L'INQUISITEUR DE LA FOY

Quant à de moy, plus je n'en dis Ne m'en vueil plus discuter.

Je croy en ses faiz et en diz Et n'y vueil plus riens ajuster.

Au Roy on la doit présenter Pour pareschever ceste chose, Sans plus longuement arrester Geste euvre de Dieu, je suppose.

PREMIER PRESIDENT

Je ne vouldroye conseiller Autrement que sa volonté, Et se doit on appareiller A en faire sa liberté.

Elle a sens et auctorité, Et croy que on s'i doit lire Sans nulle difficulté, Ne envers elle varier.