DE FOL AST RIES
En la saison que l’hyuer dure Tous deux pour tromper la froidure, Au pié d’vn chene mimangé De main tremblante ont arrangé Des cheneuoles, des fougères,
Des fueilles de tramble legeres,
Des bûchettes et des broctiars,
Et souflant le feu des deux pars Chaufoient à fesses acropies Le cler dégoût de leurs roupies
Apres qu’ilz furent vn petit Desangourdis, vn apetit Se vint ruer dans la poitrine Et de Iaquet et de Robine.
Robine tira de son sein Un gros quignon buret de pain, Quelle auoit fait de pure aueine Pour tout le long de la sepmaine :
Et le trempant au îust des eaux Et dans le brouet des poureaux,
De l’autre costé reculée,
Mangeant apart son eculée.
D’autre costé, Iaquet espris D’une faim merueilleuse, a pris Du ventre de sa panetiere Vne galette toute entière,
Cuitte sur les charbons du four,
Et blanche de sel tout autour,
Que Guillemine sa marraine Luy auoit donné pour estraine.
Comme il repaissoit il a veu Guignant par le trauers du feu De sa Robine recourssée La grosse motte retroussée,
LIVRET
Et son petit cas barbelu D’vn or iaunement crespelu,
Dont le fond sembloit vne rose Non encor' a deray déclose.
Robine aussi d’vne autre part De Taquet guignoit le tribart.
Qui luy pendoit entre les iainbes Plus rouge que les rouges flambes Qu’elle atisoit songneusement.
Apres auoir veu longuement Ce membre gros et renfrongnë, Robine ne l’a dédaigné,
Mais en leuant vn peu la teste A Taquet fist ceste requeste.
Iaquet (dit el’) que i’ayme mieux Ny que mon cœur ny que mes yeux.
Si tu n’aymes mieux ta galette Que ta mignarde Robinette, le te pry Iaquet iauche moy,
Et metz le grand pau que ie voy Dedans le rond de ma fossette.
Helas (dit Iaquet) ma doucette Si plus cher ne t’est ton grignon Que moy iaquinot ton mignon Aprocbe toy mignardelette, Doucelette, paillai'delelte,
Mon pain, ma faim, mon apetit Pour mieux te cliouser vn petit.
A peine eut dit, qu’elle s’apnche,
Et le bon Iaquet qui l’embroche Fist trépigner tous les sylvains Du dru maniment de ses reins.
Les boucs barbus qui l’agueterent,
DE FOLASTRIES.
Paillars, sur les cheures montèrent, Et ce laquet eontr'aguignant, AUoient à l'cnuy trépignant.
0 bien heureuses amourettes,
0 amourettes doucelettes O couple d’amans bien heureux.
Ensemble aymez, et amoureux.
O Robine bien fortunée De s’estre au bon laquet donnée,
0 bon laquet bien fortuné De s’estre à Robine donné 0 doucelettes amourettes O amourettes doucelettes.
FOLASTRIE V.
Av vieil temps que l’enfant de Rhëe N'auoit la terre dédorée,
Les beroes ne dédaignoient Les chiens qui les accompagnoient, Fidelles gardes de leur trace,
Mais toy chien de méchante race En lieu d’estre bon gardien Du trac de m'amie et du mien,
Tu as comblé moy, et m’amie De deshonneur, et d’infamie :
Car toy par ne sçay quel destin.
Desloyal et traistre mastin, lapant a la porte fermée De la chambre, où ma mieux aymée Me dorlotoyt entre scs bras
LIVRET
Counillant de iour dans les dras,
Tu donnas soupson aux voisines,
Aux sœurs, aux frères, aux cousines.
T’oyans pleindre à l’huys lentement Sans entrer, que segretement Tout seul ie faisoy la chosette Avecque elle dans sa couchette.
Et si bien le bruict de celà,
Courut par le bourg ça et là,
Qu’au raport de telle nouuelle Sa vieille mere plus cruelle Qu’vne louue, ardant’ de courroux Sa tille diffama de coups,
Luy escriuant de vergeleltes L’yuoire de ses côtelettes.
