LA CONFESSION DE MA DAME GENTILLESSE

IVion clerc, vostre excusacion Ne vault pas satisfacion,

Ne certes il ne souffist mie A la grande chevalerie

De chrestienté excuser. 2605

Qui vouldroit encontre opposer Et qui se vouldroit appliquier, Moult trouveroit a repliqueir.

Mais vous m'avez dit une chose Qui moult me plaist, que dire n'ose ^«lo

Pour la doubte de mesdisans, Qui voulentiers me sont nuisans Aussi que ne soie excusée.

Dame, toute vostre pensée

En confession pouez dire, 261 j

Car je suis prestre, par saint Gire, Et pour ce irregulier seroie S'aucunement le reveloye.

Mon clerc, donc, en confession Vous diray mon entencion, 2620

En disant benedicite Affin qu'il ne soit recité.

Saichés certainement de vray.

J'aime pieça Charles le roy, [v°] Qui de présent est roy de France, 262)

Et, se ne feust la grant fiance Que j'ay qu'il soit bon chevalier, Vous m'eussiés veu pieça vuidier Ce pais et ceste contrée ;

Mais sa personne tant m'agrée ^^'°

Qu'encores en France demourray,

Ne point ne m'en departiray,

Mais que son estât maine tieulx

Comme a fait, et de mieulx en mieulx

Continue sa hardiesse. ^^'5

Car humbles est en grant noblesse,

Ce me semble, et bien amiable

Vers toutes gens et convenable.

Et si est très beau chevalier,

Fort et hardi, prest et legier. ^'^-'^

Pour ce, de tous les maulx que porte

L'amour de lui me recomforte.

Et, toutesfoiz qu'il m'en souvient,

Une grant joie au cuer me vient.

Qui en chace toute tristece ^^'♦J

Et m'y refait venir liesse

Pour l'amour de lui seulement.

Ainsi, mon clerc, secrètement

Ma complainte vous ay comptée

Et le secré de ma pensée : ^^^^

Mais c'est tout en confession.

iMadame, c'est l'entencion.

Gentilz clerc, adieu : je m'en vois.

En esbatant, par my ce bois.

LES CONDICIONS QUI SONT REQUISES A L ENFANT D UN SEIGNEUR A ESTRE DROIT GENTILZ

je respons : Dame, je vous pri ^ôjj

A jointes mains et vous depri Que j'aie l'absolucion Encore d'une question. Elle respont : Et je l'ottroy ; [f° 66] Maiz, je te prie, délivre toy. 2660

VolentierS, dame Gentilesse.

Puis qu'estes sur toutes maistresse De bien savoir et bien cognoistre Lesquieulz gentilz homs doivent estre ^ Et lesquieulx non, je vous supplie ^66$

Que me faciez tel courtoisie Que vous m'enseigniez proprement Qu'il faut, ançois que droittement Le filz d'un seigneur soitgentilz.

Elle respont : Soies ententis 2670

A mes dis ; je le t'aprendray Présentement. Vez ci de quoy.

Tout nobles homs de bel affaire, Qui son filz droit gentilz veult faire,

Premièrement, dés que il est né, 2675

Doit prestement estre assené D'une preudefemme nourrice, Honneste, qui ne soit pas nice :

Que l'enfant, ce dit l'Escripture, Aucunement sent la nature 2680

Dont il est nourry en jonnesse.

Ce seroit doncques grant simplece Au seigneur de son filz baillier A la garce d'un pontonnier,

Qui seroit une telle quelle ; 2685

Mais se sa mère naturelle Le pouoit nourrir bonnement, Mieulx vauldroit le nourrissement Que de nulle autre créature,

Maiz point leur estât ne l'endure. 2690

L'on sceit communément retraive Que du lait de sa propre mère Fu nourry le preux Godeffroy.

Encore plus fort vous diray :

Une foiz une estrange femme 269$

Il alaitta, mais, quant sa dame Le sceut, par les piez le fist pendre Et lui refist vomir et rendre ; El ne voulsist pour nulle rien

Qu'autre lait tetast que le sien. 2700

[v°] Quant l'enfant sera eslevé,

Soit osté d'illeuc et levé,

Et soit baillié a un bon maistre

Qui lui apprendra bien son estre ;

Et a Paris le mènera, ^7°$

Et très bien le dottrinera

Tant, de vespre que de matin.

Que bien saura parler latin.

Et aussi fault qu'il s'estudie

En ars et en philosophie, 2"'°

Par especial en logique,

Qui en joutes choses s'aplique.

Tant qu'il puisse avoir par science

Toutes bonnes meurs et prudence.

Il n'est ne florins ne deniers ^7' J

Qui tant vallent a chevaliers

Corn bien entendre l'escripture

Et parler latin par mesure.

