doibt Sy mandons à tous les maistres du dict mestier presens et advenir, que ces dictes ordonnances tient et gardent sans en fraulder; mandons en oultre à tous les sergens ou sous sergens du dit bailliage, et au premier deuxiesme requis, que ces dictes présentes ilz façent entretenir, garder bien et deuement sans en fraulder.

En tesmoingt de ce, nous, ainsy signé: Adam de Houdon, le Pelletier, MoRiN et LE Gras, avec quatre seings ou paraphes.

Collation faicte à l'original en parchemin, demourc es mains des gardes et jurez du mestier de cherons, par nous, Pierre Berthault, licentié es droitz, consellier du Roy, nostre sire, lieutenant de monsieur le bailly au dit lieu, le vj^ jour de mars mil v^ Ixxiij.

Berthault (avec paraphe).

^më^p^^qp^s^M^

TISSERRANS EN DRAPS

(24 Janvier i54~)

A tous ceulx qui ces présentes lettres verront, Adam de Houdon, escuier, sieur de Chisseaii et de Varenes, conseiller du Roy et de ma Dame, leur baillvet cappitaine de Gisors. Comme de tout temps et ancienneté, à nous et à noz prédécesseurs baillys du dit Gisors, compette et appartient pourvoir et donner ordre aux mestiers et marchandises et aultres choses concernans la pollice des villes du dit bailliage, entretenement du bien public et corection des faultes et abbuz qui indifferanment, se peuvent commettre es dictz mestiers et marchandises, et sont ainsy que M' Nicolle Morin substitud du procureur du dit sieur et dame, au dict Gisors, nous ont dict et remonstré que en ceste dicte ville de Gisors, se povoient faire et commettre plusieurs faultes et abbuz au mestier de ihisseren en draps, au préjudice du commun, à cause qu'ilz n'avoient et n'ont aucunes ordonnances sur le faict du dict mestier pour obvier, ausquelz nous eust, le dict procureur requis luy octroier mandement et commission pour faire convenir les maistres et ouvriers du dict mestier, en vertu duquel mandement iceuls maistres eussent esté adjournez à comparoir par devant nous, es assises du dict Gisors, par nous tenues le saiziesme jour de ces dictz moys et an, auquel jour les dictz maistres se fussent comparus par la grande partye d'iceulx, nous requérant que pour le bien de la chose publicque et utillité du bien commun, nous plcust leur bailler ordonnances sur leur dict mestier, aussy pour le prouffict des gens usans et qui useront et eulx intromettront, à Tadvenir, d'icelluy mestier, sur laquelle requeste leur eussions en joinct et commandé bailler articles concernans le faict d'icelluy mestier, pour leur pourveoir sur leur dicte requeste comme il appartiendra, et le vingt deuxiesme des dictz moys et an, de rechef feussent comparus les maistres et ouvriers d'icelluy mestier assçavoir :

Jacques Grenet, Michel Castil, Jehan du Puis laisné, Jehan Grisel, Pierre Grenet, Noël Choucquet, Guillemme Grknet, Nicollas Païenne, Guillot Grant, Jehan Plessis, Reg.nault Singot, Guillemme Vaulmoing, Richard Vaolmoing, Guillot Ligon, Jehan Paulmyer, Prothais Rassine, Jehan du Puis le jeune, Michault Grenet et Gilles Mauvoisin, tous ordinairement excrcans le

dit mestier de thisserren en draps, en la dicte ville de Gisors, lesquelz ont présenté aulcuns articles concernans le dict mestier de thisseren en thoilles, attestons iceulx articles estre bons et raisonnables, nous requerans de veoir les dictz articles, leur bailler et délivrer ordonnances en forme, pour suyvant icelles exercer le dit mestier orres et pour le temps advenir, sçavoir faisons, que ce jour d'huy vingt quatriesme jour de janvier, l'an de grâce mil cinq cens quarante sept, par devant nous, bailly dessus nommé, comparans les dessus dictz maistres et ouvriers, après avoir veu et delisberé avec maistre Pierre LE Pelletier, escuier, nostre lieutenant en la ville et chastellenie du dict Gisors, le dict Morin procureur et aultres conseulx, bourgeois, et habitans du dit lieu, les dictz articles et iceulx corrigez en ce qui faisoict à corriger pour l'intherestz du dict sieur et du bien publicq, nous, par leur advis et délibération, et du consentement de tous les maistres et ouvriers du dict mestier dessus nommez, ausquelz, à ceste fin, avoict esté faict lecture des dictz articles ainsy corrigez, avons dict et ordonné et decretté, disons, ordonnons et decrettons sur le faict et poUice d'icelluy mestier, les articles qui enssuyvent.