Ainsi traistre, ton aboyer Traistre, m’a rendu le loyer De t’aymer plus cher qu’une mere N’ayme sa fille la plus chere,
Si tu ne m’eusses esté tel le t’eusse fait chien immortel,
El t’eusse mis parmy les signes Entre les astres plus insignes, Compagnon du chien d'Orion,
Ou de celuy qui le lion Aboyé, quand la vierge Astrée Se voit du soleil rencontrée.
Car certes ton corps n’est pas laid, Et ta peau plus blanche que lait De mille frisons houpelue,
Et la basse oreille velue,
Ton nez camard, et tes gros yeux
DE FOLASTIIIES.
Meriloient bien de luire aux cieux :
Mais en lieu d’vne gloire telle Vne démangeante gratelle,
Vne fourmilière de poux,
Vn camp de puces et de loups,
La rage, le farcin, la taigne,
Vn dogue afamé de Bretaigne, Iusfjue aux oz te puissent manger Sur quelque fumier eslranger, Méchant mastin pour loyer d'eslre Si traistre à ton tldelle maistre.
FOLASTRIE VI.
Enfant quartannier, combien, Ta petitesse a de bien,
Combien en a ton enfance,
Si elle auoit cognoissance De l’heur que ie dois auoir,
Et qu’elle a sans le sçauoir.
Mais quand la begue blandice De ta raillarde nourrice,
Des le point du iour te dit:
Mignon, vous couchez au lit, Votre es bras de la pucelle,
Qui de ses beautez excelle La rose, et de ses beaux yeux, Cela qui treluit aux cieux.
A l’heure, de honte, a l’heure, Mignon, ton petit œil pleure, Et te cachant dans les dras,
LIVRET
Ou pétillant de tes bras,
Dépit tu gimbes contre elle.
Et luy dis, memam, ma belle, Mon gateau, mon sucre doux,
Et pourquoy me dictes vous Que ie couche auecq lanette.
Puis el’ te baille sa tette.
Et t’apaisant d’vn ioüet,
D’une clef, ou d’vn roüet,
De poix, ou de piroüettes.
Essuyé tes larmelettes.
Ha pauuret! tu ne sçay pas,
Gelle qui dedans ses bras Toute nuict te poupeline,
C’est mignon, ceste maline Las mignon, c’est ceste là,
Qui de ses yeux me brûla.
Que pleust à Dieu que ie peusse Pour vn soir deuenir puce,
Ou que les ars Medeans Eussent raieuni mes ans.
Ou conuerty ma ieunesse En ta peu caute simplesse Me faisant semblable à toy, Sanssoupson iecoucheroy Entre tes bras, ma cruelle,
Entre tes bras, ma rebelle.
Ore te baisant les yeux,
Ore le sein pretieux
D’où les amours qui m’aguetent
Mille fléchés me sagetent.
Lors certes ie ne voudroy Estre fait vn nouueau roy Pour ainsi laisser m’amie
DE FOI.ASTRIES.
Toute seulette endormie.
Et peut estre qu’au reueil,
Ou quand plus le doux sommeil Luy enfleroit la mamraelle, Qu’en glissant plat dessus elle, le luy feroy si grand bien, Qu’elle, apres quitteroit bien Toy, ses freres, et son pere,
Qui plus est, sa douce raere Pour me suiure à l’abandon, Comme Venus son Adon Suiuoit par toute contrée,
Fust que la nuit acoustrée D’astres, tumbast dans les eaux Fust que les flammeux naseaux Souflassent d’vne alenée Hors des eaux la matinée.
F0LASTR1E Vil.
Assez vrayment on ne reuere Les diuines bourdes d’Homere, Qui dit, que l’on ne peut auoir Si grand plaisir que de se voir Entre ses amis à la table,
Quand vn menetrier délectable Paist l’oreille d’une chanson,
Et quand l’outesoif échanson Fait aller en rond par la troupe, De main en main la pleine coupe
le te salue heureux boyueur.
