PIEBRE

Tout est prest, comme chacun voit :

venez vous seoir, grands et menus.

Benedxcite,

TOUS respondent, Dominus.

17910 Posita et apponenda henedicat Bei dexlra,

URION

Or ça, seigneurs, chacun se tire a son lieu, et vous premier, sire, metez vous en ce lieu présent, 17915 et puis nous vous ferons présent des biens qui sont appareilliés.

Icy chacun se siet,

JUDAS

Cher maistre, trop vous travailliez ; laissez moy servir le couvent : c'est a moy, je le fais souvent, 170SO sans vous donner si grand ensonne.

PIRAOMON

Et moy, qui suis sage personne, y sçaray je de riens servir?

JUDAS

James ne suis las de servir ;

puisque je sens mon maistre assis 17925 je prens plus de peine que sis

et suis bien content de jeûner

pour luy son mes bien ordonner.

Voist hardiment ou il vouldra,

jamcs homme ne trouvera 17990 qui consone mieulx a ses fais

ne qui face ce que je fais ;

et si ne luy plains point ma peine.

URION

Sa personne est si très haultaine qu'on ne le pourroit trop prisicr.

JUDAS

17935 Aussi m'a il fait son bourder et gouverneur de sa despence:

c'est signe qu'il a confidence en moy sur tout le demourant.

URION

Il vous a fait honneur très grant :

17940 gardez que n'en soiez ingrat !