MASSONS, CHARPENTIERS

(5 Janvier i5jg)

A tous ceulx qui ces présentes lettre verront, salut. Pierre Berthault, Z\ licentié es loix, conseillier du Roy, nostre sire, lieutenant gênerai ■L \. criminel de monsieur le hailly de Gisors, au dit lieu. Comme de tout temps et antieanneté, aux baillifs de Gisors ou leurs lieutenants, compete et appartient pourvoir et donner ordre aux mestiers et marchandises et aultres choses concernantz la pollice des vivres et corection des faultes et abbus qui se peuvent conmettre es dictz mestiers et estatz des dictes marchandises, et soyt ainsy que le procureur du Roy, en caste chastellenye, nous eust dit et remonstré que en Testât de masson et charpentiers en cesie ville, à faulte d'ordonnance et ung reiglement, se peuvent faire et commettre plusieurs faultes au préjudice de la chose publicque, pour obvyer à aulcuns abbus, le dit procureur du Roy eust faict convenyr par devant nous, les maistres et ouvriers du dit mestier à ce jourd'huy, auquel jour se sont comparus par devant nous, maistre Jehan Grapin maistre conducteur de la fabricque et esglize du dit Gisors, Geoffray LE Tellier, Jehan le Cousteur, Nicollas Laisné, Franziz le Gros, Adrien de MoNTHEROUT, Nicollas Fourault, Jehan Grapin le jeune, Pierre du Boys, Jehan Guy'art, Jehan Bulot, Mahiet le Brun, Jehan Vengeon, Quentin de Montheroult, Lois Vengeon, tous massons operans en ceste ville et chastellenye, sy se fussent comparus par devant nous : Jehan Laisné dit Gobin et Robert Laisné son filz, Jehan le Mercyer dit Naudin, Jehan Brument, Jehan PoucHET, Jehan le Mercyer le jeune, tous charpentiers, operans en ceste ville et chastellenye, lesquelz à l'instance de procureur du Roy, nous ont remonstré et exhibé les articles, sur lesquelz ilz ont requis leur estre acordé et délivré reiglement et ordonnance sur les dictz estatz de mestiers de massons et charpentiers, pour esviter aux faultes et abbus qui se commettent aus dictz mestiers, à laquelle fin ilz nous ont requis veoir les dictz articles et leur estre délivré ordonnance en forme, pour suyvant icelle exercer les dictz mestiers pour l'advenyr. Sçavoir faisons, que ce jourd'huy, cinquiesme jour de janvier mil cinq centz soixante et dix neuf, après avoir veu et décliné en la présence des officiers du Roy, des eschevins de la dite ville et aultres notables personnes les ditz articles et iceulx corigez, en ce qui faisoyt à coriger pour l'interest du

— i56 — bien publicq, par leurs advis et oppinion et du consentement de tous les dessus ditz exerçantz à présent le dit estât de masson et charpentier, ausquelz avons fait lecture des dictz articles ainsy corigez, aurions dit, ordonné et décrété sur le fait et pollice les articles qui ensuyvent.

Premièrement, nul, tant de la ville que forain, ne poura ouvrer ne besongner de massonnerie et charpenterie en la ville et faulx bourgs, que au préalable il soyt attesté suffisant bon ouvrier du dit mestier par les deux jurez et gardes, de laquelle attestation il prendra lettre de maistrisse, et paiera à chacun des dictz jurez dix solz tournois d'entré ; et pour entretenir la confrarye monsieur saint Clair, qui est ordonnée pour les ditz mestiers, il paiera par chacun an dix solz tournois, et aux deux jurez pour aider à relever leurs commissions ung solz parisis.

Et pour le regard des ditz massons et charpentiers cy dessus nonmez, qui ont de longtemps besongné du dit mestier, ne seront pas tenus faire le serment de maistrisse, mais paieront pour l'advenyr, par chacun an, dix solz tournois pour l'entretenement du service divin de la confrarye de monsieur saint Clair ; lesquelz deniers seront reçeuz par le procureur de la dite confrarye, ainsy qu'il ont fait par cy devant.

Item, huit Jours après que ung des maistresqui aura receu ung aprentis, il sera tenu le présenter en justice présence des ditz jurez, pour faire le serment de son aprentisage et paier une livre de sire pour la dite confrarye, et deux solz parisis pour les ditz jurez ; et ne poura Taprentis servir à moindre temps que de trois ans.

Item, ne pouront les massons faire aulcuns fourgs, ny fournaises, ny planter aulcunes chemynez en la dite ville et faulx bourgs, que les gardes et jurez du dit mestier n'y soient appeliez pour iceulx veoir et visiter, à cause des inconvcniens qui en peuvent advenyr, pour laquelle Visitation auront pour leur vacat. deux solz parisis.

Item, les gardes et jurez du dit mestier, seront tenus aller veoir et visiter les bastimentz et ouvrages qui seront faitz, tant en la dite ville que faulx bourgs, tant de charpenterie que massonnerie, et sy trouvent quelques abbus et faultes commises par les ditz ouvriers, ilz le déclareront en Justice, dont, pour leur vacation, auront chacun cinq solz parisis, et sera ordonné de l'amende arbitrallemcni par justice.

Nul du dit mestier, ne poura faire aulcune visitation des ouvrages faitz en la dite ville et chastellenye, s'il n'est juré et garde du dit mestier en la dite

année, lesquelz toutesfois, peuvent appeller, sy besoing est, les aultres maistres du dit mestier, si comme en Visitation de partages et affaires de conséquences.

Ne pouront les menuisiers, ny aultres, s'entremetrent besongner de charpenterye, s''ilz ne sont maistres du dit mestier de charpentier, sur peyne de vingt solz parisis d'amende aplicable moitié aux jurez et Tautre moitié à la dite confrarye.

Lesquelles ordonnances ont esté faitz et arestez du consentement des dessus ditz, sauf à augmenter ou diminuer par cy après, sy faire ce doyt ; lesquelz dessus ditz ont juré et affermé par serment solempnel, de garder et

faire garder les dictes ordonnances, sans aulcune connivence ; à quoy les

avons condampnez et condampnons sur les peynes au cas appartenant.

Est deffendu à tous les ditz maistres, de travailler le jour saint Clair, qui est le jour de la confrarie, ensemble la vigile après disner avons conmandé d'assister au service divyn, sur peyne de deux escus d'amende aplicables assçavoyr : moitié à la dite confrarye et l'autre moitié aux maistres. Sy donnons en mandement au premier sergent ou soussergent du dit bailliage et aux maistres et gardes des ditz mestier, mettre ces présentes à exécution.

Donné comme dessus.

Berthault (avec paraphe). De la Boissière avec paraphe^.

^ifr(Ç)(Jii/''fÇ**'é'**'5'*'t'i''P'^'*'