III' CONSEILLIEZ

Chier sire, nous la convoyrons En son logis honnestement.

Et grandement la festairons,

Tous ses gens honnorablemcnt,

LE ROY

Aujourd’uy adviseray comment A pencer dont vous m’avez dit.

LA PüCELLE.

Faictes le et diligemment;

«56 v*. Je le dy pour vostre prouflit.

Adont In convovent jusques à son logeis; puis retourneront, et dit

LE ROY

Or avez vous, vous tous, ouye Présent sa proposition :

Que chascun de vous si en die Tout selon son inlencion.

A vostre dcliberacion

Vueil faire ce que [vous] direz.

Et la consultacion

Feray comme vous ordonnerez.

tofud5

PREMIER CONSEILLER

Sire, c’est une grant matière Que ccstc fille cy propose.

Et une chose fort à faire De ce qu’elle dit et qu’elle ose; Onques de si estrange chose Je n’ouy parler en ma vie.

Tant plus y pense et mains ose En parler, je vous certiflie.

Se je dy que la devez prandre,

El il adviengne le contraire.

Ce sera une grant esclandre Ou royaume et un grant vitupéré; Par quoy je n’y congnois maniéré Pour vous bonnement conseiller.

Et ainsi que le devez faire,

Je ne scay comment en parler.