Nulle chose a filz de grant maistre

N'avient si bien com saiges estres, '72°

Car raison s'acorde et le saige

Que savoir doit croistre avec aage.

Pour ce les seigneurs anciens

Apprenoient sur toute riens

Les ars liberaulx en jonnesse, • ^72$

Maintenant nul ne s'i adresse :

Com Alixandre et Charlemaingne,

Lesquels mistrent moult grande peinne

A clergie et science avoir.

Pour cognoistre le faulx du voir. *7îo

Et furent moult très bien apris De deux philosophes de pris Qui leurs docteurs et ruaistres erent.

Diligemment les enseignèrent :

Aristotes fu du greiois ^755

Et Alecuyn du françois. * Car tout clerc est plus cher tenu Que s'il estoit de sens tout nu, Et en tient chacun greingneur compte, Soit filx de roi, de duc ou conte. " ^7'*°

Car Dieux fist toute brute beste [f° 67] Porter envers terre sa teste, Et toute humaine créature Lieve envers le ciel sa figure. ** Pourquoy nous monstre et signiffie ^745

Qu'a touz feust bon savoir clergie.

* Nota quod Aristoteles, philosophorum princeps, fuit magister régis Alexandri in doctrina et Alcuynus Karoli magni ; et tam Alexander quam Karolus fuerunt litterati, quod est contra modernos principes qui scientiam atque doctrinam villipendunt.

** Pronaque conspectant animalia cetera terrain : Os honiini sublime dédit celumque videre Jiibet, «t erectos ad sydera tollere vultus.

Et qui n'en vueult savoir l'usaige

Il est comme une painte ymaige.

Pour ce, doit chacun noble entendre

A science avoir et apprendre. 27 jo

Car c'est trop grande villennie

Quant, par defFaulte de clergie.

Un chevalier est en dangier

D'un clerc qui est son escergier,

S'on lui apporte lettres closes, vsi

Et il ait pour aucunes choses

Qui lui touchent ses grans affaires

Envoyé hors ses secrétaires,

Que tieulx lettres ne saura lire ;

Ne si ne resaura escripre 2760

La responce des jolietes

Lettres qui parlent d'amourettes,

Que lui a envoie sa mie

Secrètement pour gelousie ;

Et si fault neccessairement 2-^6^

Qu'il rescripve hastivement,

Afin que cil qui les apporte

La response avant soy remporte.

Pour ce fault il corn face apprendre

L'enfant du seigneur et reprendre, 2770

Quant jonnes est et chastiable

Et des maistres disciplinable ;

Qu'enfant qui n'est repris sans faille

N'aprendra ja chose qui vaille.

Et si fault neccessairement 277$

Que de tout son cueur vraiement Il aimme Dieu sur toute riens :

C'est le premier de tous les biens Qu'il doit avoir, et le deuziesme Qu'il ame son prouchain comme soy mesme. 2780 Et si vueil que pour riens ne laisse [v°] Que tous les jours 'il n'oye messe, Pour tant qu'il la puist recouvrer, Ains qu'autre chose voit ouvrer.

Et ses heures tous les jours die 278J

Delà doulce virge Marie.

Et puis assez tost a la court Le fauldroit mettre et tenir court.

Pour qu'il ne s'abandonne aux vices.

Aux mauvaistiés et aux malices, 279°

Et lui baillier un escuier Honnourable ou un chevalier, S'il est si riche et de tel ligne Qu'a son estât bien appartieigne ; . Et que ce soit bon gouverneur, 2795

Qui bien lui saiche apprendre honneur Et com il se doit maintenir Entre les gens et contenir.

Tant qu'il saiche le mieulx de France En tout estaz sa contenance. 2800

Si en sera plus bel tenu Et en tous lieux le bien venu.

Il n'est beaulté que contenance, Ne richesse que souffisance.

O ses greingneurs soit humblement, 2805

Entre esgaulx familiairement.

Entre ses mendres amiable.

Et entre dames honnourable.

Et qu'il honnoure toute femme Soit damoiselle, ancille ou dame, ^sro

En l'onneur et la remembrance.

Révérence et obéissance De la doulce virge Marie Qui porta le doulx fruit de vie.

Et qu'a nulle femme n'atouche ^8' J

Oultre son gré, et qu'en sa bouche N'ait nulle villaine parole En nul lieu, soit table ou carole ; Ne die d'autrui villennie,

Pour quelque chose que l'on die, ^Sjo

Et tousjours prest de plaisir faire Soit aux dames de bon affaire.

Et si vueil qu'il soit tant espris De l'amour des dames de pris [f" 68] Que point ne dorme ne soumeille ; ^^^j

Par nuit et par jour tousjours veille Pour l'amour de sa dame chiere.