Premièrement, est deffendu à tous maistres et ouvriers du dict mestier et aultres personnes quelzconcques, d'ouvrier en laine à moins de quinze, saize et dix sept cens fiz, et est ordonné qu'ilz porteront deux aulnes et demy quart et ne pourront vuider les dictes laines que vingt lilz, sur peyne de dix solz parisis d'amende, moitiié au Roy et l'autre moittié aux accusateurs et Jurez du dict mestier.

Item, et pour besongner à faire petitz draps comme gris en. . . couvertures

et aultres petitz draps servans au dict , leur sera et est permys avoir deux

autres laines de douze à traize cens fiz, et porteront deux aulnes et ne pourront

vuider que vingt fiz, qui sera pour en les petittes laines pour le proffict

des marchandz et du publicq, ainsy que l'on en use es villes voisines et bour [gaiges] du dict Gisors, et à la charge que les dictz ouvriers ne pouront

besongner ne ouvrer des dictes petittes laines, sinon es d dessus dict, sur

peyne de fiscation des dictz draps, de cent solz parisis d'amende, [à] applicquer moittié au Roy et l'autre moittié aux accusateurs et jurez du dict mestier.

Item, les drappiers et aultres mestiers, personnes faisans faire draps en la dicte ville sur longueur, ne pourront, ne fairont porter leurs dictz draps ou layne hors la dite ville, sur peyne d'amende arbistraire et pourront [les] gardes ou maistres du dict mestier de thisseren en draps, prendre ou faire prendre les dictz draps et laine, et l'anoncer à justice et ce les abbuz qui s'y peuvent commettre es dictz draps, comme en y mettant boure ou leneton.

Item, ung ouvrier qui viendra de dehors pour ouvrer et gaigner en la

dicte ville et faulx bourgs, jusques à quinze jours, paiera deux solz parisis pour une foys seullement aux gardes du dict mestier, et s'il s'en veult aller à la fin des dictz quinze jours, il s'en peult aller sans riens paier.

Item, ung maistre du dict mestier, ne pourra tenir que ung apprentis jusques à la dernière demye année, le dict maistre se pourra pourveoir d'aultre appreniilz.

Item, ung maistre de dehors la dicte ville et faulxbourgs ne peult venir besongner, ne lever son dict mestier, s'il n'est de l'apprentisaige de la dicte ville ou faulxbourgs, ou faict chef d'euvre en la ville, et serment en justice.

Item, ung serviteur qui se voulJra passer maistre, s'adressera aux gardes et jurez et maistres du dict mestier, qu'ilz aient à luy bailler ou faire bailler ung drap pour faire son chef d'œuvre ; et fera le dict serviteur ung essay pour ourdir son dict chef d'œuvre, et ourdira lestement selon et jouxte son essay, et sera tenu faire une laine pour entraire son dict chef d'œuvre, en la présence des gardes et maistres du dict mestier et s'il est trouvé suffisant, les dictz gardes et maistres du dict mestier seront subjectz de le présenter devant nous, bailly ou noz lieutenans, et paira seullement cinq solz parisis pour son entrée.

Item, les maistres et gardes du dict mestier en la dicte ville et faulxbourgs du dict Gisors, qui yront visiter par la chasiellenie, en vertu de leur commission, pourront contraindre les maistres du dict mestier des villes de la chastellenie de Gisors, et pareillement leurs apprentilz, à besongner et ouvrer suivant ces présentes ordonnances, et là où ilz seront trouvez faire le contraire, seront punis à l'ordonnance de justice.

