MAISTRE JEHAN DES BOILLONS

Aucuns nie ont voulu pugnir, A tort, sans cause et sans raison; Mais je les en feray repentir, Ainçois qu'i soit longue saison.

J'en ay esté mis en prison A Chartres, une espace de temps:

Mais m'en feront reparacion, Ou je n'en seray pas content.

SALLEBRY.

Hz sont laulx et mauvaises gens De vous avoir fait desplaisir, Et en seroie desplaisant, Se on vous faisoit aucuns annuyz; Mais vous vouldroie secourir, A mon povoir, ne doublez pas, Vous faire service et plaisir, Maistre Jehan, en tout vostre cas.

GLASIDES.

Ne nous espargnez hault ne bas, Maistre Jehan, et je vous emprie.

S'aucuns vous font noise ou debatz,

Pour vous serons, ne doublez mie.

Mais deux motz fault que je vous dye Touchant le fait de ceste guerre, Comment les seigneurs ont envye Pour aller le pays conquerre.

Vous savez bien que les seigneurs Veullent aller devant Orléans; Entre nous autres serviteurs, Nous n'en sommes pas fort contens; Car on dit qui sont malles gens, Et que y seront fors à avoir.

Qu'en dictes vous? en savez riens?

Je croy que le povez savoir.