VRAIE AMOUR DE DIEU ET DE SON PROUCHAIN
[fb ^^ yoj CY DIT COMME LES BONS CHEVALIERS MARTEL ET SON COMPAIGNON FURENT JUGIEZ A ESTRE TOUS VIFS ESCORCHIEZ.
Lors le félon Soubdant s'escrie 2047
Comment une beste enragie,
Et semble qu'il soit enragié,
Et dit : Harou! quel deablerie 2°$°
Avez oy ! quel moquerie
Il nous a toute jour preschié !
Par Mahom ! demain escorchié
Serez et par quartiers tranchié,
Car vous avez dit villennie 2°SJ
De nos Dieux ; tant avez pechié
Que demain serez depecié
Et parti en mainte partie.
Je juge et vueil que vous soies
Demain au matin escorchiez 2060
Tous vifs, pour avoir plus de peine.
Du cuir feray faire souliés,
Par Dyane ! que voulentiers
Pri comme la plus souveraine
Et sur toute déesse royne, ^°^i
Qui vous doint sanglante sepmaine,
Puis que vous estes si entiers,
Que pour meschance ne pour peine
Com vous face faire ne gehaine
Ne pour torment ne pour meschiés. 2070
Vous ne voulez laissier acroire
Le crucifis, c'est chose voire,
Que vous adourez com s'il feust dieux,
Qui jadis ou lieu de calvaire
Fut mis en croix a grant misère 2075
Et crucifiez par les Gieux,
Et mourut comme lioms mortieulx ;
Et doncques, s'il eust esté tieulx
Et de tel puissance et affaire
Com vous dittes devant mes yeulx, 2080
Il eust tué tous les Ebrieux
Qui ainsi le vouloient detraire.
Par Mahom ! Bien le comparrez, Car demain le matin mourrez.
Vous n'y arez plus de durée. 2085
[fo 100] Enuyt serez très bien ferrez Et après regarder pourrez S'aide vous sera envoyée.
Gardez que bien emprisonnée Soit ceste gent, sans demouree, 2090
Toy, Goussalin et Gomerrés,
Et qui n'aient main qui liée
Ne soit et moult très bien serrée,
Piez et mains ensemble ferrez.
Adonc les tirans respondirent : 209J
Monseigneur, voulentiers ; et dirent :
Car fort seront enchaiennés,
Par nos dieux ! qui le monde firent.
Lors pleurent forment et souspirent ;
En la chartre sont remenés, 2100
Jugés a mort et condempnés.
Et puis les tirans forsenés -
En si forte prison les mirent,
Ensemble les ont enchaennés
Pour estre plus fort enhannés 2'°$
Et de sept le huis les encloirent.
Illecques si ferrez estoient
Que sept paire de fers avoient.
Par ma foy ! c'est trop plus qu'assez.
L'un a l'autre se dementoient ^no
Et du cueur tendrement plouroient,
Plus que ne dy cent foiz passez, "
Tant que de plourer sont lassez ;
Ils se tenoient pour passez,
Car tout affect mourir cudoyent. * " J
En plourant se sont appensez
Que tous biens sont recompensez Jadis a ceulx qui les faisoient.
Ainsi comment ilz gemissoient
Et ensemble se confessoient, 212°
Et a Jhesu, qui tousjours veille,
Du tout se commandoient en tout
Et dévotement deprioient,
Le compaings, qui point ne sommeille,
Dist : De sainct Liennart est la veille : *'2;
Prions que délivrer nous vueille.
Par lui tous prisonniers estoient
Délivrés, de mainte merveille ;
Deprions qu'en ceste sourveille
Ses mérites mestier nous aient. ^n»
[v°] Adonc le bon baron s'escrie :
Doulz Jhesucrist, doulz fruit de vie,
Vueillés nous envoler secours !
Glorieux sainct de saincte vie,
Sainct Liennart, en qui moult me fie, ^'H
Venez ça, plustost que le cours,
Car a nuUui n'avons recours
Fors qu'a vous, et pour ce je cours
A vostre puissance et maistrie.
En priant que soies recours ^'4°
De nous tant que de ces laz cours
Nous desliez ceste nuitie.
Et je voue a Dieu, de cueur vray,
Et a vous, a qui je m'octroy
Et doins de toute ma puissance, ^'45
Que s'il vous plaist de cest esmoy
Délivrer nous je fonderay
En mon manoir, sans demourance,
Une chappelle en remembrance
De vous et de vostre puissance, " '**
Si belle comme je pourray.
Et, ce disant, sans delaiance,
Leur courrouz et leur douliance
Les délaissèrent sans delay.
Et présentement s'en dormirent : *'îî
Espérance et foy tout ce firent.
Dieu, qui pourvoit les essilliez.
Et saint Liennart bien les oirent.