Item, fera chascun maistre mettre sa merque différente au chef du drap, sur peyne de vingt solz parisis d'amende applicable comme dessus; et ne

pourront les dictz maistres tiltré à la chandelle plus matin que la du

matin, et huict heures du vespre, sur les peynes d'amende à l'ordonnance de

justice, et s'il est trouvé aux entrebatz piedz d'araygne ou filz doubles de

demy quart de loing, pairont, pour chascun entrebac, quatre deniers parisis d'amende, et pour chascun pas d'areigne et fiz double sur ung pas, quatre deniers parisis ; et sy ainsy est que on trouve ung drap ou chasne ourdy plus loing sur le feste que sur les lisires, et il est rapporté par les dictz gardes, maistres ou aultres gens ad ce congnoissans, paiera le dict maistre pour Tabbuz qu'il auroict faict, cent solz parisis d'amende, et sy ne pourra mettre sur le dict feste de chasne plus sur les lisières, sur les peynes et amendes que dessus.

Et ainsy est que aulcun se veullc passer maistre, il sera subject appeller

— H7 — les gardes du dict mestier pour luy bailler sa merque, après avoir faict son chef d'œuvre et serment en justice, et paiera ans dictz gardes, pour leur droict, cinq solz parisis, oultre les cinq solz parisis pour son entrée, dont cy dessus est faict mention.

Et jurèrent et promisdrent les dessus dictz maistres et ouvriers du dict mestier de thisseren en draps de la dicte ville et faulxbourgs de Gisors, observer et garder pour eulx et leurs successeurs thisserrens en draps, les poinctz et articles déclarez en ces présentes ordonnances, sans aultrement aller ne souffrir estre faict contraire, sur les peynes et amendes indictés es articles d'icelles, lesquelles peynes et amendes, nous, soussigné, le bailly, voulions orres et pour le temps advenir, estre cœuillis, levez sur les tressegresseurs et par chacunes fois qui encheront es dictes peynes et amendes, à la condittion et réservation toutesfois de ampliffier ou dimynuer les présentes ordonnances pour le bien de la chose publicque et du dict mestier, s'il est trouvé par cy après que faire se doibve.

Sy donnons en mandement à tous maistres et ouvriers du dict mestier, orres et pour le temps advenir, que les dictz présentes ordonnances ilz tiennent et gardent comme dessus est dict, sans y commettre abbuz et frauldes ; mandons en oultre au premier sergent ou sous sergent du dict bailliage, premier sur ce requis que icelles facent tenir et garder bien et deuement, et faire tous les exploictz et assignations, aux fins dessus dictes.

En tesmoingt desquelles choses, nous, bailly dessus dict, avons mis à ces présentes nostre sel aux causes du dict bailliage, et faict signer à nostre dict lieutenant et à nostre greffier pour plus grande aprobation l'an et jour dessus dictz.

Ainsy signé : Jehan Houdon, le Pelletier, Morin et le Gras, avec quatre seings ou paraphes.

Collation faicte à l'original en parchemin, demouré es mains des dictz gardes et jurez du mestier de thisseran en draps, par nous, Pierre Berthault, licentié es droictz, conseillier du Roy, nostre sire, lieutenant de monsieur le bailly au dit lieu, et ce, à l'instance des maistres thisserens, pour icelles ordonnances estre incerez au registre des ordonnances des mestiers, le vj" jour de mars mil v<= Ixxiij.

Berthault (avec paraphe).

FUSTAILLERS, GOBERGERS

(20 Avril i58o)

L'an de grâce mil cinq cens quatre vingtz, le vingtiesme jour d'apvril, à Gisors, devant nous Pierre Berthault, licencyé en chacun droict, lieutenant de monsieur le bailly et cappitaine de Gisors, au dict lieu, pour le Roy, nostre sire, et pour monseigneur le duc de Ferrare, conte du dict Gisors, se sont comparuz Roullant Gazin et Jacques le Niere, maistres fustailliers, en ce bailliage de Gisors, lesquels en la présence de Guillaume Viart, Berthelmy de Liencourt, Aden Viart, Laurens Maquelin, Robert Hervieu et la veufve de Laurens Maquelin, nous ont présenté la coppie des ordonnances du mestier de fustaillerye et gobergerye, extraictes sur celles de la ville de Rouen, avec coppie des lettres patentes confirmatives des dictes ordonnances, en dabte, du moys de mars dernier^ déclarant les dictz Gassin et le Niere, ayant esgart que ces dessus dictz avoient par cy devant ouvré et besongné, bien et deuement en fustaillerye et tenu ouvrouer publicq du dict mestier, qu'ilz soient tenuz pour maistres passez et reputez du dict mestier, sans faire aucun chef d'œuvre. sur quoy, après lecture par nous faicte des dictes ordonnances et lettres patentes du Roy, présence des dessus dictz, nous avons d'iceulx prins le serment en tel cas requis et acoustumé, de garder et faire garder les dictes ordonnances de fustaillerye et gobergerye, tant en ceste ville qu'en ceste chastellenye, et faire les visitations des dictes marchandises, et en cas qu'il y ayt abbuz, en faire aprochement à justice. Ce faict, du consentement des dessus dictz, ilz ont csleu pour gardes et jurez du dict mestier, en l'année présente, les dictz Guillaume Viart et de Liencourt et ont faict le serment en tel cas requis, dont nous avons acordé lettre.

