II? PRESIDENT

C'est une notable pucelle

Fort honneste, prudente et saige,

Ne n'avons rien trouvé en elle

Fors tout bien et plaisant langaige ;

Et a bon vouloir et couraige

De voloir ce fait acomplir.

Par quoy je dy que son voyaige

Nulluy ne l'en doit détenir.

IIIP PRESIDENT.

Je suis de vostre oppinion

Et croy que c'est chose divine.

Remener la fault à Chinon;

Qu'il est raison qu'elle domyne

Et qu'on ensuyve sa doictrine

En luy baillant ce qu'elle demande.

Ma voulenté se détermine

Qu'il est droit que à elle on entende.

PREMIER PRESIDENT

Çà, messeigneurs, vous voyez cy Vous présent l'alegacion De la fille, et tout ainsi Tout selon la conclusion, Nostre deliberacion

De nous tous, sans riens excepter :

Son voloir et intencion On doit faire et exécuter.

ir PRESIDENT.

Vous direz au Roy, s'i luy plaist, Que nous avons parlé à elle Et que très bonne fille est.

Prudente et savante pucelle.

Et se doit fyer en icelle Pour acomplir son entreprise.

En sa bonne et juste querelle, En laquelle est du tout soubzmise.