Qui en son cueur sera matière

De lui donner hardi courage,

Car l'on dit, en commun langaige, ^^^°

Oncques sans amours hardiesse

Ne fu, ne déduit sanz liesse.

Puis fault qu'ait toute sa pensée

Tous] ours a faire ce qu'agrée

A la mère de Jhesucrist, ^^n

Affin qu'elle ait en son escript,

Com ot le chevalier Mercure,

Qui mist en lui toute sa cure ;

Et, quant fut mort et enterré

Et dessoubz la pierre enserré, ' '^^°

Un grant seigneur voult essillier

De la belle Dame un moustier :

Lors Mercure resuscita

De la fosse, ou il habita,

Le vaillant hardi homme d'armes, , '^4{

Et tantost s'arma de ses armes

Qui sur sa tombe estoient paintes

Et engravees et empraintes :

Expressément sanz nul remède.

Ce malfaicteur tua tout roide, *^5°

Ainsi fut vangee nostre Dame

De ce mal foui plain de diffame

Par Mercure, son chevalier,

Qu'elle ama tant et teni chier.

Ainsi la belle servira 2?5j

Et, en la servent s'en yra, Si tost com se pourra armer, En ces voyages d'oultremer Et de Pruce et de Barbarie.

Et pour Dieu ne s'espairgne mie, 2860

Mais a la mort nostre Seigneur Vengier mette peine greingneur Qu'il pourra, selon sa puissance.

Et qu'il soit en la gouvernance D'un expert et bon chevalier 2865

Pour besoingnier et adrecier, [v°J Qui bien saiche le tour des guerres De pluseurs pars d'estranges terres ; Et que nulle chose ne face,

Comment qu'il soit en nulle place, 2870

Se n'est par la bonne ordonnance D'il qui l'aira en gouvernance, Qui enseignier le doit et duire De tout com il se doit déduire.

Et chevalier la fait sera, 2S7J

Et quant esté par tout ara Et mainte peine aura soufferte, Et sa char sera bien déserte De fain, de froit et de mesaise, Adonc ne lui chauldra d'estre aise. 28S0

Lors se verra bon chevalier,

Et se fera partout prisier, En son pais retournera, Et ses parens visitera ;

Et les dames et damoiselles aSSj

De son pais et les pucelles Diront : c'est monsieur cellui, N'est nul qui se compare a lui En bonté, n'en sens, n'en vaillance En tout le royaulme de France. 2S90

La dame est de bonne heure née Qui pourra de lui estre amee.

Pluseurs prieront qui leur die L'estat du pais de Surye,

Et la manière de la guerre 2^s

Du pais de la Saintte Terre.

Lors fault qu'en plusieurs lieux le compte, Mais garde bien qu'il ne raconte Fors que la pure vérité ;

Car ce qui sera recité • 2900

Par lui sera de ville en ville Porté, si tost com tourne bille.

Pourquoy seroit grant villennie S'il estoit prins en menterie.

N'est diffame que de menteur, 290J

Ne traison que de flateur.

Mentir est propre office au deable, [f" 6^1 C'est donc office difFamable.

Mentir est chose tant villaine

Que mieulx vauldroit souffrir grant peinne 2910

A tout homme que de mentir,

Ou grant torment ou grant martir,

Car, selon la saincte Escripture,

C'est contre le bien de nature.

Et si est a Dieu tant contraire 29'5

Que, non obstant que tout puet faire,

Nullement mentir ne pourroit :

S'il mentoit, plus Dieu ne seroit ;

Car, par essence, est vérité

Qui est contraire a faulseté, 2920

Dont s'enssuit, puis que menterie

Est de faulseté toute ourdie,

S'il mentoit, qu'il seroit inique :

C'est hérésie toute publique.

Sainct Augustin, dedans son livre, 292$

Huit paire de mentir nous livre,

Desquelx nul n'en y a licite ; *

Toute mençonge est iUicite.

Pourquoy gart qu'en chose qu'il compte

Ne mente, car c'est trop grant honte, *93<'

Grant deshonneur et grant diffame

A tout homs, filz de preude femme.

* Beatus Augustinus in libro de mendacio ponit octo gênera mendacii illicita, itaque nunquam est licitum mentiri quocunique, licet in aliquo casu licitura sit tacere veritatem.

Après, fault de neccessité Qu'il ait tousjours humilité,

Car, se orgueil en lui se boutoit, 29^5

Toutes ses bontés destruiroit.

Encore ara plufFort a faire A garder soy de vaine gloire. Qui est d'orgueil pechié la teste, Quant il saura com fera feste 2940

De lui par toute la contrée Et de sa bonne renommée.

