MO
desquelz l'un fist le livre de la Majesté et le livre des Jugemens. Item, en l'Ancien Testament, xij prophètes principaulx. Item xij apostres ou Nouvel Testament. Item xij pierres de quoy Helias Thesbiten, le sainct prophète, refist l'autel de Dieu que les faulx prophètes Baal avoient destruit, lesquieulx prophètes Helias fist destruire et furent destruiz tous en un jour un" et l, comme il appert ou livre des Rois, ou xx« chapitre. Item xij pers en France qui moult vittorieusement se combatirent pour la foy catholique. Item xij livres qui sont leuz en methaphisique. Item xij degrez de vertuz que sainct Thomas l'appostre bailla et enseigna a ceulz d'Inde, quant il les converti. Item xij pierres que les filz d'Israël, par le commandement de Josué, portèrent hors du fleuve Jordain, quant il le passèrent a pié sec, et les mistrent en un lieu en mémoire de ce, comme il est escript en la Bible, ou livre de Josué, ou xx« chapitre. Item xij bons venredis en l'an. Item xij jours de Noël. Item xij mois en l'an. Item xij jours des quatre temps jeunables, a chacune fois trois. Item xij signes ou zodyaque, soubz lequel tournent les sept planètes. Item xij cieulx : premièrement le ciel empiree qui a aussi comme couleur de feu ; après, le ciel cristalin qui a aussi comme couleur de cristal ; après, le ciel x^ qui s'apelle inmouvable ; après, le ix^ espéré, a acompter de bas en hault, que les clercs appelent primerain mobile, ou il n*'a nulles estoiles, ce dient aucuns, et les autres dient qu'il en y a deux, c'est assavoir polus articus et polus antarticus, lequel polus articus est appelé des mariniers de Normandie l'estoile du Nort, et si
est appellee des Espaigneux la Transmontaine. Item xij sièges ou seront les xij appostres jugeans les xij lignées d'Israël. Item xij vers ou magnificat, que la benoiste virge Marie fist quant elle ala veoir sainte Helizabeth sa cousine en la montaigne, et sainct Jehan Baptiste se mistagenoulx, ou ventre de sa mère, contre nostre seigneur qui estoit ou ventre de la virge Marie. Item xij salutacions en la vision fleurie desquelles la mère Dieu fu saluée des xij appostres. Item xij tables ou estoient les anciennes lois des Rommains. Item xij livres de [v»] code que fist faire l'empeour Justiniam. Item xij principaulx sénateurs a Romme. Item xij chapitres en deux epistres que sainct Paul envoia, l'une ad Galathas, et l'autre aux Ephesiens. Item xij douzaines de milliers de serviteurs signez ou fi-ont du signe de Dieu, comme il appert ou septiesme chapitre de l'apocalipse. Item xij estoiles en la couronne de la femme de quoy sainct Jehan l'euvangeliste parle en son appocalipse, ou douziesme chapitre. Item ou gentilz clox de Caux, xij sainctes abbayes royaulx. Item xij saincts priourez conventuaulx. Item xij doubles bannières de l'ancienne loy, et quatre contes et ung roy, desquieulx bannières monsieur de Basqueville estoit l'un, duquel seigneur de Basqueville ce livre parle et du miracle que Dieu et saint Leonart lui firent, quant ilz l'apportèrent tout ferré avecques le seigneur de Buyville de Sarrazinesine dedans les boys de Basqueville. Je pourroye moult trouver de douzaines en l'Escripture, maiz il me souffist de ces xxxij en l'onneur de Jhesucrist, qui avoit xxxij ans quant il mourut en l'arbre de la croix, pour nous racheter des peines d'enfer, et pour nous donner le royaulme de paradis.
CY COMMENCE LE LIVRE DU MIRACLE DE BASaUEVILLE
I our le plaisir ma dame faire Et son commandement parfaire De tout, je me vueil appointier D'escripre le livre et pourtraire Et le miracle au long retraire Qu'elle me commanda l'autr'ier, Quant la trouvay sur son destrier Ou champ d'or, en très grant acier.
