LE SIRE DE FAUQUAMBERGE

Par voz beaulx faiz, comme je croy, 78»

Ne trouverra nuUy contraire.

F» 20 ,.>. LE DUC DE SOMBRESET

Comment se porte nostre roy?

TALLEBOT.

Que dit il? Fait i\ bonne chiere?

MESSIRE JEHAN DE LA POLLE

11 n"a cause d'estre en esmoy,

Dieu mercy, par vostre exemplaire, 79»

Quant ainsi luy voulez retraire

Ce qui ly appartient à soy.

LE SIRE DE HONGRESFORT

Comment se porte nostre roy?

Que dit il? Fait d bonne chiere?

Nous sommes cy en son affaire , 79^

Pour le servir de bonne foy.

LE DUC DE SOMBRESET

Il n'y a celuy, je le croy,

LE MISTERE DUSIEGE D'ORLEANS. 31

(}ui autrement le vueille faire.

H n'est point plus notable roy ;

Pareillement estoit son père, Soo

Le plus preux qui portast bannière.

Ne qui fut onques sur la terre;

Le plus vaillant dont soit mémoire.

Qui saillit oncques d'Angleterre.

MESSIRE GUILLAUME DE I,A POLLE

N'y avoit que luy pour conquerre, PoS

Ne à vaincre ses anemys.

Vous avez veu que, par sa guerre,

Il a. toute France soubz mis,

Et si en a du tout desmis

Charles, soy disant roy de France, ^>o

Et sa grant ville de Paris,

L'a mise en son obéissance.

GLACIDES.

En luy estoit toute vaillance.

Proesse et toute vertu;

Pour ceste heure eust toute France, ^'■''

S'il euist encoires ung peu vescu;

Mais j'espoir, à l'ayde de Dieu ,

Que, avant l'année soit passée,

11 n'y aura place ne lieu

Qui ne soit à nous subjuguée. Sa"

MESSIRE JEHAN DE LA POLLE

La chose est très bien commancée.

Et avons bon commancement; Mais, messeigneurs, si vous agrée.

Je conseilleroie bonnement

Qu'on se repose plainenient, 8a5

Jusques à demain le matin ; Puis après ferons parlement De noz affaires plus à plain.