Des meilleurs le meilleur relieur.
LIVRET
le te salue ombre d'Homere,
Tes vers cachent quelque mystère.
11 me plaist de voir si ce vin M’ouurira leur segret diuin .
lô ie l’entens, chere troupe,
La seule odeur de ceste coupe Ma fait vn Rhapsode gaillard Pour bien iuger de ce vieillard.
Tu voulois dire bon Homere Que l’on doit faire bonne chere Tandis que l’âge, et la saison,
Et la peu maistresse raison, Permetent à nostre ieunesse Les libériez de la liesse •
Sans auoir soin du lendemain :
Mais d’vn lianap de main en main D’une trépignante cadance,
D’vn roüer autour de la dance.
De meutes de chiens par les boys, De lutz mariez à la voix D’vn ilus, d’vn dé, d’vne première D’une belle fleur printanière,
D une pucelle de quinze ans,
El de mille autres ieux plaisans Exercez la douce pratique De la vertu sybaritique.
Moy donques oysif maintenant '■Que la froidure est détenant D’une clere bride glacée L’humeur des fleuues amassée.
Ore que les ventz indontez Tonnent par l’air de tous costez, Ores que les douces gorgettes 'Des Dauliennes sont muettes,
DE FOEÀSTRIES.
Orc qu'au soir on ne voit plus Dancer par les antres reclus Les Pans auecques les Dryades,
Ny sur les riues les Naïades.
Que feroi-ie en telle saison,
Sinon oyseux à la maison,
En suiuant l’oracle d’Homere Près du feu faire bonne chère?
Et souuent baigner mon cerueau Dans la liqueur d’un vinfnouueau, Qui tousiours traîne pour compaigne Ou la routie, ou la chastaigne?
En cesle grande coupe d’or Verse, page, et reucrse encor,
Il me plaist de noyer ma peine Au fond de ceste tasse pleine.
Et d’étrangler avecq le vin Mon soucv qui n’a point de lin,
Non plus que l’antraille immortelle Que l’aigle horriblement bourrclle, Tant les attraiz d’vn œil vainqueur Le font renaistre dans mon cœur.
Ça, page, donne ce Catulle,
Donne ce Tibulle et Manille,
Donne ma lyre, et mon archet, Depen-là tost de ce crochet,
Viste doncq, afin que ie chante.
Et que ie charme, et que Penchante Ce soing, que l’amour trop cruel Fait mon hoste perpétuel.
O pere, ô Bacchus, ie le prie Que ta sainte fureur me lie Dessoubz ton thyrse, à celle fin O pere, que i’erre sans fin
LIVRET
Par les montaignes reculées Et par l’horreur de les vallées.
Ce n’est pas moy, las ! ce n’esl pas Qui dédaigné suiure tes pas Et couuert de lierre brére Par la Thrace Euan, pourueu pere Las! pourueu pere, las! pourueu Que ta flamme esteigne le feu Qu’Àmour, de ses rouges tenailles Me tournasse dans les antrailles.
FOLASTRIE VIII.
LE NUAGE, OU l'vüRONGNE.
Vn soir, le iour de sainct Martin, Thenot au milieu du festin Ayant desia mille verrées D’vn gozier large deuorées,
Ayant gloutement aualé Sans mâcher maint iambon salé, Ayant rongé mille saucisses,
Mille pastez tous pleins d’espices, Ayant meint flacon rehumë,
Et mengé meint brezil fumé,
Hors des mains luy coula sa coupe • Puis bégayant deuers la troupe,
Et d’vn geste tout furieux Tournant la prunelle des yeux.
Pour mieux digerer son vinage Sur le banc pancha son visage.
DE FOLASTRIES.
[a ia commençoit à ronfler,
A nariner, à renifler,
Quand deux flacons cheuz contre terre, Peslemesle aueques vn verre,
Vindrent reueiller a demy Thenot sur le banc endormy.
Tlienot donc qui deray s’eueille.
