LE PREMIER MARINIER

Çà, messeigneurs, la mercy Dieu, Vous estes à port arrivez, 090

• Sans du vostre avoir rien perdu, • Ne sans nui autre destourbier. , Dont devez Dieu remereyer

Que n'avez eu nulle tourmente.

• Qui vous ait donné encombrier, 095 Mais avez eu la mer plaisante.

SALLEBRY.

Messeigneurs, c'est chose excellante Et divine permission, Si devons bien de notre entente

Servir Dieu en dévotion; 6of.

• Et c'est* bien mon intencion

Le remercier humblement, Par sa saincte redempcion, Qu'i nous a gardé de tourment.

' Touques (^(Jaivados) , sur la rivière de peuvent remonter jusqu'à Touques avec la oe nom, qui. comme i on sait, se jette dans marée, la mer à Trouviiie. De grosses barques

F' 1 5 1°. MESSIRE GUILLAUME DE LA POLLE

Faire le devons vrayement, 6o5

Et nous y sommes bien tenuz,

Quant gardez nous a sauvement

De inconvénient advenuz

Autant aux grans que aux menuz.

Dieu si a conduit la besoigne; 6io

Si en rendrons grâces et saluz

A Nostre Dame de Bouloigne.

SALLEBRY.

Messeigneurs, faisons, sans esloigne, Que chascun mecte pié à terre,

Et que aussi on pense et soigne , 6i5

Ses bagues cuillir et requerre,

Et aussi de son logeis querre,

Jusques demain au point du jour;

Puis à Rouan, sans plus enquerre.

Nous en irons faire séjour. 620

LE SIRE D'ESCALLES.

Vous dictez bien certainement.

Nous sommes laz et travaillez.

Par quoy il convient bonnement F° i5 v". Soy refrachir et reposer;

Que sommes flebles et matés 625

Tant du vent et de la tourmente,

Et de la peine de la mer,

Il n'est celuy qu'il ne s'en sente.

Puis icy y a pause longue. — Et chascun sault des navires a tout ses bagues; et s'assemblent tous devant Sallebry.

SALLEBRY.

Messeigneui's , vous voyez comment A bon- port sommes arrivez, Sans avoir eu empeschement Ne autre annuy, comme savez.

Si en devons bien Dieu louer Et la Vierge très excellente, ' Qui nous [a] ainsi amenez.

Sans avoir eu quelque tormente.

Par quoy, c'est bon commancement Pour parvenir à nostre entente; Et n'en doubtez aucunement.

Que la chose est bien apparante, Si est bien cause consonnante Que nous deussions d'icy partir.

Et aller tous, la droicte sente, A Roan pour nous refrachir.

LE SIRE DE GREZ

Il ne nous fault plus cy tenir; Partons, je vous pry, il est temps.

MESSIRE GUILLAUME DE LA POLLE

Vous dictes très bien sans faillir; Il ne nous fault plus cy tenir.