Comme dame de noble affaire.
Et s'il y a que retraicier, Pour Dieu ! que me vueillés traicier Gracieusement, sans detraire.
Pourquoy je requier la haultaine Puissance de Dieu souveraine Que m'aide a faire l'escripture.
Et si bien me conduye et maine Que sa parole, s'el n'est saine, Puisse dire par mesprenture.
Si depri toute créature Que cy vueille mettre sa cure [f° 72] A corrigier, se rens y traine :
Que Dieu l'eve, qui tout mal cure, Dont la fontaine tousjours dure.
Lui dointlassus en son demaine. *
Un beau miracle vous diray ^s
Que briefment vous racompteray,
Afin qu'ennuyeux trop ne soie,
Piteux, sans ficcion et vray.
S'en doubtez, prouver le pourray
Par ceulx qui sont de la valee i°
De Beaunay et de la contrée,
Et par toute ame cjui est née
En tout le pais, sans delay.
Et par la chappelle lionnouree,
Qui ou chastel en fut fondée, 5J
De sainct Leonart en bonne foy.
Le miracle, donc mencion
Vous fois selon m'cntencion,
Advint au noble chevalier
Martel, qui, par devocion, 4»
Aîa comme bon champion
Combatre soy, pour redrecier
Chrestienté et trebuschier
Les Sarrasins et detrenchier,
• Dab» vobis de fonte aque vite gratis, {Appoc, xxj').
Et faire exaltacion 45
Du nom de Dieu, qu'il ot tant chier, Et pour nostre foy exaulcier Et Turs mettre a confusion.
Le chevalier, dont vous vueil dire,
Estoit de Basqueville sire, 50
Qui, pour faire son sauvement
Et pour eschivier et poursuire
Le feu d'emfer, qui tout déchire.
Et pour plus servir proprement
A Jhesuchrist, que tendrement u
Amoit et si très ardamment
Que nul ne le vous sauroit dire,
S'ala combatre hardiement
Aux Sarrazins et vistement
De son espee les ocire. 60
Les Sarrasins, que Dieux mauldie Et la doulce virge Marie, Assaillent nos gens sans demeure [v°] Par grant orgueil et grant envie.
Le bon Martel ne leur fault mie, 6j
Mais, comme un lion, leur court seure :' De sa lance tant fort labeure.
N'y a homme qui plus fort queure Encontre la gent enragie.
Le doulx Jhesucrist le sequeurre, 7°
Et de Dieu soit beneiste l'eure Que tel chevalier vint a vie !
Adonc veissiez chrestienté
Encontre Sarrasineté
Combatre et rompre mainte lance, 7;
Et maint homme moult tormenté
Dessus son cheval desmonté,
Et crier les heraulx de France.
Dieu doint, par sa saincte puissance,
Honneur, victoire et espérance 8o
A l'escu d'or ou sont planté
Les trois marteaulx de grant vaillance.
Qui ainsi parmi Turs se lance
Et tant en a agraventé !
La sont nos gens en telle guerre *J
Ou la gent païenne les serre.
Et n'ont de nulle part secours.
Mais Sarrazins par si grant erre
Y sourviennent de toute terre
Et viennent plus tost que le cours, 9°
Et nos gens n'ont de nul secours.
Ces faulx paiens en cel estours
Lui destraingnent de si grant serre
Qu'il leur ont donné tant de tours
Et si fort hurté a ce cours 95
Qu"'agraventez les ont a terre.
Et quant Martel voit sa bannière
Et sa gent, qui tant lui est chiere,
Abatue et que redrechier
Ne la puet en nulle manière, '°°
Et que la gent, qui tant est fiere,
Que Dieu voulu excommichier,
Sont tous prés de les detranchier,
Et qu'il ne se puet revanchier
Ne par force ne par prière, '°î
Lors s'escrie le chevalier :
A vous me rens sans detrier
Et la compaignie toute entière !
