A I A N 0 T PARISIEN
Quand ieune ganon, i’allay voir ljt brisement de leur cadance,
Et Apollon le guidedance.
Pren le donc, lanot, tel qu’il est,
Il me plaira beaucoup s’il plaist A ta Muse greque-laline .
Compagne de la Rodatine :
Et soys fauteur de son renom,
De nostre amour, et de mon nom :
Afin que toy, moy, et mon liure, Plus d’vn siècle puissions reuiure.
PREMIÈRE F0LASTR1E.
Vne ieune pucelette,
Pucelette grasselelte, Qu’éperdument i’ayine mieux Que mon cœur, ny que mes yeux, A la moytié de ma vie Eperdument asseruie De son grasset enbonpoint :
Mais fâché ie ne suis point D’estre serf pour l’amour d’elle, Pour i’enbonpoint de la belle, Qu’éperdumenl i’ayme mieux Que mon cœur, ny que mes yeux.
Lasl vne autre pucelette, Pucelette maigrelette, Qu'ëperdument i’ayme mieux Que mon cœur, ny que mes yeux, Eperdument a rauye L’autre moytié de ma vie De son maigret enbonpoint,
Mais fâché ie ne suis point
LIVRET
D’estre serf pour l’amour d’elle.
Pour la maigreur de la belle, Qu’éperdumenl i’ayme mieux Que mon cœur, ny que mes yeux
Autant me plaist la grassette, Comme me plaist la maigrette Et l’une, à son tour, autant Que l’autre me rend contant.
le puisse mourir grassette, le puisse mourir maigrette,
Si ie ne vous ayme mieux Toutes deux, que mes deux yeux.
Ny qu’vne ieune pucelle N’ayme vn nyd de tourterelle,
Ou son petit chien mignon,
Du passereau compagnon,
Qui, ores l’vn en grondant,
Ou en tirant, ou mordant,
La vasquine de la belle,
El or l’autre de son aile Voletant dedans son sein,
Ou pépiant sur sa main,
Luy font raille singeries,
Mille douces fâcheries,
L’un derrièr’, l'autre d’auant, Lors que panchée en auant D’estomac, et de visage Diligente son ouurage :
Pour aller se reposer,
Ou pour aller arroser (Soubz la brune tte vesprée Au plus segrct d’une prée) Quelque beau bouton rosin,
Près d’vn ruisselet voisin,
Que songneuse ell- baignote
DE FOLASTRIES.
D’une ondelette mignote,
Pour en faire vn chapelet A son beau chef crespelet.
Et si ie mentz grasselet 1 e,
Et si ie mentz maigrelette,
Si ie mentz, Amour archer Dans mon cœur puisse cacher Ses fléchés d’or barbelées Et dans vous les plombelées Si ie ne vous ayme mieux Toutes deux, que mes deux yeux.
Bien est-il vray grasselette,
Bien est-il vray maigrelette.
Que l’apast trop doucereux De l’amcçon amoureux Dont vous ne sçauez atraire.
Est l’vn à l'autre contraire,
L’vne d’vn sein grasselet,
Et d’vn bel œil brunelet,
Dans ses beautez tient ma v e Eperdument asseruie.
Or luy talonnant le flanc,
Or le bel yuoire blanc De sa cuisse rondelette.
Or sa grosse motelelte,
Où les doux troupeaux ailez Des freres enquarquelez,
Dix mille fléchés décochent Aux muguetz qui s’en aprochent :
Mais par dessus tout m’epoint Vn grasselet enbon point,
Vne fesse rebondie,
Vne poitrine arondie En deux monteletz bossus,
Où l’on dormiroit dessus,
LIVRET
Comme entre cent fleurs décloses Ou dessus vn lit de roses.
Puis auecque tout cela,
Encor dauantage ell’ a le ne sçay quelle faintise,
Ne sçay quelle mignotise,
Qui fait que ie l’ayme mieux Que mon cœur, ny que mes yeux.
L’autre maigre pucelette,
A veoir n’est pas si belle! te,
Elle a les yeux verdeletz Et les tetins maigrelelz.
Son flanc, sa cuisse, sa hanche N’ont pas la nege si blanche Comme a l’autre, et si ondez Ne sont ses cheueux blondez.
Le rempart de sa foçette N’a l’enflure si grosselte,
Ny son ventrelet n’est pas Si rebondi ne si gras :
Si bien, que quand ie la perse le sen les dentz d’vne herse, I’enten mill’ ossetz cornus Qui me blessent les flancs nus.
Mais en lieu de beautez telles,
Elle en ha bien de plus belles.
Vn chant qui rauit mon cœur,
Et qui dedans moy vainqueur, Toutes mes veines attise :
Vne douce mignardise,
Yn doux languir de ses yeux,
Vn doux souspir gratieux.