Henry, par la grâce de Dieu, roy de France et de Polongne, à tous presentz et advenir, salut.

Comme noz bien amez Nicolas d'Outreleau, Robert le Tellier, Jehan Dessaulx, Jacques le Niere, Roullant Gazin et Lovs de l'Espine, tous maistres du mestier de fustaillier, demeurant à la ville d'Andely, nous ayent faict dire et remonstrer qu'il ont, par cy devant et de long temps, praticqué et exercé le dict mestier sans avoir esleu aucun garde d'icelluy, à l'ocasion de quoy, plusieurs

— '49 — se seroient meslez du dict mestier et tenu bouticques ouvertes sans faire aucun aprentisage ny chef d'œuvre, ainsi qu'il est requis par les status et ordonnances du dict mestier, lesquelles n'auroient peu en autre choses estre gardez et observez, comme il est très nécessaire pour avoir esté les dictz status et ordonnances perduz et adirez, à cause des guerres et troubles qui auroient longuement continué au pays, d'où vient que plusieurs faultes et abbuz se sont cy devant commis et commette au dict mestier, au préjudice du publicq, pour à quoy obvier, les exposans auroient trouvé moien autant des dictz status et ordonnances du dict mestier qui se gardent et praticque en plusieurs villes de cestuy nostre roiaulme, signanment en nostre ville de Rouen, lesquelles ayant conmuniquez au juge du dict Andely sur ce ouy, et du consentement de nostre

procureur au dict lieu par sentence du jour de y attachée, soubz le

contresel de nostre chansellerye, en laquelle sont escriptz et contenuz tous les articles des dictz status et ordonnances, il leur auroict permis faire icelles dorennavant garder et observer en la dicte ville, nous suppliant très humblement, iceulx maistres exposans, que nostre bon plaisir feust, en suyvant la dicte sentence, avoir les dictz status et ordonnances pour agréable, et sur ce leur acorder noz lettres de confirmation au cas nécessaire ; sçavoir faisons, que nous inclinans liberallement à la dicte requeste pour à Tadvenyr coupper chemyn et empescher les faultes, abbuz et malversations commises au dict mestier et que nos subjectz tant de la dicte ville que des environs se puissent sentir du bien et conmodité des dictées ordonnances, pour ces causes, après avoir faict veoir à nostre conseil la dicte sentence, en laquelle sont particullierement contenuz les articles des dictz status et ordonnances, de l'advis d'icelluy, advouons les dictz articles, status et ordonnances comme à nous bien agréables, louez, ratifiiez et aprouvez , et de noz grâces spécial plaine puissance et auctorité royal, les louons, ratifiions et approuvons par ces présentes, pour par cy après estre gardez, entretenus, observez en la dicte ville d'Andely par les dictz suppliantz et autres maistres qui ouvroeront et besongneront, en icelle, de fustaillerye et gobergerye, de point en point selon leur forme et teneur, et sur les peynes plus aplain déclarez par les dictz status et ordonnances.

Sy donnons en mandement au bailly de Gisors ou son lieutenant gênerai et juge presidial au dict lieu, et à tous autres noz juges, justiciers, officiers et subjectz du dict Andely, que du contenu en ces présentes nos lettres de grâces et confirmation, ilz fassent et seufîrent les dictz supplians et autres maistres du dict mestier de fustaillier, au dict Andely, jouyr, user plainement et paisiblement, cessant et faisant cesser tous troubles et empeschementz au contraire, car tel est nostre plaisir ; et afiin que ce soyt chose ferme et stable à tousjours, nous avons faict mettre nostre seel à ces dictes présentes.