Lors désarmèrent sans targier
Martel et firent despouillier "°
[f° 73] La cote riche et bien dorée
Ou ly trois marteau noble et chier Avoit jadis fait attachier.
Et aussi la gent forsenee, '|5
Mauldite et exconmeniee.
Désarmèrent le chevaUer
Vestu de la noble livrée
Que Martel lui avait donnée
Pour lui servir et compaingnier, '^°
Ainsi les faulx chiens despoillerent
Les chevaliers et désarmèrent.
Et mistrent en la chartre obscure ;
En une fosse les formèrent,
Et si treffort les enserrèrent '*î
Piez et mains de mainte ferreure,
Et leur baillèrent tel pasteure
Que nulle vivant créature
Ne vivroit de ce qu'ilz mangèrent ;
Et puis coulievres sans mesure, '3o
Orveis, crapous et toute ordure
En la prison avec eulx yerent.
A glaive de fain la mouroient
Et de froit, car dedans estoient
En l'eaue jusqu'à la ceinture. 'M
Chacun jour a Dieu se rendoient,
Et saint Liennart reclamoient ;
En Dieu mettoient toute leur cure
Et, se non la vraye lecture,
Dieux qui garist les siens et cure '4o
Et saint Liennart les soubstenoient,
Car tant souffrirent de l'ardure
De peine, misère et froidure
Que tous deffigurez estoient.
Quant eurent tant eu de souffrance, '45
De povreté, de mescheance,
Le Soubdant voulu, sans targier, Qu'ilz venissent en sa présence Dieu renoier et leur créance.
A ses gens dist : Sans detrier, 150
Admenez moy ce chevalier Et son compaings, qu'il tient si chier. Admenez sont sans demourance.
[v°] Lors le Soubdan, sans delaier,
Dist : Martel, vueillés renoier 'n
Vostre Jhesus et sa puissance,
Et laissiez du tout vostre foy,
Et adourez Mahon, de cuervray,
Et Dyane la souveraine.
De l'avoir assez vous donray, '^°
Et très bien vous marieray
A une noble chastellaine,
Extraitte de roy et de royne,
Et serez hors de ceste peine.
Et saichés que je vous vaudray "^s
Soubz moy puissance grande et plaine,
Et de la richesse mondaine
Et tel estât comment a moy.
Martel lui respont, comme saige :
Ja ne passeray ce passage '7°
Que laisse Dieu le roy de gloire,
ïS5
Qui fist Adam a son ymaige,
Qui se gasta par son oultrage
Quant morst la pomme plus que coire
Amere. Le Soubdant a braire «75
Commence, et hors de son mémoire
Semble qu'il ysse et qu'il enrage,
Et dist : Doncques dy moi l'istoire
De vostre foy et tout l'affaire
Selon vostre commun langage. i8o
Martel lui respont sagement :
Sire, a vostre commandement,
Très volentiers je vous diray
De nostre foy le fondement.
Que je doy croire fermement «85
Et tout chrestiam de cuer vray.
Les xij articles de la foy,
Se Dieux plaist, je vous monstreray,
Mais qu'aie vostre asseurement.
Le Soubdant respont sans delay : '90
Je te doins congié, par ma loy,
De dire tout, oultréement.
Martel, le vaillant chevalier, A genoulx se met pour prier [f° 74] Jhesus et la virge Marie 19S
Que bien le vueillent enseingnier
Comme ilz sceuvent qu'il a mestier,
Et dist : Glorieux fruit de vie,
Je vous requier et vous supplie
Que, par vostre grâce infinie, 200
Vostre foy vueillés exaulcier.
Si pri toute la compaingnie
De la sus que ceste nuytie
M'ait aux articles pronuncier.
Qu'en vérité je n'ouseroie ^°5
Parler en, se ne m'atendoie
A la divine sapience,
Qui aux desconseillés envoie
Conseil et les met en la voie
De vérité et de science. ^'°
Si lui pri que, par sa clémence.