Quand sa douce main manie La douceur d’vne armonie.
Nule mieux qu’elle au dancer
DE FOLASTRIES. «
Ne sçait ses pas deuancer,
Ou retarder par mesure :
Nule mieulx ne me coniure Par les traiz de Cupidon,
Par son arc, par son brandon,
Si i’en ayme vne autre qu’elle.
Nule mieux ne m’emmielle La bouche, quand son baiser Vient mes leures aroser,
Bégayant d’vn doux langage :
Que dirai-ie dauantage? t
D’vn si plaisant maniment Soulage nostre vniment,
Lors que toute elle trémoussé,
Qu’vne inconstance si douce A fait, que ie l’ayme mieux Que mon cœur ny que mes yeux.
Iamais las ie ne m’en fâche Pour ne les seruir a tache,
Car quand ie suis mi lassé Du premier plaisir passé,
Des le iour ie laisse celle Qui ma fâché dessus elle,
Et m’en voys prendre vn petit Dessus l’autre d’appetit,
Afin qu’apres la derniere, le retourne à la première Pour n’estre recreu d’Amours Aussi n’est-il bon tousiours De goûter d’vne viande,
Car tant soit elle friande Sans quelquefois l’eschanger On se fâche d’en manger.
Mais d’ou vient cela grassette,
Mais d’ou vient cela maigrette,
LIVRET
Que depuis deux ou trois mois le n’ambrassay qu’vne fois, (Encor’ ce fut a l’emblée,
Et d’vne ioye troublée)
Vostre estomac grasselet,
Et vostre sein maigrelet?
Auôus peur d’estre nommées Pucelles mal renommées?
Auôus peur qu’vn blasonneur Caquette de vostre honneur?
Et qu’il die, ces deux belles Qui font le iour les rebelles. Toute nuit d’vn bras mignon Echaufent vn compaignon,
Qui les paye en chansonnettes, En rymes, et en sornettes.
Las, mignardes ie scay bien Qui vous empeche, et combien Le tyran de ce village Vous souille de son langage, Mesdisant de vostre nom Qui plus que le sien est bon.
Ah, à grand tort grasselette, Ah, à grand tort maigrelette Ah, à grand tort cet ennuy Nous procédé de celuy,
Qui me deust seruir de pere, De Sœur, de Frere, et de Mere
Mais luy voyant que ie suis Vostre cœur, et que ie puis Dauantage entre les dames,
Il farcist vos noms de blasmcs D’vn mesdire trop amer,
Pour vous engarder d’aymer
DE FOLASTRIES. il
Celuy, qui vous ayme mieux Que son cœur, ny que ses yeux.
Bien bien, laissez le mesdire,
Deust il tout vif creuer d’ire,
Et forcené se manger.
Il ne scauroil estranger L’amitié que ie vous porle.
Tant elle est constante et forte.
Ny le temps, ny son effort,
Ny violence de mort,
Ny les mutines iniures,
Ny les mesdisans parjures,
Ny les trop sales broquards De vos voisins babillai'?,
Ny la trop songneuse garde D’vnc cousine hauarde,
Ny le soupson des passans,
N y les maris menaçans,
Ny les audaces des frères,
N y les precliemens des meres,
Ny les oncles sourcilleux,
N y les dangers périlleux Qui l’amour peuuent défaire,
N’auront puissance de faire Que tousiours ié n'avme mieux Que mon cœur, ny que mes yeux,
L’vne et l’autre pucelette Grasseie! te et maigrelette.
LIVRET
FOL ASTR1E II.
l’ay vescu deux mois, ou trois, Mieux fortuné que les Roys De la plus fertile Asie,
Quand ma main tenoit saisie Celle, qui tient dans ses yeux le ne scais quoy, qui vaut mieux Que les perles Indiennes,
Ou les masses Midiennes.
Mais depuis que deux guerriers, Deux soldars auenturiers,
Par vne treue mauuaise Sont venus corrompre l’aise De mon plaisir amoureux,
I'ay vescu plus malheureux Qu’vn Empereur de l’Asie,
De qui la terre est saisie,
Fait esclaue sous les mains Des plus belliqueurs Rommains.
Las ! si quelque hardiesse Enflamme vostre ieunesse,
Si l’amour de vostre Mars Tient vos cœurs, allez soldars, Allez bienheureux gendarmes, Allez, et vestez les armes Secourez la fleur de lis :
Ainsi le vineux Denys,
Le bon Bacchus portelance Soit tousiours vostre defence.
DE FOLASTKIES.
Et quoi? ne vaut-il pas mieux Braues soldars furieux,
De coups éclairssir les foules, Qu’ainsi éfroyer les poules De vos sayons bigarrez.