A eulx délivrer entendirent ;
Car le sainct, tout appareillés ^'^^
De délivrer les prisonniers
Et d'aidier aux descomseilliés,
Y vint et avec lui venirent
Les angres, prés et appointiez.
Et portèrent les chevaliers *'^5
Tous ferrez, que qu'il s'en dormirent,
En un boys fourc d'un quesne, es bois De Basqueville : a celle fois
Tous deux endormiz les posèrent, Trestous chantans sans nul effrois, 2170
Doulcenient et a haulte vois, Kt puis illecques les laissèrent Dormans, point ne les esveillerent ; [f° loi] Maiz tous ensemble s'en râlèrent
Lassus avec le Roy des rois. ^'7$
Et quant fut jour ilz s'esveillerent Les deux chevaliers, qui la yerent, Moult esbahis, si corn je croys.
Un vachier, qui vaches gardoit
Dedans les bois, les apparçoit : 2180
Grant paour ot ; si s'en voult fuire.
Pour ce que, quant les regardoit,
Si povres, si deffaiz les voit.
Il lui crient : Venez ça, biau sire,
Vous n'aiez mal, par saint Spire ! ^iSj
Vueillés nous enseingnier et dire
Certainnement comment qu'il soit.
Qui sont ces bois, sans contredire.
Le vachier respont : Par saint Gire ! • ^
Voulentiers et que bien le soit. 2'9°
Seigneurs, ne vous esbahissiez :
Vous estes es bois enbuchiez De Basqueville, sans doubtance.
Lors le seigneur s'est escriez :
Jhesucrist nous a exaulciez 2195
Et saint Liennart, par sa puissance.
Dictes, est le seigneur en France ?
Nennil, sire, par ma créance.
Il est oultre mer escorchiez.
Dont c'est grant douleur et meschance, 2200
Son service et son ordonnance
Ont fait pieça les chevaliers.
Le seigneur dist : Je vous en croy.
Je vous pri, alez sans delay
Au chastel baillier a la dame 2205
De l'annel de son propre doy
Geste moitié cy, de par moy.
Car Tautre moitié, par saint Jame !
Et sur le péril de mon ame,
Je lui baillay comme a ma femme aaio
En signe quant je la lessay.
Bailliez ly et dittes qu'a me
Vieigne visiter s'elle m'aimme.
Li vachier respont : Je l'ottroy.
[v°] Le vachier s'en vint a la porte 22 ij
Du chastel, qui nouvelles porte.
Et passe oultre sans demouree.
A genoulz se met et comforte La bonne dame et lui apporte Nouvelle qui bien lui agrée, 2^20
Et dist : Tenez ceste dorée
Moitié qui vous est envoyée
Par monseigneur qui la rapporte ;
Es bois est, c'est chose prouvée.
Et la dame l'a regardée ' ^^^5
Contre l'autre moitié qu'aporte.
Ces deux moitiés un annel furent !
Elle et sa gent grant joie en eurent.
Et montèrent hastivement
A cheval et si s'en coururent, ^*'°
Poingnant si fort comment ilz peurent,
Au bois tantost et vistement.
Et la dame amiablement,
En souspirant moult tendrement,
Et tous ceulx qui avec lui furent, ^*5J
Baise le seigneur doucement :
Si grant pitié que nullement
Avoient que parler ne peurent.
Mais en plourant s'entrebaisoient
Et nul mot dire ne pouoient. ^^^°
Après elle se print a dire :
Dieux soit loé que nos yeulx voient
Cil que tant désiré avoient,
De Basqueville le bon sire,
Pourquoy langue ne pourroit dire "^s
La joie que j'ay ne main escripre ;
Car ceulx de ce pais disoient
Pour vérité, sans contredire,
Qu'ocis vous avoient par martire
Les Sarrasins, qui vous tenoient. "'>°
Et aussi tous ceulz qui la yerent Et la dame si saluèrent Son compaings amoureusement, Et benignement TacoUerent
Et en la bouche le baisèrent, '^'5
[fo 102] Et lui elle moult doulcement.
Tout le clergié présentement, Revestus honnourablement.
Quérir les chevaliers allèrent,
Te Deum chantant haultement, ^^^°
Et louant Dieu dévotement Les deux chevaliers defFerrerent,
Et les menèrent au moustier :
La oyssiez noel crier
De tous ceulx qui yla estoient ; ^^^5
Et tous disoient, sans moquier :
On se doit bien en Dieu fier.
lUec pluseurs gens acouroient,
De toutes pars y arrivoient,
Ensemble a haulte voix chantoient, **7o
Pour les chevaliers esleessier.
Après pluseurs leur demandoyent
Comment tous ferrez ilz avoient Estes apportez, sans blessier.
