I.E TREBUCHEMENT DE LUCIFER I F

Je suis puissant

Et souffisant

Pour régenter, 25o

Tout régissant,

Imperissant,

Sans nul doubler.

Je doy ces bas ciculx surmonter Et au plus hault siège monter 255

De toute monarchalle gloire, Car chacun voit a brief compter Que nul ne sauroit raconter Ma noble vertu méritoire.

J'ay tel clarté quMl n'est mémoire 260

De plus noble en ce hault party ; Je suis de tout bien répertoire Et du plus digne lieu party.

Je suis tout uny

A Dieu et muny 265

De toutes louanges, D"'honneur premuny.

De vertus garny Plus que tous les Anges.

Faire me convient nouveaulx changes 270

Et monter plus notablement, Car choses me sont trop estranges, Quant point ne régne excellemment. Mes Anges, voyez clérement Que je suis, comme il m'est advis, 2/5

Le plus bel ange entièrement Qui soit en tout ce Paradis, Sur tous autres honnoré je suis Pour ma glorificacion,

Par quoy je doy bien estre mys 280

En plus haulte exaltacion.

Advis m'est que deusse avoir lieu Au siège de divinité,