Donné à Paris, au mois de mars, l'an de grâce mil cinqcentz quatre vingtz,

et de nostre règne le sixiesme ; et sur le reply estoit escript : par le Roy, maistres Charles Boucher, maistre des requestes ordinaires de Thostel présent, signé : Thiboust. avec ung paraffe, et sellez du grand seau du Roy, sur double queue en laps de soye de sire verde.

L'an de grâce mil cinq centz soixante et dix neuf, le jour de à

Andely, devant nous Quentin de la Porte, escuier, conseillier du Roy, nostre sire, lieutenant gênerai et juge presidial au bailliage de Gisors, se sont comparus par devant nous, Nicolas d'Outreleau, Robert le Tellier, Jehan Dessaulx, Jacques le Niere, Roullant Gazin et Loys de l'Espine, tous maistres du mesiier de fustaillier, demourant en ce lieu, lesquelz, en la présence de noble homme maistre Nicolas la Vache, sieur du Val Sainct Jehan, procureur du Roy en ce dict bailliage, ont remonstré qu'ilz avoient par cy devant et de long temps, exercé le dict estât sans avoir esleu aucuns gardes du dict mestier, ainsy qu'il est requis, et icelluy estât avoir esté par cy devant exercé par aucuns, sans avoir observé et gardé les status et ordonnances du dict mestier; et mesme que toutes personnes qui voulloient exercer le dict estât lenoient bouticque d'icelluy sans faire leurs aprentisages, ny faire aucun chef d'œuvre du dict estât, ainsy qu'il est requis par les dictes ordonnances , ce qu'ilz n'avoient peu faire observer et garder pour ce qu'ilz n'avoient esté saisis des dictes ordonnances, lesquelles auroient esté par cy devant perdus ou adirez, à raison des troubles et guerres civilles qui ont esté en ce pays, et affin que pour l'advenyr il ne se puisse commettre aucun abbus au dict estât, et qu'il puisse i estre proceddé aux visitations de l'ouvrage d'icelluy, ainsy qu'il est acoustumé, disoient s'estre retirez par devers les maistres et gardes du dict mestier en la ville de Rouen, estans saisys des ordonnances du dict mestier, desquelles ilz disoient avoir prins coppie qui consistent en plusieurs articles, desquelz la teneur ensuyt.

Et premièrement, que ceulx qui par cy devant ont ouvré besongne et tenu ouvrouer publicq du dict mestier de fustaillerye, en soient tenuz et reputez pour maistres passez, sans faire aucun chef d'œuvre ou suffisance, en faisant toutesfois serment de bien et loyallement besongner et marchander du dict mestier, duquel serment ilz prendront lettres pour tesmoingt de leur maistrisse, en paiant aussy cinq solz pour hance au Roy, nostre sire, et dix solz à la confrarye monsieur Sainct Cler, sy payé ne les ont.

Item, sefoient commis par justice deux gardes du dict mestier, qui seront maistres et ouvriers d'icelluy mestier de fustaillerye, et les dictz deux gardes du dict mestier seront esleuz par les maistres du dict mestier de fustaillerye, dedens la huictaine des festes de Noël prochain venant. Et après, pour le temps advenyr, sera esleu un autre garde nouveau pour chacun an, qui

— i5i — demeurera avec le viel garde dernièrement esleu, lesquelz pouront faire la Visitation en la dicte ville et chastellenye, par les ouvrouers et estaulx des dictz fustailliers et aillieurs, où ilz trouveront marchandissent et fustaillerye, et rapporteront à justice les fautes qu'ilz y trouveront pour estre amendez et corigez, selon les articles cy après couchez.

