JAQUES
Il est temps de tout apprester et que chacun son devoir face de besongner.
URION
Veez cy la place 17710 en laquelle serez logés,
et ne veil que vous espargnez utendlle de mon hostel ; prenez en d'autant et d'autel :
tant qu'il y a vous habandonne.
s. PIERRE
17715 La place est très notable et bonne et très grandement nous soufSt ; celuy qui ciel et terre fit voua rende vostre bienveillance.
URION
S'il vouB fault argent ne finance
177S0 ou viande a la cène faire,
sur quanque me voulez meffaire, ne m'espargnez en nul endroit.
s. JEHAN
Nennil, sire.
URION
Vous avez droit, car je le fais de bon couraige.
17725 Certes, messeigneurs, encor ay je des biens pour Jhesus soustenir, et s'il fault aller ne venir, employez ce maistre valet et prenez en gré tel qu'il est,
17730 car autre faire ne le puis.
PIRAGHON
Maistre, je suis tel que je suis, prest de bien boire et bien mengier.
Chacun pense de mesnagier, car le temps passe tout a cop.
ANNE
17735 Messeigneurs, nous demeurons trop et sommes très mal diligens que ne faisons armer nos gens et mettre en point a l'aventure, car ja tost a la nuit obscure
17740 nostre marchant fera l'espreuvc ; et s'il vient et il ne nous trouve, tout nostre exploit sera rompu.
CAYPHE
Il est bien villain corrompu qui si forte trahison baille 17745 a son maistre.
JHEROBOAN
Ne vous en chaille :
vous souffice que nous venons a nostre fait.
ANNE
Sus ! compaignons !
il ne soit si hardy soudart qui n'aist ou javeline ou dart 17750 et tout prest son harnois de corp?, affîn que s'il fault aller hors vous soiez tous pretz sans attente :
oyez vous ?
ROULLART
C'est bien mon entente.
17693 a ce soir C. — 17700-88 manquent G. feuillet déchiré. — 17725-32 manquent A. ~ 17733 S. J. Pensons de faire ^ meîMge A. — 17735 séjournons B. — 17753 nostre B.
MISTEREDE LA PASSION
homme de nous n*y met reffus ; 17755 y&j en lieu de mon viel paifus prins mon arc et ma javeline.
DENTART
Et j'ay ma vielle capeline plus rouge que le feu d'enffer, avec mon gros maillet de fer 17760 qui a la pointe bien ague.
GA.DIFER
Et j'ay ma vielle besague et une espee mal taillant qui a bien sept 'piez de saillant :
c'est quanque je puis ramonner.
ANNE
17766 Gayphe, fidctes atourner acop vostre meignie toute.
CAYPHE
Mes gens sont pretz, n'en faictes doubte, n'a cil qui ne soit ordoimé.
Malcus, Bruyant et Ëstonné, 17770 Dragon, Malcuidant et Gueulu, dormez vous ? qu'en lieu de salu soyez sains de maies estraines I
liALGUIDANT
Happe, Dragon, c'est pour tes vaines, entens tu ?
DRAQON
Mes tout au prieur,
ESTONNâ
17775 Qui est ce la ?
GUEULU
C'est monseigneur Gayphe, qui tous ses gens huche.
MALCUS
Il fault aller a l'escarmuche :
briefment il n'y vault le hongner :
armons nous.
BRUYANT
A quoy besongner?
17780 y a il bataille ou assault ?
ESTONNé
J'amasse mieulx a faire ung sault .
pour aller garder la cuisine, car puisqu'on y frape ou hutine j'ay tel paour que le cueur me part : 17785 armons nous.
UALCUIDANT
Le deable y ait part !
nous fault il aller a la guerre ?
MALCUS
Bé, nennil, c'est pour aller querre
ce Jhesus, que mal jour luy viengne!
mes s'il eschet que je le tiengne, 17790 il luy sera bien cher vendu.
GUEULU
Aussi ont ilz trop attendu a le faire pieça destruire.
CAYPHE
Est tout prest ?
DRAGON
N'oez vous pas biiiire nos armures et cliqueter ?
17795 nous sommes pretz pour emporter une ville sans assiéger.
CAYPHE
Sy hardy homme de bouger, et vous tenez sur vostre gai'de.
