CHAUMONT

La chose est expédient Qui fault tout raser et abatre, A ung quart de lieu en tous sens, Tous ediffices, sans rabatre, Et nuHuy ne s'en doit debatre; Qu'il est prouffitable et utille, Pour mieulx noz anemis combatre, Et le sauvement pour la ville.

THEAULDE VALLEPAIGNE.

Aussi l'église Saint Aignan , Qui est ung moult bel ediffice.

Raser le fault sur toute riens, Qu'i nous seroit trop préjudice.

Si une foiz vient à leur notice , Et eulx fortiffier dedans, Par leurs engins et artifice, Destruiront la cité d'Orléans.

/i8i!iu

LA HIRE

Y convient et est neccessaire Eglise, faubours n'espargner, Que nul n'y puisse aucun repaire

Y faire pour soy héberger.

Sans y vouloir plus barguigner, Faictes du tout ruer par terre, Et diligamment y besoigner, Sans en plus parler ne enquerre.

LE RECEVEUR

Et vous, monseigneur de Dunois, Conseillez vous ainsi le faire ?