Item, ce aulcun veult, au temps advenyr, besongner et tenyr ouvrouer du dlct mestier en la dicte ville et bailliage, il sera amené en justice par les gardes du dict mestier, ou à aucun d'iceulx, et sera juré aprentis, et paiera d'entrée (?) à la confrarye monsieur Sainct Cler , et cinq solz aux gardes; et après, sera tenu servyr l'espace de quatre ans continuellement en l'hostel et avec ung des maistres, sy servis ne les a, ou s'il n'a apris le dict mestier en la dicte ville d'Andely ; ou au regard de ceulx qui de présent sont en service, le temps qu'il ont ja servy, leur vauldra et sera rabatu sur le dict temps, de quatre ans, et ne poura son maistre durant le dict temps avoir autre aprentis; et après le dict temps du dict service faict et acomply, s'ilz veullent estre jurez et passez maistres du dict mestier, ilz seront tenus faire chez ung des maistres, une pièce d'oeuvre, telle que les gardes du dict mestier et troys ou quatre des autres notables du dict mestier à l'élection des gardes leur sera baillé et devisé, et s'ilz sont trouvez suffisantz, par le rapport d'iceulx gardes et maistres, ilz seront jurez et passez maistres et feront le serment devant le bailly, ou son lieutenant, de loiallement besongner et obeyr aux gardes du dict mestier et garder ceste présente ordonnance ; et paieront pour leur hance cinq solz tournois au Roy, nostre sire, dix solz à la dicte confrarye monsieur Sainct Cler et cinq solz tournois pour chacun des gardes, pour supporter à leurs peynes et vacations.

Item, au regard des filz de maistre, ilz ne seront point tenus faire aucun chef d'œuvre et seront quittes pour demye hance, tant au Roy que à la dicte confrarye et aux gardes, pourveu, toutesfois, qu'ilz ayent deuement aprins le dict mestier avec leur père ou autre maistre du dict mestier ; et ne pouront lever ouvrouer, ce leurs pères ou maistres ne sont ou ayent cause d'estre contens d'iceulx, à l'esgard de justice.

Item, ce aucun serviteur s'en alloyt hors d'avec son maistre, durant les quatre ans de son aprentisage, le dict maistre se poura pourveoir, ung moys après son dict département, d'un autre serviteur ou aprentis, par l'ordonnance des gardes ; et sy le dict premier serviteur voulloyt revenyr besongner du dict mestier, en ceste dicte ville, seroict pourveu ailleurs par les dictz gardes en desdomageant son dict maistre.

Item, que aucun du dict mestier ou autre, qui en fera marchandise, ne puisse exposer en vente ne tenyr en son hostel ou estai, aucunes pièces comme

boisseaux ou aultres pièces de seilleriete, s'il ne sont de bon boys, qu'il ne soyt poinct trezallé, ne percé de ver, sur peyne de douze deniers tournois d'amende pour chacune pièce, dont : moityé sera au Roy et l'autre moityé aus dictz gardes, avec leurs despens de la poursuitte ; et sy sera la pièce rompue et cassée en quelque lieu qu'elle soyt et omice.

Item, pareillement sur le faict des sacqs à sasser ; que tous sacqs à sasser pouldre d'espice, soient de bon boys sec, et le paterel du fonde d cœur de chesne, et les dictz sacqs bien cloué de cloudz à teste ; et le tout, sur peyne de deux solz tournois d'amende à aplicquer, ainsy que dict est ; et sy sera la pièce rompue comme dessus.

Item, pareillement que les sncqs à sasser farine et cribles de clicque, soient clouez de bon clou à teste, et bien tendus, sur peyne de douze deniers tournois d'amende à aplicquer comme dessus ; et la pièce cassée et rompue.

Item, au regard d'autres menus ouvrages de fustaillerye, comme ratières, soricieres, sallieres et fus à recouce, toutes autres œuvres de fustaillerye soyt faicte, qu'il n'y ayt poinct de boys trezallé, ne percé de ver, mais qui soient de bon boys entier, sur peyne de six deniers d'amende pour chacune pièce, à aplicquer par moityé, ainsy que dict est ; et sy sera la pièce rompue et cassée comme dessus.

Item, aux souffletz et lanternes, que par semblable n'y ayt poinct de boys trezallé, ne percé de ver, et que les boys des souffletz soient de quartier, et le cuir cloué de bon clou à teste, et le boys de lanternes levé de boys de quartier, encornez de bonne corne qui ne soyt point percée, et clouez de bonne estoffe, le tout sur peyne de deux solz tournois d'amende pour chacune lanterne, et douze deniers pour chacun soufflet, à aplicquer par moityé, ainsy que dict est ; la pièce cassée et rompue, comme dessus.

