LE SIRE DE FAUQUAMBERGE
Durant que nous avons loisir, N'arestons plus ne tant ne quant.
MESSIRE JEHAN DE LA POLLE
Il ne nous fault plus cy tenir; Partons d'icy, il en est temps.
LE MISTERE DU SIEGE D'ORÉEANS.
SALLEBRY.
Messagier, va legierement
A Roan, sans faire demeure,
Et fais bien mon commandement.
Sans arrester ne pas ne heure.
Tu t'en yras de grant aleure
Au sire Tallebot noncer
Comment, mais que Dieu nous secourre,
Nous arriverons demain au soir.
LE MESSAGIER
Vostre messaige tout au long Acompiiray, mon trè* chier sire, Devant les princes qui là sont, Je leur sauray à tous bien dire.
A eulx je m'en voys, droit de tire, Dénoncer voz bonnes nouvelles.
SALLEBRY.
Or, fais tant qu'il doye suffire, Car ilz seront joyeulx d'icelles.
va le messagier, qui dit :
MESSAGIER
Voylà le prince Tallebot, Avecques des seigneurs foison , Et le sire de Hongresfort, Qui est prince de grand renom; Puis y est ce noble baron.
Le vaillant duc de Sombreset, Avecques des princes de nom,
LE MlfSTERE DU SIEGE D'ORLEANS.
Qui sont en armes tout parfait.
Très haulx et très puissans seigneurs,
Sallebry devers vous m'envoye,
Et autres notables greigneurs ,
Qui viennent vers vous à grant joye,
Lesquelz se sont tous mis en voye,
Pour vous donner joye et confort;
Et si y est, qui les convoyé,
Le puissant conte de Suffort.
Enchargé m'ont que je vous dye
Que demain ilz arriveront,
Avec notable compaignie,
Et tous les seigneurs qui là sont.
A vous tous, messei^eurs barons.
Je vous dénonce mon messaige,
Ainsi que commandé le m'ont
Tous les seigneurs du barnaige.
LE DUC DE SOMBRESET
Pour te respondre en brief langaige , Amy, tu soyes le bien venu; Joyeulx je suis de ton voyaige, Que tu nous a cy recongnu.
Saiche qu'il n'est grant ne menu Qu'il ne soit joyeulx de la chose.
Et ung chascun d'eulx sera receu A grant joye, je le suppose.
Que dictes vous, seigneurs barons?
Voicy les princes de la terre.
Qui devers vous venuz ilz sont, Pour nous secourir à la guerre.
Je croy qu'il n'est dessus la terre Plus puissant ost que nous aurons.
El est tout la fleur d'Engleterre , Ainsi que nous espérons.
A grant joye receuz seront De par nous, et leur seigneurie, Que je congnois bien qu'i y sont Une très noble compaignie.
Faire leur devons chiere lye Et les recevoir de bon cueur; C'est la fleur de chevalerie, Et aussi gens de grant valleur.
LE SIRE DE HONGRESFORT
Ce sont gens de bien et d'honneur, De proesse et de v^illantise, Et de hardyesse la fleur, Pour faire une bonne entreprise.
Nous pourrons bien à nostre guise Faire d'ores en avant de France, Et entre noz mains sera mise, Sans aucune resistence.
LE DUC DE SOMBRESET
Meêsagier, va toust et t'avance,
Pour aller leur dire au devant
Que nous avons rejoissance,
Et qu'i soient les bien venant.
Si sommes icy attendant
Pour les recevoir à grant joye,
Et sommes très fort désirant,
Qu'i nous est bien tart qu'on les voye.
Je m'en revoys la droicte voye, Mes chiers seigneurs, ne doubtez pas.
Et, tant que devers eulx je soye, Je n'aresteray heure ne pas; Lesquelz auront Joye et soulas De vostre très bonne responce.
TALLEBOT.
Messagier, va et n'oublye pas , Et noz nouvelles leur dénonce.
en va le messagier et puis dit
MESSAGIER
Puissans seigneurs et i*#doubtez.
De Rouan je suis revenu,
Et là j'ay trouvé, ne doubtez.
Où j'ay esté le bien venu.
De tous les princes j'ay congnu
Qui désirent vostre venue.
Et joyeulx sont, grant et menu,
Quant vostre nouvelle ilz ont sceue.
SALLEBRY.
Tu es messagier de vallue, Dont tu as fait grant diligence.
Messeigneurs , à nostre venue Mectons nous tous en ordonnance.
Là devant, voyez en présence Roan, la fleur de Normandie, Nostre séjour, nostre espérance,
Et où chascun de nous se fye.
Les princes sont qui nous attendent,
Qui sont fort joyeux de nous veois,
Et croy bien qu'i nous y demandent,
Il y a passé quatre mois. 760
Ci pourrons nous, à ceste foiz,
Bien vengier de noz anemis,
Encontre contes, ducz ou roys.
Mais que nous l'ayons entrepris.
Je ne croy pas qu'i soit pays 7^5 Qui nous donne resistence.
Ne ql'il y ait gens si hardis Qui attendent nostre puissance.
MESSIRE GUILLAUME DE LA POLLE
Messeigneurs, faisons diligence,
Voy là les princes au devant, 770 Qui viennent en grant aliance; Saluer les fault boimement.
Dont \c.\ y a longue pause. — Et viennent au devant l'un de l'autre; puis dit F' J9 LE DUC DE SOMBRESET.
Messeigneurs et noz bons amys, Vous soyez tous les biens venuz.
Long temps y a qu'en ce pays 7?-'' En ' vous a toujours atendus.
SALLEBRY.
Nous fussions plus toust revenuz, Mais nous avons eu à faire
' En pour On.
D'aucuns faiz qui sont survenuz A nostre roy plein de bonn'aire.
TALLEBOT.
Comment se porte nostre roy ?
Que dit il? Fait il bonne chiere"/ Nous sommes cy en son affaire, Pour le servir de bonne foy.
