CHAPITRE XXXIX

demander à ceulx de la ville qui ils vouloient avoir pour garder leur ville, et qu'il leur envoyeroit ce qu'il leur falloit. Lesquels respondirent audict sieur : Que Tournay estoit Tournay et que jamais n'avoit tourné, et encore ne tournera; et que si les Anglois venoient, ils trouveroient à qui parler. Toutesfois, il n'y eust capitaine, ne aussi ledict seigneur, qui n'entendit bien que c'estoit d'un peuple assiégé, comme il advint ; car, au bout de trois jours qu'ils (eurent assiégés, traitèrent d'appointemcnt avecques ledict roy d'Angleterre et luy rendirent la ville. Et en ce temps vint monsieur de Gueidres à Maisiëres avecques mille chevaulx et mille hommes de pied, pour venir au secours du roy de France ; mais sa personne ne passa pas ladicte ville de Maisières, pour quelques affaires qu'il avoit en son pays; et retint le roy les gens de pied et renvoya les chevaulx, car il en avoit assez. Quand la ville de Tournay feust ainsi rendue, le roy de Castille, madame de Savoye et tout plain de dames et demoiselles s'y trouvèrent, et y feirent .une merveilleusement bonne chère. Or, ce temps pendant que ces bonnes chères se faisoient, le camp des François marchoit tousjours les cosloyant ; là où vindrent nouvelles au roy d'Angleterre et aux François que la bataille avoit esté une fois perdue par les Anglois contre les Ecossois, et depuis regaignée par les Anglois* ; et y estoit mort le gentil roy d'Ecosse, dont feust grand dommage, car c'estoit un gentil prince. Et après cela faict, avoit appresté son armée pour aller en Hierusalem ; et s'il ne feust là demeuré, il s'y en alloit, qui feust une grande perte pour la chreslienté. Et après tout cela faict , les deux villes prinses, Tournay et Thérouenne, le roy d'Angleterre cassa toute sa gendarmerie, et avecques ses gens de pied retourna en son pays.