Il me vueille envoier prudence
D'aler selon la droitte voie ;
Le chemin de vraye sentence
Me maint, sans flire nulle offense, ^'5
Tellement que point ne forvoie.
CY FAIT MARTEL LE BON CHEVALIER LA PRIERE A LA VIRGE MARIE AFIN qu'elle le VUEILLE ENSEIGNIER ET CONDUIRE.
Dame de ciel, dame de terre, Dame qui tout clost et enserre,
Sus et jus, sans division,
Car, qui Dieu veult tracer et querre, ^^o
Tu es le quadran et l'esquerre
De la divine vision.
En toy fut faicte l'union
Par quoy Dieu le père et li on
Furent appaisiez de leur guerre ; ^^5
Tu eus Dieu en ton giron,
Tu as tout en possession,
Nul sans toy ne puçt Dieu acquerre.
Dame qui oncques se sentis
Pechié ne ne le consentis, * ^'°
Virge, très précieuse gemme, [v°] Très glorieuse, très gentils,
Langue qui oncques ne mentis.
Belle et bonne de corps et d'ame,
Sur trestoute beneiste femme, *'J
Tu es a droit nommée dame.
Car chacun doit estre ententis
A toy louer a haulte game.
Fay que die vray, sans diffame,
Com bien enseigné aprentis. ^4»
* Quod iramunis fuit ab omni peccato actuali atque originali secundum venerabilem Anselmum, ia De conceptu virginali, et secundum Petrum Alfonsi.
Et pour ce, dame débonnaire.
Que je ne me vueil du tout taire
De toy louer, et si ne puis
Toutes tes louenges retraire, *
Te prie qu'il te vueille plaire 245
A prendre en gré ce que je puis.
Car je croy vrayement que, puis
Que mon cuer ne puet de ton puis
Sachier tout ce qu'il en vuelt traire.
Que les coppiaux et les chappuis 2jo
Prendras en gré, que j'en chapuis,
Car ce te plaist que l'on puet faire.
* Eam laudare sufEciet nullus quod altior celo, abisso profundior, ut dixit Joannes Mus in quodam sermone.
[Ici commence, en 1794 vers, l'exposition de la doctrine chrétienne selon les douze articles du symbole des apôtres, entremêlés de faits et de dissertations qui s'y rattachent plus ou moins directement.
Cette longue digresssion, qui pouvait, avec l'extrême complaisance du Soudan, fournir à Jean Petit l'occasion de mêler à son récit un utile enseignement religieux, est aujourd'hui d'une lecture difficile. Elle est d'ailleurs étrangère au but que se propose la Société rouennaise des Bibliophiles, la publication des poèmes historiques relatifs aux Martel de Bacqueville. J'ai cru, par suite, pouvoir supprimer ce long exposé dogmatique, et j'ai conservé seulement les titres, véritables sommaires de chacune des subdivisions, qui permettront suffisamment de suivre le développement de l'œuvre.
Chacun des douze articles est accompagné, dans le manuscrit, d'un dessin à la plume, finement exécuté, qui représente, sous une double arcature. ornpe avec autant d'élégance que de variété, un apôtre et un prophète. Près de chacun des personnages se déroule un phylactère, qu'il tient de la main, et sur lequel on lit un article du symbole, quand il s'agit d'un apôtre, un texte de son livre, quand il s'agit d'un prophète. Les sept premiers dessins sont seuls achevés ; les cinq suivants sont moins finis et moins modelés, et il y manque les textes qu'attendent les phylactères restés vides.]
CY PREUVE LE CHEVALIER LES XII ARTICLES DE LA FOY, PAR LE VIEIL TESTAMENT, PAR LE NOUVEL, PAR FIGURES, ET PAR AUCTORITÉS.
Vraie foy de nécessité,
Non tant seulement d'équité,
Nous fait ces xij articles croire, etc.