Puis fauldra qu'il ait pacience Et qu'a nuUy ne face offense, . Ne que de rien ne se courrouce, 294$

Maiz tousjours ait parole doulce :

Pacience qui bien endure Vaint tout, ce nous dit l'Escripture.

[v°] Puis gart qu'il ne soit entechié

D'envie, qui est mortel pechié : 2950

Se de ses compaings ot bien dire.

Garde que leur bon los n'empire Mais l'acroisse a tout son pouoir.

Et ait grant joie de tous louer.

Après, se gart que convoitise 29$ $

En son gentils cueur ne maistrise :

Sa noblesse seroit gastee Si tost qu'elle y seroit entrée, Et sa bonté seroit perdue ;

Plus fol seroit que beste mue. 2960

Paresce hay et négligence,

Et aimme toute diligence,

Et n'ait cure de glotonnie

Qui est plaine de villennie.

Mais, du tout, je vueil qu'il s'apresce *9^J

De courtoisie et de largesce,

Que chascun noble chevalier

Les doit amer et tenir chier.

Puis fault qu'ait o soy preudommie Pour le garder de ribaudie ^970

Et lu'xure qui est sa dame, Qui maint homme a destruit, par m'ame, Par son venin qu'elle scet traire, Qui, au premier, trop souef flaire, Maiz, en la fin, il cuist et mort '975

Et l'omme en emfer rent tout mort.

Les euvres de miséricorde Acomplisse toutes par ordre :

Pitié de tout povre homme ara Quant desconseillié le verra ; ^980

L'aumosne destaint le pechié Comme l'eaue le feu atisié. * Ainsi évitera les vices.

* Sicut aqua extinguit ignem, ita helemosina extinguit peccatum, secundum beatum Gregorium.

Les mauvaistiés et les malices.

Si sera le plus gentilhomme ^985

Qui soit de ci jusqiles a Romme ; Nul plus gentil en nulle terre Ne pourroit l'en trouver ne querre.

Et quant tu verras uns homs tieulx, Saiche bien il est droit gentieulx ; *?90

[f° 70] Soitpovre chevalier, ou riche,

Nul plus gentil, n'en champ, n'en liche,

Ne pourroit nul homme trouver.

Tant sceust tracer ne rouver.

Et a tieulx homs la gouvernance 2;9j

Doit on bailiier des filx de France,

Qui sont plains de bonne prudence,

Et aux clercs de grande science.

Car il ne puet que bien ne règne

Le roy, se du tout se gouverne ' 3°°°

Par expers chevaliers gentilx

Et clercs en science soubtilx ;

Et le roy, si ne veult mesprendre.

Doit a eulx de tout conseil prendre.

Or pouez vous, par mes diz, voir 5°°5

Maintenant, cognoistre et savoir Lesquelz sont gentilx droictement, Et lesquelz le sont faintement.

Cy est la question finee, Ou j'ay fait longue demouree.

A Dieu, clerc, je vois a la dance,

En la noble maison de France.

Et je respons : A Dieu, ma dame.

Qui vous ait au corps et a l'ame,

Que bien m'avez déterminées 301;

Les deux questions proposées.

Ainsi la dame belle et cointe

S'en va, bâtant la haulte pointe ;

Et je suis tout seul demouré

Dedans le riche champ doré, 3020

Ou me sont exposez les armes

Du bon chevalier homme d'armes,

Que saint Liennart par sa pitié

Garda d'estre vif escorchié.

Et si avez le contredit 5°*$

De Montson et de son faulx dit ;

Et pour ce que je suis enclos

En ceste manière de clos,

Jehan de Montson trop poy je double, Car, s'il me huice ne me boute, î°Jo

Il ara tel cop de l'escu Du bout devant qui est agu, [v°J Ou l'arbre l'agraventera,

Ou l'un des marteaulx le ferra.

Qui sont trop plus fors que de fer, i°ii

Tant qu'il l'envoiera en enfer.

Si prierons dévotement

Celui qui fist le firmament

Qu'il gart, par sa saincte puissance,

Le champ d'or de maie souffrance, '°4o

Les marteaulx de maie achaison

Gart et l'arbre de traison.

Et a Montson entencion

Doint et vraye devocion

De son erreur tost rappeller, î04j

Qui par tout le fait aviller.

Et la doulce virge Marie

Nous gart touz d'orgueil et d'envie.

Ici se deffine mon songe.

Et si m'esveille et plus ne songe. ?«>$<»

Cy explicit et se deffine

Le champ d'or a la couleur fine. îoj^

Explicit le livre du champ d'or Et des trois nobles marteaulx, Que maistre Jehan Le Petit Fist, l'an mil ccc iiij'='' et ix,

Barboti.

le livre du miracle de basqjueville (vers 1390)