Allez et vous reparez De vos belles cottes d’armes.
Allez bienheureux gendarmes, Secourez la fleur de lis :
Ainsi le vineux Denys,
Le bon Bacchus portelance Soit tousiours vostre defence.
Il ne faut pas que l’hyuer Vous engarde d’arriuer Qù la bataille se donne,
Où le Roy mesme en personne Pléin d’audace et de terreur, Epouuante l’Empereur.
Tout blanc de crainte poureuse, Dessus les bords de la Meuse.
A ce bel œuure guerriers Ne serez vous des premiers?
Ah, que vous aurez de honte Si vn autre vous raconte Combien le Roy print. de fors.
Combien de gens seront mors A telle ou telle entreprise,
Et quelle vile fut prise Par eschelle, ou par assaut, Combien le pillage vaut,
En quel lieu l’infanterie,
En quel la gendarmerie Heureusement firent voir Les exploitz de leur devoir, Nobles de mille conquestes :
LIVRET
Lors vous bésserez les testes,
Et de lion te aurez le tainct Tout vergongneusement teint
Las ! fraudez de telle gloire N’oserez manger, ny boire A l'écot des Tauerniers,
Ny iurer comme Sauniers Entre les gens du village,
Mais portant bas le visage,
Et mal assurez du cœur,
Touiours vous mourrez de peur Qu’vn bon guerrier ne brocarde Vostre lâcheté couarde.
Donc si quelque honneur vous point Soldars, ne cagnardez point,
Suiuez le train de voz Peres, Etraportez à voz Meres Double honneur, et double bien, Sans vous ie garder ay bien Vos sœurs, allez donc gendarmes, Allez, et vestez les armes,
Secourez la fleur de lis,
Ainsi le vineux Denys,
Le bon Bacchus portelance Soit tousiours vostre defence.
FOLASTRIE 111.
En cependant que la ieunesse D’vne tremoussante souplesse
DE FOLAST R I ES.
Et de raanimens fretillars Agitoit les rougnons paillars De Catin à gauche et à dextre :
Iamais ny à clerc ny à prestre Moine, chanoine, ou cordelier N’a refusé son batelier.
Car le mestier de l’vn sus l'autre,
Ou Tvn dessus l’autre se veautre,
Luy plaisoit tant, qu’en remuant,
En haletant, et en suant Tel bouc sortoil de ses esselles,
Et tel parfum de ses mammelles,
Qu’vn mont Liban ensafrané En eust esté bien embrené.
Ceste Catin en sa ieunessc Fut si nayue de simplesse,
Qu’autant le pauure luy plaisoit Co i;me le riche, et ne faisoit Le soubresaut pour l’auarice,
Mais ell’ disoit que c’estoit vice De prendre ou cheine, ou diamant De pauure ny de riche amant,
Pourueu qu’il seruist bien en chambre Et qu’il eust plus d’vn pié de membre Autant le beau, comme le laid,
Et le maistre, que le valet Estoient receus de la doucette A la luitte de la fossette,
Et si bien les ressecouoit,
Les repoussoit, et remouuoit De meinte paillarde venue,
Qu’apres, la fleure continue Ne failloil point de les saisir,
Pour payment d’auoir fait plaisir A Catin, non iamais soûlée
LIVRET
De tuer, pour estre foulée.
Et qui de tourdions a mis Au tombeau ses plus grans amis.
Mais quoy? il n’est rien que l’année Ne change en vne matinée.
Catin, qui le berlam tenoit Au premier ioueur qui venoit,
Or’ se voyant décolorée Comme vne image dédoree Se voyant dehors et dedans Chancreuses et noires les dens,
Se voyant rider la mammelle Comme vn Escouillé de Cybele,
Se voyant grisons les cheueux,
L’œil chassieux, le nez morueux,
Et par ses deux conduis, soufflante A bas vne haleine puante,
Elle changea de voulonté Et son premier train éfronté Par ne scay quelle frenaisie A couuert d’vne hypocrisie.
Maintenant des le plus matin Le secretain ouure à Catin Le petit guichet de l’eglise,
Et pour mieux voiler sa feintise Dedans vn coing va marmotant.
Rebarbotant, rebigotant Iusque au soir que le curé sonne Le couurefeu, puis ceste bonne Bonne putain, va pas à pas Pieusement le nez tout bas Triste, pensiue et solitaire Entre les croix du cimetiere.
Et là se veautrant sus les corps
DE FOLASTRIES.
Appelle les ombres des mors.
Ores s’eleuant toute droite,
Ores sur vne fosse estroitte Se tapissant comme vn fouyn, Contrefait quelque Mitouin,
D’vn drap mortuere voilee,
Tant qu’elle, et la nuit étoilee Ayent fait peur au plus hardi Qui passant là le mécredi Vient de la Chartre, ou de la foire De l’Auardin, ou de Montoire.
