DIEU

Or est parfait nostre désir De veoir ces beaulx trosnes parez DWnges créez pour refulcir Es sièges que avyons préparez ; 225 Grandement en sont reparez

Les saincts cieulx du hault Paradis, Ou sont tous biens equiparez Par melodye et nouveaulx ditz.

Pause en silete.

Lucifer, en soy poiirmenant par manière d'orgueil

Quant je me voy en si noble pourpris, 2 3o Resplendissant sur ceulx de ma semblance, Le cueur m^esmeut et suis forment empris De régenter en plus haultc excellence; Il n'est qui ayt devant moy préférence D'honneur, de gloire et franche agillité, 235 Car sur tous ceulx j'ay noble refulgence 3

Pour leur avoir en toute dignité.

Puis que j'ay tel félicité De gloire en magnanimité, Sur tout autre resplendissant, 340 Doy je point estre en magesté

Auprès de la divinité?

Comme le recteur triumphant.

Je suis sur tous bel et plaisant, Bien formé, parfait et puissant, 245 Comme je voy.

Dont m'est bien advis que je doy Estre dessus tous florissant.

^33 A : la préférence.