Item, que tout ouvrage de tour, comme gattes, platz, escuelles, vesselles, trenchcurs, vers, cherres, chinolles, devidouers et autres choses semblables et menues ouvrages de fustaillerye, soient faictes de bon boys, qu'il ne soyt point fendu, trezallé ne percé de ver, sur peyne de douze deniers tournois d'amende pour chacune pièce outre que trencheurs et petites escuelles, et de six deniers pour chacun trencheur et petites escuelles, pourveu qu'ilz soient mis à Testât et exposez en vente, ou que les ouvriers et marchantz en soient trouvez saissi parmy leurs autres ouvrages; et les pièces rompues comme dessus, sauf toutesfois, que les gattes de boys de fresne pouront estre faictes de moityé de tronces.

Item, que toutes pièces : rondeaux, boisseaux, auges à vin de quartier de

— i53 — haistre et toutes autres fustaillerye, soient de boys de quartier, qui ne soyt point tresallé, ne percé de ver, sur peyne de sis deniers d'amende et la pièce

rompue comme dessus.

Item, ne pouront vendre et distribuer tous cassiers, casserettes, bourecques, picotins, archons et toutes autres marchandises d'osier, ainsy qu'ilz ont acoustumé.

Item, que aucun ne besongne au jour de feste commandée de l'Esglize, ne aux veilles des fastes, c'est assçavoir : des festes de Dieu et ceulx de Nostre Dame et de monsieur sainct Cler, depuys nonne Nostre Dame, sur peyne de cinq solz tournois d'amende à aplicquer, moittid au Roy et l'autre moytié à la confrarye monsieur sainct Cler, en la dicte esglize ; et sy ne poura besongner du dict mestier, sinon, depuys le son de la messe de cinq heures de matin jusques à neuf heures de soyr après nonne, sur peyne de cinq solz tournois d'amende, moityé au Roy et l'autre moityé aux gardes.

Item, nul, quelqu'il soyt, ne poura exposer en vente nulle sorte de fustaillerye en détail, s'il n'est maistre du dict mestier, juré et passé en ce dicte ville et bailliage, sur peyne de cent solz d'amende à aplicquer, c'est assavoir : dix solz au Roy, nostre sire, dix solz à la confrarye sainct Cler, et les autres dix solz aux gardes du dict mestier.

Item, que toutes pièces de marchandises, comme huches, brouettes et sabotz , soient tous de bon boys de quartier qui ne soyt point tresallé, ne percé de ver, sur peyne de deux solz six deniers d'amende pour chacune pièce de brouettes et huches, et pour les sabotz douze deniers tournois, et la pièce sera rompue comme dessus.

Lesquelz articles ilz rcqueroient leur estre baillez pour ordonnances, pour iceulx en leur contenu garder et observer, et iceulx faire garder et observer aux autres maistres qui se vouidront, par cy après, faire passer maistre du dict mestier, sur laquelle requeste. premier et advant que de riens ordonner sur icelle, aurions ordonné que les dictz articles seroient conmuniquez au dict

sieur procureur du Roy, pour luy ouyr ordonner et aux dessus dictz sur

leur dicte requeste ainsy que de raison, et après avoir le dict sieur procureur du Roy, eu conmunication des dictes articles et iceulx leuz l'un après l'autre, a dict qu'il ne voulloyt empescher que les dictz fustailliers eussent lettre des dictes articles, et iceulx leurs estre baillez pour ordonnances ; et après que les dictz fustailliers, sur ce par nous jurez par serment à dire vérité, et iceulx l'un après l'autre et inquis et interrogez, nous ont dict que les dictz articles cy dessus estoient bien justement et loiallement faictes au proffict et utilité du

dict mestier et de la chose publicque, nous avons, du consentement du dict sieur procureur du Roy, acordé lettre aux dessus dictz, des dictz articles, pour leur valloir et servir d'ordonnance du dict mestier de fustaillerye et gobergerye, et enjoinct et commandé à tous les dessus dictz et autres aprentis et passé maistre, qui besongneront et ouvreront pour Tadvenyr du dict mestier, observer et garder le contenu es dictes articles et ordonnances, sur les peynes indites aus dictes ordonnances, à laquelle fin, avons d'iceulx, prins et reçeu le serment des dessus dictz, de bien et deuement observer et garder le contenu es dictes ordonnances, de point en point, jouxte leur forme et teneur, sur les peynes et amendes contenus en icelles.

En tesmoings de quoy, nous avons signé ces présentes. Ainsy signé : de la Porte, la Vache, et le Carpentier, chacun ung merc ou paraffe.

Collation faicte sur l'original (paraphe).

Berthault (avec paraphe).