Catin à mille inuentions De mille bigotations,
Quand la terre est la plus esprise De froidure, elle en sa chemise Masquant son nez de toile blanche D’vn gros caillou se bat la hanche.
L'estomac, les yeux, et le front,
Ainsi comme l’on dit que font Ceux qui sont maris de leurs meres, Ou ceux qui meurdrissent leurs peres, Expiant l’horrible forfait Qu’innocemment ils auoyent fait.
Et toutesfois ceste insensée,
Ayant bany de sa pensée Le souuenir d’auoir esté L’exemple de méchanceté,
Ose bien prescher ma pucelle,
Pour la convertir ainsi qu’elle
A mille bigotations
Dont elle a mille inventions.
Et quoy (dit-elle) ma mignonne ?
Ce n’est pas vne chose bonne D’aymer ainsi les iouuenceaux,
LIVRET
Amour est vn goufre de maux,
Amour affole le plus sage,
Amour n’est sinon qu’vue rage,
Amour aueugle les raisons,
Amour renuerse les maisons,
Amour honnist la renommée,
Amour n’est rien qu'vne fumée Qui par l’air en vent se répand.
Tousiours d’aimer on se repent.
Fuyez les banquetz, et les dances,
Les cheines d’or, les grands bombances.
Les bagues, et les grands atours :
Pour auoir suyui les amours Les saintz n’ont pas sauué leur âme.
Ainsi Catin la bonne dame,
(Maintenant miroer de tout bien) Prescha dernièrement si bien La ieune raison de m’amie,
Qu’en bigote l a conuertie Si qu’or’, quand baiser ie la veux Elle me tire les cheucux :
Si ie veux tater sa cuissette.
Ou fesser sa fesse grossette
Ou si ie metz la main dedans
Ses tetins, elle à coups de dens
Me déchire tout le visage
Comme vn singe émeu contre vn page.
Puis elle me dit en courroux,
Si autrefois auecques vous M’abandonnant i’ay fait la folle, le ne veux plus que l’on m’acolle.
Pource, ostez vostre main d’abas.
Catin m’a dit qu’il ne faut pas Que charnelement on me touche, llalà ma cousine, il me couche,
DE FOLASTRIES. * l'J
Ha, ha, lessez, lessez, lesscz,
Bran, pourneant vous me pressez,
Bran, i’aymeroy mieux estre morte,
Que vous m’eussiez de telle sorte :
Ostez vous doncques, aussi bien Mercydieu vous ne gaignez rien,
Ma cuisse en biez accoustrée Vous défendra tousiours l’entrée,
Et plus les bras vous m’entorsez Et plus en vain vous efforcez.
Ainsi depuis vne semeine,
La longue rqydeur de ma veine,
Pourneant rouge et bien enpoint Bat ma chemise et mon proupoint,
Qu’à cent diables soit la prestresse Qui a bigolté ma maistresse.
Sus donq, pour venger mon esmoy,
Sus ïambes secourez mov,
Venez Ïambes sur la teste De ce luitton, de ceste beste,
Qui ores femme n’estant plus :
Mais ombre d’vn tombeau reclus Misérablement porte enuie Aux doux passetems de ma vie,
Qui Dieu me faisoient deuenir :
Et si ne veut se souuenir Qu’en cependant que la jeunesse D’vne t remoussante souplesse Et de manimensfretillars Agitoit ses rougnons paillars Ores à gauche ores à dextre,
Iamais ny à clerc ny à prestre Moine, chanoine ou cordelier N’a refusé son hatelier.
MVRF.T
FOLASTRIE IIII.
Iaquet ayme autant sa Robine Qu’vne pucelle sa poupine,
Robine ayme autant son Iaquet Qu’vn amoureux fait son bouquet.
0 amourettes doucelettes,
0 doucelettes amourettes,
0 couple d’amis bien heureux Ensemble avmez, et amoureux.
O Robine bien fortunée De s'estre au bon Iaquet donnée.
0 bon Iaquet bien fortuné De s’estre à Robine donné.
Que ny les cottes violettes,
Les ribans, ny les ceinlurettes,
Les brasseletz, les chaperons,
Les deuanteaux, les mancherons N’ont eu la puissance d’epoindre Pour macreaux ensemble les ioindre.
Mais les riuages habillars,
L’oisiueté des prez mignars,
Les fonteines argentelettes Qui attrainent leurs ondelettes Par vn petit trac mousselet Du creux d’vu antre verdelet,
Les grans forestz renouuelées.
Le solitaire des valées Closes d’efroy tout alentour,
Furent cause de telle amour.