O com grant exaltacion, 2275
O com joieuse vision,
Basqueville, vous avez eue.
Quant, sans nulle déception,
Pour vive demonstracion,
De vostre bon seigneur la veue 2280
Avez, dont joie vous est conceue
Par sa glorieuse venue
Et pour sa noble invencion.
Par tout, en maison et en rue.
Chantés et ne soies pas mue, ^^Sj
Pour l'amour du bon champion !
Joye mener et faste faire Devez trestous, c'est chose voire, Et jouer en cette journée
Concques miracle plus notoire, 2^90
Plus appert, ne plus belle histoire Ne pot veoir créature née.
De chose de nouvel formée.
Tant com le monde aura durée Tous jours maiz en sera mémoire. 239 c
Pour ce, la feste bien gardée De saint Liennart et festinee [voj Doit estre de tout vostre affaire.
O vous tous qui seigneurs serez
De Basqueville, mal ferez ajoo
Se du tout et sans ficcion
La feste vous ne festoies
Du sainct, tant comme vous arez
Le chastel et la mansion.
Car le sainct a dileccion ,250$
Singulière et afFeccion
A vous tous qui succéderez
Au chevalereux champion :
Pourquoy, selon m"'oppinion,
Ce saint sur tous vous amerez. 251°
Or vous ay compté la querelle
Et ristoire, qui est moult belle
Qui de bon cueur y penseroit.
Après fist faire la chappelle
Le bon seigneur, fresche et nouvelle, ^î'j
Ainsi comme voué l'avoit.
Tout homme veir la venoit
Qui ou clos de Caux demouroit.
Pour le miracle et la nouvelle,
Maint chevalier y acouroit, *?2o
Qui le saint de cueur reclamoit,
Et mainte dame et damoiselle.
Ainsi avez m'entencion Et ma rude narracion
Du beau miracle et de la peine ^î^î
Que soufFry le bon champion
Mahel, a qui remission
Dont la Trinité souveraine,
Et a nous touz, et puis nous maine
Avec lui boire en la fontaine * '5?°
Dont au premier fis mencion,
De celle eaue qui tant est saine,
Qui sourt lassus en ce demaine
Ou les sains ont leur mansion.
En celle saincte fontenelle, ^'??
Qui tant est fresche et tant est belle, Clere, si nette et si polie, Sourt vive eaue, fresche et nouvelle, [fo 103] Et si vous di que l'on l'appelle
Son droit nom fontaine de vie ^m»
Pour ce qu'aux mors redonne vie ;
Et si ne puet estreenordie,
Car elle a tel vertu en elle
Que de trestoute maladie
Elle purge l'ame et nettie ^'4J
Et preste la rent et isnelle.
Geste fontaine transitive Rent et donne celle aue vive
* Scilicet de fonte vite, de qua dicitur Apocal. xxi, Dabo vobis de fonte aque vite gratis.
Par trois dois, sans confusion,
Par manière si très soutive ^'^o
Que l'umaine ymaginative
Vertu ne contemplacion
Ne puet comprendre l'union
Des trois doiz en distincion.
Ains est ver que notre cheitive ^'55
Et fieble ymaginacion,
Le croye, par revelacion.
Sans avoir en démonstrative.
N'est pas com les autres fontaines,
Qui sourdent par estranges vaines : '5^"
Mais ceste sourt par mesmes elle,
Par trois doiz, qui tant sont haultaines
Et ensemble si très prouchaines.
Qui sont en celle fontenelle,
Que mesme chose éternelle. ''^5
Mais une très bonne nouvelle :
Car l'un de ces doys souveraines
Descendi en une cordielle
Pure, nette, fresche et nouvelle,
Qui oncques n'ot taches villaines j ^'7*
Descendi par humilité.
Non mie par neccessité, Pour pitié et compassion Qu'il ot de nostre humanité
Et de nostre fragilité, 257$
Qui aloit a destruccion Pour ce que perdu avion Le doulx voire et la vision De ceste saincte Trinité.
Mais tant fist en sa passion 2580
[vo] Qu'en ravon la possession, S'en nous ne tient en vérité.
De telle eaue, qui tant est tendre.
Nous doint cil qui se laissa pendre, .
Pour nous de la mort délivrer, 258$
Qui, pour le feu d'amour esprendre
En nos cueurs, se laissa estendre ,
En croiz et soy a mort livrer.
De s'amour nous vueille enyvrer,
Afin que puisson eschiver 2590
L'arsure d'enfer et la cendre, »
Et que nous puissons arriver
A la fontaine, sans priver.
Que cueur ne puet yci comprendre. 2594
Amen, alléluia.
Explicit le livre du miracle de Basqueville la D^artel, fait et dittié par maistre Jean le Petit, docteur en théologie. ■
la vie monsieur saint leonard (vers 1390)