Frottant son front, et son oreille,
El s’alongeant deux ou trois fois En sursault getta ceste voix •
Il est iour dit l'alouette,
Non est non, dit la fillette Ha là là là là là là là, le voy deçà, ie voy delà, le voy mille bestes cornues,
Mille marmotz dedans les nues :
De l’une sort vn grand toreau,
Sur l'autre sautelle vn cheureau :
L une a les cornes d’vn satyre,
Et du ventre de l’autre, tire Vn cocodrile mille tours.
le voy des villes, et des tours, l’en voy de rouges et de vertes, Voy-les-là, ie les voy couuertes De sucres, et de poix confis.
I’en voy de mors, i’en voy de vifz, l’en voy, voyez-les donq? qui semblent Aux blez qui soubz la bize tremblent.
l auise vn camp de Nains armez, l’en voy qui ne sont point formez, Troncez de cuisses, et de iambes,
Et si ont les yeux comme flambes Aux creux de l’estomaq assis.
LIVRET
l’en-voy cinquante, i’cn-voy six Qui sont sans ventre, et si ont teste Efroyable d’une grand’creste.
Voicy deux nuages tous plains De Mores, qui n’ont point de inains.
Nv de corps, et ont les visages Semblables » des chatz sauunges :
Les vns portent des piedz de cheures,
Et les autres n’ont qu’une leurc Qui seule barbotte, et dedans Hz n'ont nv mâchoires, ny dons.
l’en voy de barbus comme bermitcs, le voy les combas des Lapitbes, l’en voy tous hérissez de peaux, I’entr’auise mille troupeaux De singes, qui d’vn tour de ioüe D'en hault aux hommes font la moue, le voy ie voy parmi les flos D'une Baleine le grand dos,
Et ses cspines qui paroissent
Comme en l’eau deux roches qui croissent ,
Vn y galoppe vn grand destrier
Sans bride, selle, ny cstrier.
L’vn talonne à peine vne vache,
L’autre dessus vn asne, tache De vouloir iallir d’vn plain sault Sur vn qui manie .vn crapault.
li’vn va tardif, l’autre galope,
L’vn s’élance dessus la crope D’vn centaure tout débridé.
Et l’autre d’vn géant guidé Portant au front vne sonnette,
Par l’air cheuauche à la genette.
L’vn sur le dos se charge vn veau.
L’autre en sa main tient vn marteau.
DE FOLASTRIES.
L’vn d’une mine renfrongnée Arme son poin d’une cougnée :
L’vn porte vn dart, l’autre vn trident, Et l’autre, vn tison tout ardent.
Les vns sont montez sus des grues, Et les autres sus des tortues Vont à la chasse auecq les Dieux, le voy le bon Pere ioyeux Qui se transforme en cent nouuelles.
l’en voy qui n’ont point de ceruelles Et font vn amas nompareil.
Pour vouloir battre le soleil,
Et pour l’enclorre en la cauerne Ou de saint Patrice, ou d’Auerne.
le voy sa sœur qui le defend, le voy tout le ciel qui se fend Et la terre qui se creuace Et le chaos qui les menace.
le voy cent raille satyreaux Ayant les ergotz de cheureaux Faire peur à mille Naïades, le voy la dance des Dryades Parmy les foretz trépigner :
Et maintenant se repeigner Au fond des plus tiedes valées,
Ores à tresses aualées,
Ores gentement en vu rond,
Ores à flocons sur le front,
Puis se baigner dans les fonteines.
Las ! ces nües de grélles pleines Me prédisent que Iupiter Se veut contre moy depiter.
Bré bré bré bré voicy le foudre,
Craq craq craq n’ovez vous découd re
LIVRET DE FOLASTRIES.
Le ventre d'vn nuau? i a y veu l’ay veu, craq craq, i’ay veu le feu l ay veu l’orage et le tonnerre.
Tout mort me brise contre terre.
A tant cet yurongne Thenot De peur qu’il eut, ne dit plus mot, Pensant vrayment que la tempeste Lu y auoit foudroyé la teste.
DITHYRAMBES
