DENIS DE CHAILLY
La besoigne si est doubteuse Et bien forte à consulter. Pour les François bien dangereuse D'eulx aller vers eulx présenter.
Qui pevent avoir de tous coustez Secours par au droit Saint Privé; Il y passent sans arrester, Leur chemin leur est tout privé.
CANEDE.
Y fait bon soy donner de garde Q'un tel oust ne soit desconfit;
Ce seroit trop vilaine perte Et l'oust des François seroit frit :
Que de nous tous sans contredit Seroit leur puissance perdue, Ne plus seroit qui s'i offrit Pour y faire aucune tenue.
GAUGOURT.
Ne fault pas aussi regarder
Du tout à l'inconvénient;
Volez vous dont tousjours tarder,
Et delesser ainsi le temps?
Ces loups qui nous sont ravissans
A tort, sans cause et sans querelle,
Ung de nous en vault mieulx que cent
Soubz l'estandart de la Pucelle.
VILLARS
Messeigneurs , comme povez voir.
Il y ont esté longuement; Vous savez, passé a huit mois, Nous ont fait grant encombrement, Et ne voyez aucunement Nulle voye pour y mectre fin Emplus que du commancement :
C'est comme une chose sans fin.
LA HIRE
N'en fault jà tant dissimuler, Mais faire fault en la manière De Jehanne, pour à bref parler.
Elle en scet ce qui est à faire , De ce qui nous est neccessaire;
d82 LE MISTERE DU SIEGE D'ORLEANS.
Et à son propoux vueil entendre, Sans voloir dire au contraire,
Que y ne nous en peut mal prandre. i9,35o
LA PUCELLE
En nom Dieu, je le croy ainsi Fermement, que Dieu aydera, F° 3i^4 r". Et n'ayez ne peur ne soussy.
S'i luy plaist, y nous conduira, Et en la ville on fera Aujourd'uy trestous les aprest, Et puis demain on partira.
Au point du jour que tout soit prest : Eschelles, cordes et crochez.
Lances de feu et bien ardant, Goulevrynes pour despescher.
Grosses arbalestres passant.
Maillez de plomb gros et pesant; Et que tout soit prest, que riens faille. Puis demain, en nom Dieu, devant Nous yrons en belle bataille.
Lors icy y a pause. — Et chascun fait grand aprest et s'armeront. Puis dit
Ha! messeigneurs, je meurs de deul, De doleur que j'é en corraige, Que la larme m'en vient à l'eul
De voir advenir tel dommaige 1^,870 Que voicy et plus grant oultraige De Saint Loup avoir esté pris; Tant de gens de si hault lignaige Y ont esté mors et premis !
Ha ! îa faulce et tristre putin !
Par elle nous vient ceste chose; Mais,, se je la tiens en ma main, Son corps n'a garde qu'i repose :
Traquer le feray, je le propose, Desmembrer à quatre clievaulx.
D'elle, qui est si peu de chose, Les François en font leurs basteaulx.
CONTE DE SUPPORT
Ce nous est ung grant desplaisir, Et en suis treffort courroucé ;
Y nous fault bien entretenir Que noslre oust ne soit renversé.
Le cueur des François est haulsé, Et ne vient que pour la ribaulde ; Tel en sera recompensé
Et en suera la sueur chaulde.
MESSIRE JEHAN DE LA POLLE
La truande nous a gastez
Et mis en desolacion;
Mès luy chanteray ses pastez
En sa grande confusion.
11 n'est plus d'aultre mencion
Que des faiz et vertuz d'icelle,
Qui est une dérision.
Disant tous que c'est la Pucelle.
LE SIRE D'ESCALLES.
Y fault entendre à nostre fait.
Résister à la deablesse.
Ghascun dit qu'elle a tout fait,
Emporté l'onneur de noblesse, De France toute la proesse Et l'onneur de chevallerie; Ghascun devers elle s'adresse :
N'est si grant qui ne la supplie.
FACESTOT.
Je vous diray, pour abréger, Y n'en fault plus cryer ne braire; Mès pensons de nous en vengier Et nous tenir tous en frontière.
Puis aussi mandez la manière Au vaillant prince Glasidas, Et que, s'il a de nous affaire, Nous yrons plus toust que le pas.
Assez saige il est en ce cas.
Il ont bien veu l'assault bailler; Mès y n'eust peu ne hault ne bas Les secourir ne soulager.
11 eust bien volu y aller; Mès y estoit Loire entre deulx; Pour néant se fust travaillez, Qui ne povoit aller à eulx.
Et puis dit
GLASIDAS.
Messeigneurs, voicy mal venu De Saint Lou, qui est ainsi pris.
Demeuré n'est grant ne menu; Je croy qu'il ont tout à mort mis.
Il estoient gens de très hault pris
Tant duc, contes et chevailiers,
Qui ont esté ainsi surpris;
Ce nous sont très grant destourbiers.
FOUQUEMBERGE.
C'est ceste mauldite Pucelle Qui a fait cest ouvraige cy.
François se sont fiez en elle; Je ne le puis comprandre ainsi.
N'avons eu que peine et soussi De onques puis qu'elle arriva, Ne ne puis entendre ceci; C'est le dyable qui l'amena.
LE BAILLY D'ESVREUX.
Onques depuis nous n'eusmes joye; Que de Dieu soit elle maudite!
Et tout nostre oust elle desvoye, Par son iniquité induicte.
Elle est enchanteuse produicte, Sorcière, et cliascun le peut vois.
Que morir puist elle en soubite, Et tous les François qui la croyent!
